1 Yahaya 2:20 - Fulfulde Nigeria

²⁰ Ammaa Almasiihu hokkii'on Ruuhu Allah. Kanjum waɗi anduɗon goonga.

1 Yahaya 2:20 ပူးပေါင်းရင်းမြစ်များ

Yahaya 14:26

Ammaa e woodi Ballayɗum, waato Ruuhu Allah ɗum Nyaako Mo Dow liloyta nder inde am. Ɗum ekkitinay'on koo ɗume, ɗum siftoranay'on fuu ko mbiimi'on.

1 Yahaya 2:27

Ammaa onon, Almasiihu hokkii'on Ruuhu Allah, jooɗiiɗum nder ɓerɗe mooɗon. Naa' naa goɗɗo ekkitinoowo feere ekkitinii'on, ngam Ruuhu ɗum e ekkitina'on koo ɗume. Nden ko ɗum ekkitinta ɗum goonga, naa' ɗum fewre. Ngaɗee ka sumpootirki e Yeesu non no Ruuhu Allah ekkitiniri'on.

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Yahaya 16:13

Ammaa carel ngel Ruuhu Allah kollayɗum goonga warii, ɗum andinay'on goonga fuu. Ɗum metataa boliiɗe ɗe hoore maajum, ko ɗum nani tan ɗum metata, nden ɗum wi'ay'on ko waɗata yeeso.

Ibraaniyanko'en 1:9

A yiɗi aadilaaku, a wanyii ko wooɗaa. Kanjum waɗi min, Allah maaɗa, cuɓumaami ngaɗumi keɓuɗaa mangu gaddayɗum nanuki belɗum ɓurɗum ɗum ɓe ngonduɗaa.”

1 Yahaya 4:13

Allah hokkii'en Ruuhu muuɗum. Kanjum waɗi anduɗen e mo wondi e meeɗen, enen maa en ngondi e maako.

Kuuɗe Lilaaɓe 3:14

O Ceniiɗo Aadiliijo, ammaa on nganyiimo, on torake Bilaatus yoofana'on gaɗɗo warhoore.

Luka 4:18

“Ruuhu Joomiraawo e dow am, ngam o suɓiiyam mi hokka ɓe ngalanaa Habaru Belɗum. O liliiyam mi wadda habaru yoofuki maccuɓe, mi wumtina wumɓe, mi waɗa ɗum ala torreteeɓe ndilla,

Markus 1:24

wi'i, “Ko wannumaa e amin, Yeesu Najarankeejo? A waroyi ngam kalkaamin? E mi andi an a moye. An woni Ceniiɗo Allah.”

Wahayu Yahaya 4:8

Ɗum ɗon tagaaɗum nayum gooduɗum yonki, koo ɗume e woodi biyeeli joweego'o. E ɗum woodi gite to ɓandu koo toye. Jemma e nyalawma ɗum alataa yimuki e ɗum wi'a, “O ceniiɗo, o ceniiɗo, o ceniiɗo, Allah Joomiraawo Joomu Bawɗe, kanko woni ndenno, kanko woni jooni, kanko woni yeeso ɗo'o!”

Wahayu Yahaya 3:7

“Windan malaa'ikaajo kawtal tokkuɓe Yeesu wonɓe gariiri Filadelfiya wi'uki: “Min woni Ceniiɗo mo goonga jogiiɗo maɓɓitirgel Dawda. To o maɓɓitii dammugal, walaa maɓɓayɗongal, to o maɓɓiingal, walaa maɓɓitayɗongal.

Ibraaniyanko'en 8:11

Naa' naa goɗɗo ekkitinii mo jooɗodii, koo ekkitina bandiraawo muuɗum wiiki, ‘Andu Joomiraawo,’ ngam ɓe fuu ɓe andayyam, daga pamaro maɓɓe haa mawɗo maɓɓe.

1 Korintiyanko'en 2:15

Gooduɗo Ruuhu Allah boo waaway faamuki koo ɗume ko Ruuhu Allah ekkitata. Ammaa mo walaa Ruuhu Allah faamataa nyumo gooduɗo Ruuhu Allah.

Luka 4:34

“Wayyoo! Ko wannumaa e amin, Yeesu Najarankeejo? A waroyi ngam kalkaamin? E mi andi an a moye. An woni Ceniiɗo Allah!”

Maatiyu 13:11

O nootii o wi'iɓe, “Onon on kokkaama faamu sirru Laamu Allah, ammaa kamɓe ɓe kokkaaka.

Yahuuda 1:5

Koo nde on njaadake on andi fuu fii ɗu'um, e mi yiɗi mi siftorana'on wiiki Joomiraawo hisnii yimɓe Israa'iila daga leydi Masar. Ammaa gaɗa ɗon o halkii ɓe koolaakimo.