1 Timooti 5:5 - Fulfulde Nigeria

⁵ Debbo mo gorko muuɗum maayi alaaɗo kanum tan walaa ballayɗomo, o waɗii ɓernde maako dow Allah won ɗon, e mo waɗa ka do'aare e mo toroomo jemma e nyalawma.

1 Timooti 5:5 ပူးပေါင်းရင်းမြစ်များ

1 Timooti 5:3

Mawnin rewɓe ɓe ngalaa wallooɓe ɓe worɓe mu''en maayi.

Luka 2:37

Gaɗa goriiko maayi, o jooɗii o te'aaka haa duuɓi maako ngaɗi 84. Koo ndeye e mo yaha Wuro Ceniingo e mo mawnina Allah, e mo suumoo, e mo waɗa do'aare jemma e nyalawma.

1 Biiturus 3:5

Ngam ndenno non rewɓe ceniiɓe gaɗuɓe ɓerɗe maɓɓe dow Allah mo''itinorii nde ɓe tokki worɓe maɓɓe.

1 Timooti 5:16

To goɗɗo debbo tokkuɗo Yeesu e woodi bandiraaɓe rewɓe ɓe worɓe mu''en maayi, sey o wallaɓe. To' o alda kawtal tokkuɓe Yeesu e teddoral, ngam ɓe mbaawa ɓe mballa rewɓe ɓe worɓe mu''en maayi ɓe ngalaa wallooɓe.

1 Korintiyanko'en 7:32

E mi yiɗi ngaɗon jonde nde walaa wannaare. Gorko mo walaa debbo e mo waɗa ɓernde maako fuu dow waɗuki kuugal Joomiraawo, ngam e mo yiɗi o welnana Joomiraawo ɓernde.

Luka 18:1

Sey Yeesu hokki tokkuɓemo misaalu ɗu'um ngam o hollaɓe ɓe ngaɗa ka waɗuki do'aare to' ɓe coma.

Aafisanko'en 6:18

Koo ndeye ngaɗee ka waɗuki do'aare no Ruuhu Allah holliri'on nder koo ɗume ɗum ngaɗoton. Kadin ngaɗon ka toraaki Allah walla'on. Ngam fii ɗu'um, paamee, to' on njaɓu comon, koo ndeye ngaɗee ka waɗanki yimɓe Allah fuu do'aare.

Luka 18:7

E yi'uki mooɗon Allah waɗantaa cuɓaaɓe muuɗum torotooɓemo jemma e nyalawma ko haani? O neeɓay o wallaayiɓe?

1 Korintiyanko'en 7:34

Hakkiilo maako sendake ɗiɗi won ɗon. Ɗonmaa surbaajo koo debbo mo waɗaayi teegal e mo waɗa ɓernde maako fuu dow waɗuki kuugal Joomiraawo, ngam o warta laaɓuɗo nder fuu ko o waɗata e ko o nyumata. Debbo gooduɗo teegal boo e mo wanni e fii duuniyaaru, ngam e mo yiɗi o welnana gorko maako ɓernde.

Roomanko'en 1:12

Ko ngiɗumi woni cembiɗindiren; hoolaare am sembiɗina'on, nden hoolaare mooɗon sembiɗinayam.

Roomanko'en 1:5

Barka Yeesu Almasiihu e ngam inde maako, Allah barkiɗiniiyam wartiriiyam lilaaɗo ngam lenyi duuniyaaru fuu hooloomo tokka ko o wi'i.

Kuuɗe Lilaaɓe 26:7

Leƴƴi amin sappo e ɗiɗi fuu e ndenti nder kammunde heɓuki alkawal ngal, kanjum waɗi e ɓe mawnina Allah jemma e nyalawma. Allah reene, ngam e mi woodi kammunde nden waɗi Yahuudanko'en ngulliiyam!

Kuuɗe Lilaaɓe 6:1

Nder balɗe ɗen, tokkuɓe Yeesu e ɓeyda ɗuɗki. Sey Yahuudanko'en metooɓe Helenankoore metitani Yahuudanko'en metooɓe Ibraaniyankoore, ngam rewɓe maɓɓe ɓe worɓe mu''en maayi kokkataake ko haani kokkee nder nyamndu ndu ɗum woowi yeeduki koo ndeye nyalnde.

Kuuɗe Lilaaɓe 9:39

Biiturus ummii, yaadi e maɓɓe. Nde o wari, ɓe ƴentinimo suudu dow. Rewɓe ɓe worɓe mu''en maayi fuu ɓaddiimo, ɓe ndarii e ɓe mboya, e ɓe kollamo toggooje e goɗɗe kolte ɗe Dookas nyootaniɓe ko o wondunoo e maɓɓe.

Kuuɗe Lilaaɓe 9:41

Sey Biiturus nangi jungo maako, umminimo. Gaɗa maajum o noddi rewɓe ɓe worɓe mu''en maayi e kooliiɓe Yeesu ɓen, o holliɓe Tabiita e foofa.

Filibiyanko'en 4:6

To' on ngannu dow koo ɗume, ammaa nder koo ɗume mbi'ee Allah ko ngiɗɗon nder do'aare e toraaki e yettoore.

1 Timooti 2:1

Ngam non, arande e mi wi'a ɗum waɗa ka toraaki Allah, ɗum waɗa do'aare, ɗum toroomo, ɗum yettamo ngam koo moye.

2 Timooti 1:3

E mi yetta Allah mo kuwanaymi e ɓernde lamnde, no maama'en am ngaɗi. E mi yettamo koo ngele carel ngel ngaɗanaymaami do'aare jemma e nyalawma.