1 Timooti 4:8 - Fulfulde Nigeria

⁸ Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

1 Timooti 4:8 ပူးပေါင်းရင်းမြစ်များ

Maatiyu 6:33

Ammaa arande ɗaɓɓitee Laamu Allah e aadilaaku maako, nden ɗum ɓeydanay'on fuu fii ɗu'um.

1 Timooti 6:6

Goonga, e woodi risku mawɗum nder kulol Allah to en munyii dow ko ngooduɗen.

1 Yahaya 2:25

Nga'al kangal woni alkawal ngal Almasiihu waɗani'en, waato yonki ki re'ataa.

Markus 10:30

o heɓay ko ɓuri non nder ɗu'um jaamanu. O heɓay gureeje, e sakiraaɓe worɓe e rewɓe, e danyooɓe, e ɓiɓɓe, e gese nde 100. Ɗonmaa yimɓe torraymo, ammaa Nyalnde Jaango o heɓay yonki ki re'ataa.

Ibraaniyanko'en 13:9

To' on njaɓu ekkitinol ngol tokkaayi laawol goonga majjina'on. E ɗum wooɗi yidde Allah sembiɗina ɓerɗe meeɗen, naa' tokkuki dookaaji dow nyamndu. Iri ɗin ɗon dookaaji nafantaa tokkooɓeɗi.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Tiitus 3:8

Fii ɗu'um ɗum mbiimaami ɗum goonga. E mi yiɗi cembiɗinaa horiiɓe dow maajum ngam kooliiɓe Allah ngaata hakkiilo maɓɓe dow waɗuki kuuɗe boɗɗe. Fuu fii ɗu'um e wooɗi ɗum nafanay koo moye.

Wahayu Yahaya 3:12

Fuu keɓuɗo jaalorgal mi wartiraymo darŋalal nder wuro ceniingo ngo Allah am, o fuɗɗitataa o wurtoo wuro ngon. Mi winday inde Allah am dow maako e inde gariiri Allah am, waato Urucaliima keyri jippoytoondi daga to Allah am ton dow. Ɗonmaa mi winday inde am heyre dow maako.

1 Korintiyanko'en 8:8

Ammaa naa' nyamndu ɓaddintaa'en haade Allah. To en nyaamaayi, ɗum ustantaa'en goɗɗum. To boo en nyaamii, ɗum ɓeydantaa'en goɗɗum.

Roomanko'en 8:28

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

1 Korintiyanko'en 3:22

Koo Bulus, koo Afoolos, koo Biiturus, koo duuniyaaru, koo yonki, koo mayde, koo ko woni jooni, koo ko woni yeeso ɗo'o, ɗum fuu um ɗum mooɗon.

Maatiyu 19:29

Ɗonmaa koo moye aluɗo gureeje, koo sakiraaɓe muuɗum worɓe koo rewɓe, koo nyaako, koo maduujo, koo ɓiɓɓe, koo gese ngam am, o heɓay ko ɓuri non nde 100, nden o heɓay yonki ki re'ataa.

Maatiyu 12:32

Fuu bi'uɗo ko wooɗaa dow Ɓii Neɗɗo, ɗum waaway yaafanaakimo. Ammaa fuu bi'uɗo ko wooɗaa dow Ruuhu Allah, o yaafantaake haa abadaa.

1 Timooti 4:7

Woɗɗita habaruuji fewre ɗi meere ɗi ngalaa goonga dow Allah. Ekkitin hoore maaɗa tokkuki Allah.

1 Timooti 6:3

Fuu ekkitinɗo ekkitinol feere caliingol tokka boliiɗe goonga ɗe Yeesu Almasiihu Joomiraawo meeɗen, ɗonmaa o wanyi ekkitinol kollungol no tokkirten Allah,

1 Timooti 6:5

O giɗɗo yeddootirki ki re'ataa e yimɓe ɓe nyumo baatungo, ɓe ngalaa goonga, nyumooɓe tokkol Allah ɗum ɗatal heɓuki ceede.

2 Timooti 3:5

Ɓe kollay bo ɓe tokkuɓe Allah, ammaa ɓe nganya bawɗe maako. Woɗɗita iri yimɓe ɓen ɗon.

Luka 5:38

Ammaa, inabojam kesam haani waɗee nder faandu heyru.