1 Timooti 6:4 - Fulfulde Nigeria

⁴ o kewɗo mangu hoore, walaa ko o andi. O giɗɗo geddi e foɗfoɗtirki dow boliiɗe. Foɗfoɗtirki kin e wadda lawliiru, e yeddootirki, e huɗhuɗtirki, e nyumooji kalluɗi dow yimɓe.

1 Timooti 6:4 ပူးပေါင်းရင်းမြစ်များ

2 Timooti 2:23

Taa' nattin hoore maaɗa nder geddi meereeji ɗi ngalaa hoore, ngam a andi e ɗi ngadda hawre.

2 Timooti 3:4

Ɓe ngartay nyaamooɓe amaana, ɓe ngalaa hakkiilo, ngi'ooɓe ko'e maɓɓe ɓe ɓurii koo moye, ɓurɓe yiɗuki nanki belɗum dow yiɗuki Allah.

1 Timooti 3:6

Haanaa boo tokkuɗo Yeesu keso warta ardiiɗo, ngam ɗum gaɗotooɗum o mawnina hoore maako, nden ɗum waɗanamo no ɗum waɗani Ceyɗan.

Yahuuda 1:10

Ammaa yimɓe ɓen ɗon e ɓe kuɗa fuu ko ɓe paamaayi. E ɓe ngaɗa ko ɓalli maɓɓe ngiɗi bo marle ladde. Kanjum woni ko yaarataɓe nder halkere.

2 Biiturus 2:12

Ammaa moodiɓɓe fewre ɓe'e e ɓe meta haalaaji kalluɗi dow koo ɗume ɗum ɓe paamaayi. E ɓe ngoodi ngikku bo marle ladde dimaaɗe ngam nangee mbaree. Ɓe tokkooɓe ko suuno ɓalli maɓɓe ngiɗi. Ɗum halkayɓe no ɗum halkirta marle ladde.

2 Timooti 2:14

Waɗu ka siftorankiɓe fuu fii ɗu'um, wagginɓe yeeso Allah ɓe ngoɗɗitoo yeddootirki dow boliiɗe, ngam walaa ko ɗum nafi, sey ni ɗum wonna nanooɓe.

Yahuuda 1:16

Ɓe'e yimɓe ɓe metitotooɓe, koo ndeye e ɓe ngi'a boofol woɓɓe. E ɓe tokka suunooji maɓɓe kalluɗi. E ɓe meta haalaaji mawninki ko'e maɓɓe, e ɓe metana yimɓe haalaaji belɗi ngam ɓe keɓa ko ɓe ngiɗi.

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

1 Timooti 1:7

E ɓe ngiɗi ɗum anda ɓe moodiɓɓe Attawra, ammaa ɓe paamataa ko ɓe mbi'ata, koo dow ko ɓe ekkitinta ɓernde go'o.

1 Timooti 1:4

Wi'uɓe ɓe cendira e habaruuji fewre ɗin ɗon e feerootirki lenyol ki walaa keerol, ngam iri non hollataa no ɗum hoolortoo Allah, sey ni ɗum ummina geddi tan.

Yaakubu 1:19

Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki.

Tiitus 3:9

Ammaa an, woɗɗita geddi meere e feerootirki lenyol e yidde hawre e yeddootirki dow Attawra, ngam walaa ko ɗum nafi, ɗum fii meere.

Kuuɗe Lilaaɓe 15:2

Bulus e Barnaba ngeddootiri e maɓɓe geddi nawɗi. Sey kooliiɓe Yeesu wonɓe Antaakiya cuɓi Bulus e Barnaba e woɓɓe nder maɓɓe, ɓe liliɓe Urucaliima ngam ɓe medda e lilaaɓe e mawɓe wonɓe ton dow haala kan.

Wahayu Yahaya 3:17

On mbi'a, ‘E min ngoodi risku. E min ngoodi jawdi, walaa ko min ndulli.’ Ammaa on andaa on coyɓe on ngartii ko yurminii, on ngalanaa, on wumɓe, on ɓornaaki.

2 Tasaloonikanko'en 2:4

O wanyay koo ɗume ko yimɓe noddata allah koo boo ko ɓe mawninta, o mawnina hoore maako dow maajum. Haa maa o nattay Wuro Ceniingo ngo Allah, o jooɗoo, o wi'a kanko woni Allah.

