1 Timooti 6:10 - Fulfulde Nigeria

¹⁰ Ngam yidde ceede woni fuɗɗoode koo iri ɗume fii kalluɗum. Ngam yidde ceede, woɓɓe alii hoolaaki Yeesu ɓe pooɗani ko'e maɓɓe torraaji kalluɗi.

1 Timooti 6:10 ပူးပေါင်းရင်းမြစ်များ

1 Timooti 6:9

Ammaa giɗɓe riskuki, saɗaa ɓe ngaɗa ko halli, ɓe njana nder tarkowol suuno fuu fii meerejum. Suuno ngon fooɗanayɓe torra ɓe lalla ɓe kalka.

Tiitus 1:11

Doole ɗum haɓanaɓe ɓe nde''ita, ngam e ɓe ekkitina ko wooɗaa, e ɓe majjina yimɓe wuro‑wuro ngam ɓe keɓa ceede.

Yahuuda 1:11

Ɓe mbonii! Ɓe tokkii ngikku Kayinu. Ɓe nattii iri majjere Bala'amu ngam suuno ceede. Non no Koora wanyiri ko Allah wi'i, non kamɓe maa ɓe nganyiri ko Allah wi'i. Ngam non, ɓe kalkay.

2 Timooti 4:10

Dimas sendirii e am ngam yidde fii duuniyaaru ndu'u, o dillii Tasaloonika. Kirijen boo dillii Galaatiya, Tiitus kadimaa dillii Dalmaatiya.

1 Timooti 3:3

To' o warta jaroowo, koo ɗaɓɓitoowo hawre, ammaa mo hakkiilo, giɗɗo jonde jam, naa' gooduɗo yidde ceede.

Maatiyu 23:13

“On mbonii, onon moodiɓɓe Attawra e Faarisanko'en! On munaafuki'en! On maɓɓanii yimɓe dammugal nattuki Laamu Allah. Onon on nattaayi, on alaayi giɗuɓe nattuki natta.

Yaakubu 5:19

Onon bandiraaɓe am, to goɗɗo mooɗon selii laawol goonga, nden goɗɗo wartiroyiimo dow laawol,

1 Timooti 6:21

Ngam woɓɓe e mbi'a e ngoodi andal, nder non ɓe alii hoolaaki Yeesu. Allah barkiɗina'on.

Wahayu Yahaya 18:13

e sinamon, e condi nyaɗɗe mbelndi, e urde welnde guleteende, e nebbam bi'eteeɗam mur, e urde welnde guleteende bi'eteende firankisen, e ndiyam inabojam, e nebbam, e condi alkamaari, e caabaari alkamaari, e na'i, e baali, e be'i, e keekeeji pucci, e maccuɓe, waato yonkiiji yimɓe.

Maatiyu 6:19

“To' on ndesan ko'e mooɗon jawdi e duuniyaaru to mooƴu wonnatandi, koo ndi nyola, koo to wuyɓe pusata natta ngujjandi.

Maatiyu 13:22

Janundi nder gi'e woni misaalu nanɓe Wolde Allah, ammaa wannuki e fii duuniyaaru, e yidde jawdi, ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Markus 4:19

ammaa wannuki e fii duuniyaaru, e yidde jawdi, e suuno feere‑feere natti ɓerɗe maɓɓe ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Koloosiyanko'en 3:5

Ngam non, cendiree e suunooji duuniyaaru gonɗi nder mooɗon, waato njeenu, e kuuɗe nefniiɗe, e tokkiranki ko ɓandu yiɗi, e suunooji kalluɗi, e yiɗuki ko goɗɗo jeyi. (Ngam yiɗuki ko goɗɗo jeyi ɗum go'o e mawninki gunkiiji).

2 Timooti 3:2

Yimɓe ngartay giɗuɓe ko'e maɓɓe, gooduɓe yidde ceede, mantooɓe ko'e maɓɓe, mawninooɓe hoore, giɗuɓe huɗuki, ɓe mawnintaa danyooɓe maɓɓe, ɓe ngettataa, ɓe ngartay ɓe cenaaki.