1 Yahaya 1:2 - Fulfulde Nigeria

² On ɗon kokkoowo yonki on, ɗum wanginaniiminmo, min ngi'imo. Dow maako min kokkata ceyda, ɗonmaa e min nga'ajinana'on wiiki kanko woni mo yonki ki re'ataa. Daga ndenno e mo wondi e Nyaako Mo Dow, nden ɗum wanginaniiminmo.

1 Yahaya 1:2 ပူးပေါင်းရင်းမြစ်များ

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

Yahaya 1:4

To maako yonki ƴiwoyi, nden yonki kin woni jayngol yimɓe.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Yahaya 17:3

Yonki ki re'ataa woni ɓe andumaa, an tan woni Allah goongaajo, nden ɓe anda Yeesu Almasiihu mo liloyɗaa.

1 Yahaya 5:11

Ɗu'um woni ko tabbitinani'en Allah hokkii'en yonki ki re'ataa, nden yonki kin to Ɓiɗɗo maako keɓetenki.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

Tiitus 1:2

Goonga ka'a waɗay ɓe ngaɗa ɓerɗe dow heɓuki yonki ki re'ataa. Allah waɗii alkawal dow yonki kin ko duuniyaaru tagee, o boo fewataa.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

1 Yahaya 3:5

On andi Yeesu Almasiihu warii ngam itta hakke. Kanko o walaa hakke.

2 Timooti 1:10

Jooni boo o wanginanii'en yidde nden barka Kisnoowo meeɗen Yeesu Almasiihu, gartirɗo sembe mayde meere. Kanko holli'en laawol ngol tokketen kisen keɓen yonki ki re'ataa barka Habaru Belɗum.

Galaatiyanko'en 4:4

Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

Yahaya 15:27

Onon maa doole kokkon ceyda dow am ngam on ngondi e am daga arande.

Kuuɗe Lilaaɓe 3:15

On mbarii kokkayɗo yonki, ammaa Allah umminiimo daga mayde. Minon boo, min ceydu'en maajum.

1 Biiturus 5:1

E mi toroo mawɓe kawtal tokkuɓe Yeesu gonɓe nder mooɗon. Min maa mi mawɗo nder tokkuɓe Yeesu, bandiraawo mooɗon, ceydiiɗo torra ka Almasiihu yari, keɓayɗo geɗal muuɗum nder mangu maako to o wartoyii. E mi toroo'on,

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Kuuɗe Lilaaɓe 10:41

O wanganaayi yimɓe fuu, ammaa o wanganiimin minon ceydu'en ɓe Allah arti suɓuki. Minon ngoni nyamnduɓe e maako njardi e maako gaɗa o ummake daga mayde.

Kuuɗe Lilaaɓe 5:32

Minon ngoni ceydiiɓe fii ɗu'um, minon e Ruuhu Allah ɗum Allah hokki yimɓe gaɗooɓe ko o wi'i.”

Kuuɗe Lilaaɓe 2:32

Almasiihu on woni Yeesu mo Allah ummini daga mayde. Min fuu e min ceydiiɗum.

Yahaya 21:14

Ɗu'um kanjum woni tataɓum Yeesu e wangana tokkuɓemo gaɗa o umminaama daga mayde.

Yahaya 17:5

Nyaako am, jooni teddinam yeeso maaɗa teddungal ngal ngoodunoomi yeeso maaɗa ko duuniyaaru tagee.

Yahaya 16:28

Mi ƴiwoyii to maako mi wari duuniyaaru, nden jooni mi alay duuniyaaru mi ƴeeŋay to maako.”

Yahaya 8:38

E mi wi'a'on ko ngiimi to Nyaako am, onon boo on ngaɗa ko nanɗon daga to nyaako mooɗon.”

Yahaya 7:29

ammaa min e mi andimo, ngam daga to maako ƴiwoymi, kanko liloyiyam.”

Yahaya 3:13

Walaa meeɗuɗo yaaki dow sey ni on ɗon ƴiwoyɗo daga dow, waato Ɓii Neɗɗo.

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

1 Yahaya 1:1

E min mbindana'on habaru goɗɗo bi'eteeɗo Wolde kokkaynde yonki. Ko duuniyaaru tagee e mo ɗon. Min naniimo, min ngi'iimo e gite amin. Min ndaariimo, min meemiimo e juuɗe amin.

Yahaya 10:28

Mi hokkiiɗi yonki ki re'ataa, ɗi kalkataa haa abadaa, nden walaa teetayɗoɗi daga jungo am.

Yahaya 19:35

Giiɗo ɗu'um carel ko ɗum waɗi, kanko hokkii ceyda dow maajum, ngam onon maa koolooɗon. Ceyda maako boo ɗum goonga, e mo andi goonga o meti.

1 Yahaya 2:25

Nga'al kangal woni alkawal ngal Almasiihu waɗani'en, waato yonki ki re'ataa.

1 Yahaya 4:2

Raa no andirton to neɗɗo e woodi Ruuhu Allah: fuu biiɗo Yeesu Almasiihu warii nder ɓandu e woodi Ruuhu Allah.

1 Yahaya 4:14

Min ngi'ii, min boo ceydake wiiki, Nyaako Mo Dow liloyii Ɓiɗɗo muuɗum o warta kisnoowo duuniyaaru.

1 Yahaya 5:13

Mi windan'on ɗu'um, onon kooliiɓe inde Ɓiɗɗo Allah, ngam andon on ngoodi yonki ki re'ataa.