Koloosiyanko'en 2:18

E woodi woɓɓe yiɗuɓe lesnuki hoore ki fewre e mawninki malaa'ika'en. To' on alu ɓe njawana'on. Iri maɓɓe e ɓe mbi'a e ɓe ngi'a wahayu. E ɓe ƴefta ko'e maɓɓe e meere, ngam nyumooji maɓɓe ɗum ɗi duuniyaaru.

Filibiyanko'en 2:14

Fuu ko ngaɗoton, to' on ngaɗuɗum nder metitaaki, koo nder geddi,

Filibiyanko'en 2:3

To' on ngaɗu koo ɗume nder yidde hoore koo nder mangu hoore, ammaa nder lesnuki hoore koo moye hocca bandiraawo muuɗum ɓuriimo.

Filibiyanko'en 1:15

Ɗum goonga woɓɓe e nga'ajina habaru Almasiihu ngam lawliiru e ɗaɓɓutuki foɗfoɗtirki, ammaa woɓɓe e nga'ajina ngam nyumooji boɗɗi.

Galaatiyanko'en 6:3

To goɗɗo e nyuma kanum ɗum goɗɗum koo nde naa' o goɗɗum, e mo majjina hoore maako.

Galaatiyanko'en 5:26

To' en ngartu ɓe mangu hoore, koo umminindiren hakkiilo, koo lawlindiren.

Galaatiyanko'en 5:15

Ammaa to on kallindira on torrindira bo marle ladde, paamee to' kalkindiron.

2 Korintiyanko'en 11:20

Haa maa on munyana koo moye gartiroowo'on maccuɓe maako, e ƴoyruɗo'on jaɓani'on ko ngooduɗon, e jawanayɗo'on, e piiɗo'on to wolo.

1 Korintiyanko'en 11:18

Arande, mi nanii onon tokkuɓe Yeesu to on kawritii, e woodi feerootirol hakkunde mooɗon. E mi nyuma e woodi goonga nder haala kan.

1 Korintiyanko'en 11:16

To boo goɗɗo e yiɗi yedda haala ka'a, sey o anda min ngalaa goɗɗum ndonu feere, non maa koo ngale kawtal yimɓe Allah.

1 Korintiyanko'en 3:18

To' goɗɗo ƴoyra hoore muuɗum. To goɗɗo mooɗon e nyuma e woodi faamu no jaamanu ɗu'um hocciri faamu, sey o wartira hoore maako bo kaaŋaaɗo, ngam o warta gooduɗo faamu ɗum goonga.

1 Korintiyanko'en 3:3

Ngam haa jooni on ngaɗa jonde iri nde yimɓe duuniyaaru. To ni e woodi lawliiru e geddi hakkunde mooɗon, too, haa jooni duuniyaaru jeyi'on, on kuwa kuuɗe iri ɗe duuniyaaru ndu'u.

Roomanko'en 14:1

Njaɓee fuu tokkuɗo Yeesu gooduɗo hoolaare nde sembiɗaa, ammaa to' on ngeddootir e maako dow nyumol maako.

Roomanko'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

Roomanko'en 12:16

Njooɗee jonde jam hakkunde mooɗon. To' on mawnin ko'e mooɗon, ammaa kawtee ko'e mooɗon e yimɓe ɓe ɗum hocci naa' ɓe goɗɗum. To' on koccu ko'e mooɗon bo on ɓurii yimɓe koriiɓe faamu.

Roomanko'en 2:8

Ammaa yimɓe giɗanɓe ko'e maɓɓe tan ganyuɓe goonga tokki ko wooɗaa, ɓe kawray e monnere Allah e halkere maako.

Kuuɗe Lilaaɓe 18:15

Ammaa nde ɗum geddi dow diina mooɗon, e inɗe, e dooka mooɗon, onon e ko'e mooɗon ngaɗaneemo kiita. Min kam, mi waɗantaa iri ɗu'um fii kiita!”

Kuuɗe Lilaaɓe 8:9

Nder gariiri ndin boo e woodi goɗɗo neɗɗo bi'eteeɗo Siiman, o darnoowo. E mo hayɗina Samaariyanko'en naa' seɗɗa e kuuɗe maako, e mo wi'a hoore maako o mawɗo.