1 Timooti 6:18 - Fulfulde Nigeria

¹⁸ Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

1 Timooti 6:18 ပူးပေါင်းရင်းမြစ်များ

Ibraaniyanko'en 13:16

To' on ngejjutu waɗuki ko wooɗi e senduduki ko ngooduɗon e woɓɓe, ngam ɗu'um kanjum woni cakkiri belnanoori Allah ɓernde.

1 Yahaya 3:17

To gooduɗo risku yi'ii bandiraawo muuɗum nder dullere o wanyii o wallamo, too, no waɗata o wi'a e mo woodi yidde Allah nder ɓernde maako?

Roomanko'en 12:8

Ɓe o hokki dokkal sembiɗinki woɓɓe, sey ɓe cembiɗinaɓe. Ɓe o hokki dokkal hokkuki caahu, sey ɓe kokkaɗum e ɓernde go'o. Ɓe o hokki dokkal ardaare, sey ɓe ngaɗa hakkiilo maɓɓe dow ardaare nden. Ɓe o hokki dokkal yurminanki yimɓe, sey ɓe njurminanaɓe nder belɗum ɓernde.

Tiitus 3:8

Fii ɗu'um ɗum mbiimaami ɗum goonga. E mi yiɗi cembiɗinaa horiiɓe dow maajum ngam kooliiɓe Allah ngaata hakkiilo maɓɓe dow waɗuki kuuɗe boɗɗe. Fuu fii ɗu'um e wooɗi ɗum nafanay koo moye.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Luka 12:21

Sey Yeesu wi'iɓe, “Koo moye moɓtanɗo hoore muuɗum jawdi duuniyaaru, nden walaa ko o resi to Allah, non heɓatamo.”

Galaatiyanko'en 6:10

Ngam maajum fuu carel ngel keɓɗen, en ngaɗan koo moye ko wooɗi, ko ɓuri maa woni ɓen ɗon tokkuɓe Yeesu bandiraaɓe meeɗen.

Roomanko'en 12:13

Cendidee ko ngooduɗon e yimɓe Allah giɗuɓe walleeki, njaɓɓee hoɓɓe nder gureeje mooɗon.

1 Timooti 5:10

Doole o warta mo ɗum andiri waɗuki kuuɗe boɗɗe, ekkitinɗo ɓiɓɓe maako boɗɗum, jaɓɓotooɗo hoɓɓe, gaɗanoowo tokkuɓe Yeesu fii boɗɗum nder lesnuki hoore, balloowo yimɓe nattuɓe torra, gaɗuɗo hoore muuɗum dow waɗuki boɗɗum nder koo ɗume.

2 Korintiyanko'en 8:9

Ngam on andi ko Joomiraawo meeɗen Yeesu Almasiihu waɗani'on ngam yidde maako. Koo nde o diskuɗo, ngam mooɗon o warti mo walanaa, ngam laawol dullere maako ngarton riskuɓe.

2 Korintiyanko'en 8:12

Ngam to on ngoodi ɓerɗe hokkuki ballal, Allah jaɓay ko kokkuɗon. Allah e raara ko ngooduɗon, naa' ko on ngalaa.

1 Korintiyanko'en 16:2

Koo ndeye nyalnde arandeere nde yontoore, koo moye mooɗon resa goɗɗum nder ko heɓii keerol no waawata. Nden to' on alu naa mi warii puɗɗon hawrutuki ceede ɗen.

3 Yahaya 1:11

Higo am Gaayus mo ngiɗumi, taa' ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Kuuɗe Lilaaɓe 9:36

Nder gariiri Joffa boo e woodi goɗɗo debbo tokkuɗo Yeesu bi'eteeɗo Tabiita. (Ma'ana Tabiita nder Helenankoore woni Dookas, waato lelwa.) E mo huwa kuuɗe boɗɗe, e mo walla ɓe ngalanaa.

1 Biiturus 3:11

O ala waɗuki ko halli, o waɗa aadilaaku; o ɗaɓɓita jam e ɓernde go'o.

Kuuɗe Lilaaɓe 11:29

Sey tokkuɓe Yeesu puɗɗi hawrutuki ceede, koo moye wadda ko waawi wadduki, ngam ɓe mballa bandiraaɓe maɓɓe wonɓe leydi Yahuudiya.

Kuuɗe Lilaaɓe 10:38

On andi no Allah suɓiri Yeesu Najarankeejo, e no o hokkirimo bawɗe Ruuhu maako. On andi no Yeesu yiilorii nder gariije fuu e mo huwa kuuɗe boɗɗe, e mo yamɗitina ɓe Ceyɗan torrata fuu ngam Allah e wondi e maako.

Maatiyu 5:42

Toriiɗoma goɗɗum fuu, hokkumo. To goɗɗo ƴamiima nyamaande, taa' haɗumo.

Luka 3:11

Yahaya wi'iɓe, “Gooduɗo toggooje ɗiɗi fuu hokka mo walanaa go'o, nden gooduɗo nyamndu fuu hokkora mo walanaa.”

Aafisanko'en 4:28

Koo moye gujjo doole ala nguyka. Ammaa o huutira juuɗe maako o huwa kuugal bongal, ngam o heɓa goɗɗum ɗum o hokkorta ɓe ngalanaa.