1 Timooti 6:5 - Fulfulde Nigeria

⁵ O giɗɗo yeddootirki ki re'ataa e yimɓe ɓe nyumo baatungo, ɓe ngalaa goonga, nyumooɓe tokkol Allah ɗum ɗatal heɓuki ceede.

1 Timooti 6:5 ပူးပေါင်းရင်းမြစ်များ

2 Timooti 3:5

Ɓe kollay bo ɓe tokkuɓe Allah, ammaa ɓe nganya bawɗe maako. Woɗɗita iri yimɓe ɓen ɗon.

2 Biiturus 2:3

Kamɓe ceede ɓe ngiɗi. Ngam non ɓe majjinay'on e metemeteeji fewre ngam ɓeydaari ko'e maɓɓe. Ammaa daga ndenno ɗum siryake taƴankiɓe kiita, halkere maɓɓe e ɗon heɗiiɓe.

Tiitus 1:11

Doole ɗum haɓanaɓe ɓe nde''ita, ngam e ɓe ekkitina ko wooɗaa, e ɓe majjina yimɓe wuro‑wuro ngam ɓe keɓa ceede.

2 Timooti 3:8

Non no Jenis e Jambiras nganyiri ko Muusa wi'i, non yimɓe ɓen nganyirta goonga. Nyumo maɓɓe ngo kallungo, hoolaare maɓɓe wartii lallunde.

1 Timooti 6:6

Goonga, e woodi risku mawɗum nder kulol Allah to en munyii dow ko ngooduɗen.

1 Timooti 3:3

To' o warta jaroowo, koo ɗaɓɓitoowo hawre, ammaa mo hakkiilo, giɗɗo jonde jam, naa' gooduɗo yidde ceede.

Maatiyu 23:13

“On mbonii, onon moodiɓɓe Attawra e Faarisanko'en! On munaafuki'en! On maɓɓanii yimɓe dammugal nattuki Laamu Allah. Onon on nattaayi, on alaayi giɗuɓe nattuki natta.

Maatiyu 12:33

“Lekki boɗki e rima ɓikkoy mboɗkoy, non maa lekki ki wooɗaa e rima ɓikkoy koy mbooɗaa. Koo kiye lekki e andiree ɓikkoy maaki.

1 Timooti 1:6

Woɓɓe yimɓe nde ali waɗuki non, ɓe majjii laawol goonga, ɓe puɗɗi metuki haalaaji meereeji.

Wahayu Yahaya 18:3

Ngam kayri woni gariiri bonnundi lenyi duuniyaaru e waaduki njeenu e mayri. Njeenu ɗum ɓe ngaadi wartaniiɓe bo njaru gaylitayngu hoore. Laamiiɓe duuniyaaru ngaadii njeenu e mayri. Soodooɓe e cooritoo koo toye nder duuniyaaru keɓii risku ngam Baabiila e yiɗi waɗuki njeenu naa' seɗɗa.”

Yahuuda 1:11

Ɓe mbonii! Ɓe tokkii ngikku Kayinu. Ɓe nattii iri majjere Bala'amu ngam suuno ceede. Non no Koora wanyiri ko Allah wi'i, non kamɓe maa ɓe nganyiri ko Allah wi'i. Ngam non, ɓe kalkay.

2 Biiturus 2:15

Ɓe alii laawol goonga, ɓe majjii, ɓe tokkii laawol Bala'amu, ɓiɗɗo Beeyor, giɗɗo waɗuki ko wooɗaa ngam heɓuki ceede.

1 Timooti 3:8

Non maa doole kuwooɓe nder kawtal tokkuɓe Yeesu ngarta gooduɓe ngikku boɗɗum, wi'ooɓe goonga, naa' jarooɓe, koo gooduɓe yidde ceede.

2 Tasaloonikanko'en 3:6

Bandiraaɓe, e min mbi'a'on nder inde Joomiraawo meeɗen Yeesu Almasiihu, doole ngoɗɗitooɗon koo moye dakkiiɗo tokkuɗo Yeesu mo tokkataa ko min ekkitini'on.

Maatiyu 21:13

O wi'iɓe, “Ɗum windaama Allah wi'ii, ‘Ɗum noddiray wuro am wuro do'aare,’ ammaa on ngartiriingo luuro wuyɓe!”

Wahayu Yahaya 18:13

e sinamon, e condi nyaɗɗe mbelndi, e urde welnde guleteende, e nebbam bi'eteeɗam mur, e urde welnde guleteende bi'eteende firankisen, e ndiyam inabojam, e nebbam, e condi alkamaari, e caabaari alkamaari, e na'i, e baali, e be'i, e keekeeji pucci, e maccuɓe, waato yonkiiji yimɓe.

1 Korintiyanko'en 11:16

To boo goɗɗo e yiɗi yedda haala ka'a, sey o anda min ngalaa goɗɗum ndonu feere, non maa koo ngale kawtal yimɓe Allah.

1 Timooti 4:7

Woɗɗita habaruuji fewre ɗi meere ɗi ngalaa goonga dow Allah. Ekkitin hoore maaɗa tokkuki Allah.

1 Timooti 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.