1 Timooti 4:7 - Fulfulde Nigeria

⁷ Woɗɗita habaruuji fewre ɗi meere ɗi ngalaa goonga dow Allah. Ekkitin hoore maaɗa tokkuki Allah.

1 Timooti 4:7 ပူးပေါင်းရင်းမြစ်များ

1 Timooti 1:4

Wi'uɓe ɓe cendira e habaruuji fewre ɗin ɗon e feerootirki lenyol ki walaa keerol, ngam iri non hollataa no ɗum hoolortoo Allah, sey ni ɗum ummina geddi tan.

2 Timooti 2:16

Woɗɗita haala meereha ka walaa kulol Allah, ngam ka waɗay yimɓe ɓeyda woɗɗitaaki Allah.

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.

Tiitus 3:9

Ammaa an, woɗɗita geddi meere e feerootirki lenyol e yidde hawre e yeddootirki dow Attawra, ngam walaa ko ɗum nafi, ɗum fii meere.

Ibraaniyanko'en 5:14

Ammaa nyamndu cembindu boo, ɗum ndu mawnuɓe. Kamɓe ngoni huutirɓe hakkiilo maɓɓe koo ndeye haa e ɓe mbaawi feerootirki hakkunde ko wooɗi e ko wooɗaa.

2 Timooti 2:23

Taa' nattin hoore maaɗa nder geddi meereeji ɗi ngalaa hoore, ngam a andi e ɗi ngadda hawre.

2 Timooti 4:4

Yimɓe nganyay nanki ekkitinol goonga, ɓe kettindanoo habaruuji fewre.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

Kuuɗe Lilaaɓe 24:16

Kanjum waɗi koo ndeye nyalnde e mi yiɗi jooɗodaaki e ɓernde laaɓunde yeeso Allah e yeeso yimɓe.

1 Timooti 6:20

Timooti, joga ko Allah hokkumaa boɗɗum. Woɗɗita haalaaji ɗi ngalaa goonga dow Allah e geddi meereeji ɗi woɓɓe yimɓe noddirta “andal,” ammaa naa' ɗum goonga.

Tiitus 1:14

ɓe ala hettindanaaki habaruuji fewre ɗi Yahuudanko'en e dookaaji ganyuɓe goonga.

2 Timooti 3:12

Goonga koo moye giɗɗo waɗa jonde iri nde Allah yiɗi nder tokkuki Yeesu Almasiihu, o yaray bone.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

1 Timooti 2:10

sey ni ɓe kuwa kuuɗe boɗɗe no rewɓe kulooɓe Allah haani ngaɗa.

1 Timooti 1:9

Kadimaa en andi dooka waɗaaka ngam aadili'en, ammaa ngam gewooɓe dooka, e yimɓe ɓe ngaɗataa ko ɗum wi'iɓe, e ɓe kulataa Allah, e gaɗooɓe ko wooɗaa, e yimɓe ɓe cenaaki, e kuɗooɓe Allah, e yimɓe barooɓe danyooɓe mu''en, e gaɗooɓe warhoore,

1 Timooti 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

1 Timooti 6:3

Fuu ekkitinɗo ekkitinol feere caliingol tokka boliiɗe goonga ɗe Yeesu Almasiihu Joomiraawo meeɗen, ɗonmaa o wanyi ekkitinol kollungol no tokkirten Allah,

1 Timooti 6:5

O giɗɗo yeddootirki ki re'ataa e yimɓe ɓe nyumo baatungo, ɓe ngalaa goonga, nyumooɓe tokkol Allah ɗum ɗatal heɓuki ceede.

2 Timooti 3:5

Ɓe kollay bo ɓe tokkuɓe Allah, ammaa ɓe nganya bawɗe maako. Woɗɗita iri yimɓe ɓen ɗon.