1 Yahaya 2:28 - Fulfulde Nigeria

²⁸ Jooni, onon ɓiɓɓe am, ngaɗee ka sumpootirki e Almasiihu, ngam nyalnde nde o wartata ndarooɗen yeeso maako ɓernde go'o, to' cemten yeeso maako.

1 Yahaya 2:28 ပူးပေါင်းရင်းမြစ်များ

1 Yahaya 4:17

To en ngiɗi yimɓe e goonga, en ngaɗa jonde no Yeesu jooɗorii nder duuniyaaru, en kulataa Nyalnde Jaango.

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

1 Yahaya 3:2

Onon higooɓe am ɓe ngiɗumi, jooni en ɓiɓɓe Allah. Ɗum hollaayi'en ko ngarteten ɗo'o yeeso taw. Ammaa en andi to Almasiihu wartii, en ngartay bo maako, ngam en ngi'aymo non no o woni.

1 Yahaya 3:21

Onon ɓe ngiɗumi, to ɓerɗe meeɗen kollaayi'en en ngaɗii ko wooɗaa, en ngoodi sembe ɓerɗe daraaki yeeso Allah.

Koloosiyanko'en 3:4

Yonki mooɗon ki goonga woni Almasiihu. To o so''oyake duuniyaaru ndu'u, onon maa, on ngonday e maako nder teddungal maako.

1 Yahaya 2:1

Onon ɓiɓɓe am, e mi windana'on ɗu'um ngam to' ngaɗon hakke. Ammaa to goɗɗo waɗii hakke, en ngoodi torotooɗo Nyaako Mo Dow ngam meeɗen. Kanko woni Yeesu Almasiihu aadiliijo.

1 Tasaloonikanko'en 3:13

O sembiɗina ɓerɗe mooɗon ngam ngarton ɓe ngalaa goɗɗum ko wooɗaa, ngarton ceniiɓe yeeso Allah Nyaako meeɗen nyalnde wartuki Joomiraawo meeɗen Yeesu e fuu ceniiɓe maako.

1 Yahaya 5:14

En ngoodi sembe ɓerɗe daraaki yeeso maako, ngam en tabbitinii e mo nana'en to en torakemo koo ɗume non no o yiɗiri.

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

1 Tasaloonikanko'en 2:19

Dow ɓeye min ngaɗi ɓerɗe amin? Ɓeye mbelnantamin ɓerɗe? Ɓeye ngoni ɓe min mantortoo yeeso Joomiraawo meeɗen Yeesu nyalnde wartoyki maako? Naa' ɗum onon?

1 Korintiyanko'en 1:7

Ngam non, on ndullaayi koo ngale dokkal ngal Ruuhu Allah hokkata, on keɗii on kaaɓii gartol Yeesu Almasiihu Joomiraawo meeɗen.

Roomanko'en 9:33

no aayaare wi'i, “Ndaaree, mi resii hayre nder Sihiyoona gaɗaynde yimɓe peggoo, nde waɗay ɓe njana. Fuu kooliiɗomo semtintaake.”

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

1 Timooti 6:14

e mi wi'umaa, tokku ko Allah wi'i e goonga naa nyalnde nde Joomiraawo meeɗen Yeesu Almasiihu wartoyta.

1 Tasaloonikanko'en 5:23

Allah Joomu Jam e hoore muuɗum wartira'on laaɓuɓe gaɗa e yeeso. O sura yonkiiji mooɗon e ɓerɗe mooɗon e ɓalli mooɗon boɗɗum, ngarton ɓe ngalaa goɗɗum ko wooɗaa nyalnde wartuki Joomiraawo meeɗen Yeesu Almasiihu.

1 Korintiyanko'en 15:23

Ammaa raa no ummaaki mayɓe wa'ata. Arande Almasiihu umminaama daga mayde, nden nyalnde nde o wartoyi ɗum umminay fuu yimɓe maako daga mayde.

1 Biiturus 1:7

ngam tabbitinki hoolaare mooɗon. Hoolaare nden nde ɓuri jiinaari. Koo nde jiinaari nyalnde go'o ɗum re'ay, e ɗum foondiree hiite. Non maa ɗum foonday hoolaare mooɗon ɗum tabbitinande ngam keɓon manteeki, e teddineeki, e mawnineeki nyalnde nde Yeesu Almasiihu wartata.

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Luka 17:30

Non waɗetee nyalnde nde Ɓii Neɗɗo wangata.

Aafisanko'en 3:12

Barka Yeesu e hoolaaki ki kooliiɗenmo, jooni en mbaawi yaaki yeeso Allah kulol walaa, en tabbitina o jaɓay'en.