1 Yahaya 2:27 - Fulfulde Nigeria

²⁷ Ammaa onon, Almasiihu hokkii'on Ruuhu Allah, jooɗiiɗum nder ɓerɗe mooɗon. Naa' naa goɗɗo ekkitinoowo feere ekkitinii'on, ngam Ruuhu ɗum e ekkitina'on koo ɗume. Nden ko ɗum ekkitinta ɗum goonga, naa' ɗum fewre. Ngaɗee ka sumpootirki e Yeesu non no Ruuhu Allah ekkitiniri'on.

1 Yahaya 2:27 ပူးပေါင်းရင်းမြစ်များ

Yahaya 14:26

Ammaa e woodi Ballayɗum, waato Ruuhu Allah ɗum Nyaako Mo Dow liloyta nder inde am. Ɗum ekkitinay'on koo ɗume, ɗum siftoranay'on fuu ko mbiimi'on.

1 Korintiyanko'en 2:13

E min meta dow ɗu'um naa' nder haala ka faamu neɗɗo ekkitata, sey ni nder haala ka Ruuhu Allah ekkitinimin. E min ekkitina gooduɓe Ruuhu Allah dow goonga Allah.

Yahaya 16:13

Ammaa carel ngel Ruuhu Allah kollayɗum goonga warii, ɗum andinay'on goonga fuu. Ɗum metataa boliiɗe ɗe hoore maajum, ko ɗum nani tan ɗum metata, nden ɗum wi'ay'on ko waɗata yeeso.

1 Tasaloonikanko'en 2:13

Non maa koo ndeye e min ngetta Allah, ngam carel ngel njaɓuɗon Wolde Allah nde nanɗon to amin, on njaɓaayinde bo wolde neɗɗo, ammaa on njaɓiinde nde Wolde Allah, non no nde wontindiri. E nde huwa nder ɓerɗe mooɗon, onon kooliiɓe Allah.

2 Yahaya 1:2

E min ngiɗi'on ngam goonga wonka nder ɓerɗe meeɗen, nden ka jooɗodoto e meeɗen haa abadaa.

1 Yahaya 3:24

Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

1 Yahaya 2:28

Jooni, onon ɓiɓɓe am, ngaɗee ka sumpootirki e Almasiihu, ngam nyalnde nde o wartata ndarooɗen yeeso maako ɓernde go'o, to' cemten yeeso maako.

1 Biiturus 1:23

Ngaɗee non ngam Allah hokkii'on yonki kesum barka wolde maako goodunde yonki tabbutunde haa abadaa.

Koloosiyanko'en 2:6

Nde on njaɓii Yeesu Almasiihu o Joomiraawo, ngaɗee ka sumpootirki e maako.

Yahaya 14:17

Kanko woni Ruuhu kollayɗum goonga. Yimɓe duuniyaaru ndu'u njaɓataaɗum, ngam ɓe ngi'ataaɗum, ɓe andaaɗum. Ammaa onon on andiɗum ngam e ɗum wondi e mooɗon, nden ɗum jooɗoto nder mooɗon.

Aafisanko'en 4:21

Mi tabbitinii on nanii habaru Yeesu. Ɗum ekkitinii'on goonga ngonka nder maako.

Yahaya 4:14

ammaa koo moye jarɗo ndiyam ɗam kokkaymoomi o fuɗɗitataa o nana ɗonka kadin. Ndiyam ɗam kokkaymoomi ɗam wartay nder maako ndiyam ɓuloojam kokkayɗammo yonki ki re'ataa.”

1 Timooti 2:7

Ngam maajum ɗum suɓiiyam mi warta ga'ajinoowo e lilaaɗo e ekkitinoowo yimɓe naa' Yahuudanko'en dow hoolaaki goongahi. Goonga mbi'aymi, naa' mi feway!

Maatiyu 13:11

O nootii o wi'iɓe, “Onon on kokkaama faamu sirru Laamu Allah, ammaa kamɓe ɓe kokkaaka.

Yahaya 6:45

Annabo'en mbindii wiiki, ‘Allah ekkitinay koo moye.’ Koo moye kettindaniiɗo Nyaako on ekkitii daga to maako e wara to am.

Yahaya 14:16

Mi toroto Nyaako Mo Dow, nden o hokkay'on goɗɗum Ballayɗum, jooɗodotooɗum e mooɗon haa abadaa.

1 Korintiyanko'en 2:12

Ruuhu ɗum keɓuɗen, naa' to duuniyaaru ɗum ƴiwoyi; to Allah ɗum ƴiwoyi, ngam anden caahu ɗum o hokki'en.

2 Korintiyanko'en 1:21

Ngam Allah woni gaɗuɗo'en ndariiɗen boɗɗum nder sumpootirki meeɗen e Yeesu Almasiihu. Kanko suɓi'en,

1 Tasaloonikanko'en 4:9

Dow no haani ngiɗindiron boo, naa' sey to goɗɗo windanii'on, ngam onon e ko'e mooɗon Allah ekkitinii'on ngiɗindiron.