1 Yahaya 2:18 - Fulfulde Nigeria

¹⁸ Onon ɓiɓɓe am, timmoode duuniyaaru ɓadake, non no nanɗon Ganyo Almasiihu e wara. Nden jooni wanywanyɓe Almasiihu njaadake mbangii. Ngam maajum en andi timmoode duuniyaaru ɓadake.

1 Yahaya 2:18 ပူးပေါင်းရင်းမြစ်များ

1 Yahaya 4:3

Ammaa fuu mo wi'aayi Yeesu Almasiihu warii nder ɓandu, o walaa Ruuhu Allah. Ko o wi'ata to Ganyo Almasiihu ɗum ƴiwoyi. Ganyo mo nanɗon e wara, o yaadake o warii nder duuniyaaru.

2 Yahaya 1:7

Mi wi'u non ngam yimɓe ɗuɗɓe majjinooɓe yimɓe mburtoyake nder duuniyaaru. Ɓe njaɓaayi Almasiihu warii duuniyaaru nder ɓandu. Iri ɓen ɗon yimɓe ɓe majjinooɓe yimɓe, ɓe wanywanyɓe Almasiihu.

1 Yahaya 2:22

Ɗum moye woni pewoowo? Kanko woni ganyuɗo Yeesu woni Almasiihu. Ganyuɗo Nyaako Mo Dow e Ɓiɗɗo maako kanko woni ganyo Almasiihu.

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Maatiyu 24:5

Yimɓe ɗuɗɓe ngaroyay ɓe mbi'a kamɓe ngoni min, ɓe mbi'a, ‘Min woni Almasiihu,’ ɓe majjina yimɓe ɗuɗɓe.

1 Yahaya 4:1

Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

Markus 13:6

Yimɓe ɗuɗɓe noddiray ko'e maɓɓe inde am, ɓe mbi'a ‘Min woni Almasiihu,’ ɓe majjina yimɓe ɗuɗɓe.

2 Biiturus 2:1

Ammaa ndenno annabo'en fewre nattii nder yimɓe Joomiraawo. Non moodiɓɓe fewre nattirta nder mooɗon. Ɓe ngadday wongol ekkitinol nder mooɗon e suuɗe pooɗanayngol'on halkere, haa maa ɓe mbi'a ɓe andaa Joomiraawo rimɗinɗoɓe. Non ɓe pooɗiranta ko'e maɓɓe halkere jawnde.

Maatiyu 24:11

Annabo'en fewre ɗuɗɓe ummoyto, ɓe majjina yimɓe ɗuɗɓe.

Yahuuda 1:18

Ɓe mbi'ii'on, “E balɗe re'uki duuniyaaru yimɓe jukkitooɓe mburtoyto, tokkiranooɓe suuno maɓɓe kallungo ngo ciya kulol Allah.”

2 Biiturus 3:3

Arande doole andon ɗu'um, nder balɗe re'uki duuniyaaru woɓɓe yimɓe ngaray njukkita'on, tokkooɓe suuno maɓɓe kallungo.

Ibraaniyanko'en 1:2

Ammaa nder balɗe ɗe'e ɗe re'uki duuniyaaru o metiranii'en Ɓiɗɗo maako, mo o suɓi warta donoowo koo ɗume. Ɗonmaa barka maako Allah tagi duuniyaaru.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.

1 Biiturus 1:5

Onon bawɗe Allah e surana'on barka hoolaaki Yeesu, ngam keɓon kisndam ɗam o siryii wanginki nyalnde re'uki duuniyaaru.

Yahaya 21:5

Sey Yeesu wi'iɓe, “Bandiraaɓe, on ngoodi liƴƴi?” Ɓe mbi'imo, “Min ngalaa.”

Roomanko'en 13:11

Ngaɗee ɗu'um, ngam on andi iri jaamanu ɗum ngonɗen nder. Carel waɗii ngel ummotooɗon daga ɗeyngol. Ngam nyalnde nde Allah hisnata'en e ɓeyda ɓaddoyaaki koo ndeye nyalnde daga nyalnde nde kooliiɗen Yeesu.

Roomanko'en 13:12

Jooni ɗum jemma, subaka ɓadake. Ngam non, en alu huwuki kuuɗe nyiwre, en ngaɗu jonde meeɗen nder jayngol.

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.