1 Yahaya 2:5 - Fulfulde Nigeria

⁵ Ammaa fuu tokkuɗo Wolde Allah, too, e mo yiɗi Allah e goonga. Non tabbitinanta'en en cumpootira e Allah.

1 Yahaya 2:5 ပူးပေါင်းရင်းမြစ်များ

Yahaya 14:23

Yeesu wi'i, “Fuu giɗɗoyam tokkay ekkitinol am. Nyaako am boo yiɗaymo, nden min e Nyaako am min ngaray to maako min jooɗodoo e maako.

Yahaya 14:21

“Koo moye jogiiɗo ko mbiimi ɗum waɗa tokkiɗum, kanko woni giɗɗoyam. Fuu giɗɗoyam Nyaako am yiɗaymo, nden min maa mi yiɗaymo mi wanginanaamo hoore am.”

Luka 11:28

Ammaa Yeesu wi'imo, “Non, ammaa ɓurɓe barkiɗineeki ngoni nanooɓe Wolde Allah e tokkande.”

1 Yahaya 3:24

Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

Wahayu Yahaya 14:12

Ngam maajum yimɓe Allah tokkooɓe ko o wi'i kooliiɓe Yeesu ngaɗa munyal.

1 Yahaya 5:2

No andirten en ngiɗi ɓiɓɓe Allah woni, to en ngiɗi Allah en ngaɗa ko o wi'i ngaɗen.

Yahaya 15:5

“Min woni layol inabohi, onon ngoni lice maagol. Koo moye jooɗiiɗo e jokkootiri e am, min maa e mi jokkootiri e maako, o wartay bo lisal dimayngal ɓikkoy ɗuɗkoy. Ngam to naa' on kawtu e am, on mbaawataa ngaɗon goɗɗum.

1 Yahaya 4:18

To neɗɗo e andi Allah e yiɗimo, o daroto yeeso Allah ɓernde go'o, ngam yidde nde Allah holli'en e riiwa kulol. Ngam to neɗɗo e hula kiita Allah hollii o faamaayi yidde nde Allah yiɗimo. Non hollii yidde nde Allah waɗantamo nde huwataa kuuɗe ɗe o yiɗi huutirkimo.

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Wahayu Yahaya 12:17

Sey mbooga ngan monnani debbo on, nga ummoyii nga hona lenyol maako, waato koo moye tokkoowo ko Allah wi'i jaɓuɗo goonga ka Yeesu waddi.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Roomanko'en 8:1

Ngam non, jooni ɗum taƴantaa ɓen ɗon cumpootirooɓe e Yeesu Almasiihu kiita halkere.

Yaakubu 2:22

Too, a yi'ii hoolaare maako e yaada e kuuɗe maako. Nden hoolaare maako wartii kewnde ngam ko o waɗi.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Yahaya 6:56

Koo moye nyaami ɓandu am yari ƴiiƴam am, e mo sumpootira e am, min maa e mi sumpootira e maako.

1 Yahaya 4:17

To en ngiɗi yimɓe e goonga, en ngaɗa jonde no Yeesu jooɗorii nder duuniyaaru, en kulataa Nyalnde Jaango.

2 Yahaya 1:6

Yidde nde goonga woni ngaɗen ko Allah wi'i. No nanɗon daga arande, ko Allah wi'i woni ngiɗindiree.