1 Timooti 4:3 - Fulfulde Nigeria

³ E ɓe kaɗa teegal, e ɓe kaɗa nyaamuki goɗɗi nyamnduuji. Ammaa Allah waɗii teegal e koo iri nduye nyamndu ngam kooliiɓemo anduɓe goonga njaɓa ngettamo.

1 Timooti 4:3 ပူးပေါင်းရင်းမြစ်များ

1 Timooti 4:4

Ngam fuu ko Allah waɗi e ɗum wooɗi. Nden to' ɗum wanya koo ɗume, ammaa ɗum jaɓee nder yettoore,

Ibraaniyanko'en 13:4

Koo moye mawnina teegal, nden to' goɗɗo walda e goɗɗo mo walaa teegal hakkunde maɓɓe. Balduɗo e goɗɗo mo walaa teegal hakkunde maɓɓe, Allah waɗanayɓe kiita.

Roomanko'en 14:6

Fuu koccuɗo wonde nyalnde ɓurii wonde, e mo waɗaɗum ngam mawninki Joomiraawo. Ɗonmaa fuu nyaamoowo koo iri nduye nyamndu, e mo waɗaɗum ngam mawninki Joomiraawo, nde e mo yetta Allah ngam nyamndu ndun. Koo moye mo nyaamataa koo iri nduye nyamndu, e mo waɗaɗum ngam mawninki Joomiraawo nden e mo yetta Allah.

Koloosiyanko'en 2:16

Ngam non, to' on alu goɗɗo yowana'on ko wooɗaa ngam ko nyaamoton e ko njaroton, koo ngam on ngaɗaayi wongo humto diina, koo humto daraaki lewru, koo dow Nyalnde Siwtaare.

1 Korintiyanko'en 8:8

Ammaa naa' nyamndu ɓaddintaa'en haade Allah. To en nyaamaayi, ɗum ustantaa'en goɗɗum. To boo en nyaamii, ɗum ɓeydantaa'en goɗɗum.

Koloosiyanko'en 3:17

Nder koo ɗume ɗum ngaɗoton, nder boliiɗe mooɗon koo nder kuuɗe mooɗon, ngaɗeeɗum nder inde Yeesu Joomiraawo, on ngetta Allah Nyaako Mo Dow laawol maako.

1 Korintiyanko'en 7:28

Ammaa taa waɗii teegal, naa' hakke ngaɗɗaa. Ɗonmaa to surbaajo waɗii teegal, naa' hakke o waɗi. Fuu e non, fuu gaɗuɓe teegal njaray torra nder jonde maɓɓe. Min boo, mi yiɗaa njaron kan ɗon torra.

Roomanko'en 14:3

Neɗɗo nyaamoowo koo iri nduye nyamndu, to' o yawana mo nyaamataa koo iri nduye nyamndu, nden neɗɗo mo nyaamataa koo iri nduye nyamndu to' o wi'a nyaamoowo koo iri nduye nyamndu e waɗa ko wooɗaa, ngam Allah jaɓii on ɗon nyaamoowo koo iri nduye nyamndu.

Ibraaniyanko'en 13:9

To' on njaɓu ekkitinol ngol tokkaayi laawol goonga majjina'on. E ɗum wooɗi yidde Allah sembiɗina ɓerɗe meeɗen, naa' tokkuki dookaaji dow nyamndu. Iri ɗin ɗon dookaaji nafantaa tokkooɓeɗi.

1 Timooti 2:4

ngam e mo yiɗi koo moye anda goonga hisa.

1 Korintiyanko'en 6:13

Ɗonmaa woɓɓe mooɗon mbi'ay, “Ɗum waɗii nyamndu ngam reedu, non maa ɗum waɗii reedu ngam nyamndu,” ammaa carel e wara ngel Allah wartirta fuu ɗiɗum koo ko nafi. Ɓandu waɗaaka ngam njeenu, ammaa ndu waɗaa ngam Joomiraawo, nden Joomiraawo jeyindu.

Roomanko'en 14:17

Ngam Laamu Allah naa' ɗum nyaamuki e yarki, ammaa ɗum aadilaaku, e jonde jam, e belɗum ɓernde keɓeteeɗum barka Ruuhu Allah.

Maatiyu 15:36

O hocci buroodi joweeɗiɗi ɗum e liƴƴi ɗin, o yetti Allah, o sendiɗum, o hokki tokkuɓemo, kamɓe boo ɓe ngeedani yimɓe ɓen.

Maatiyu 14:19

O wi'i hawrutuɓe ɓen njooɗoo dow huɗo hecco. O hocci buroodi jowi ɗum e liƴƴi ɗiɗi ɗin, o raari dow, o yetti Allah, o sendi buroodi ɗum o hokki tokkuɓemo, sey tokkuɓemo ngeedani yimɓe hawrutuɓe.

Kuuɗe Lilaaɓe 27:35

Nde o wi'i non, o hocci buroodi, o yetti Allah yeeso maɓɓe ɓe fuu, o ŋappitiɗum o fuɗɗi nyaamuki.

Yahaya 6:23

Sey goɗɗe komiije ƴiwoyɗe Tibaariya njottii daande mbeela haade wigeere to yimɓe nyaami buroodi gaɗa Yeesu yettii Allah.

Luka 24:30

Carel ko ɓe nyaamata nyamndu, o hocci buroodi, o yetti Allah, o sendiɗum, o hokkiɓe.

Maatiyu 15:11

Naa' ko nattata neɗɗo e honduko wartirta ɓernde maako nde laaɓaa yeeso Allah, ammaa ko wurtoytoo daga nder honduko maako wartirtamo mo laaɓaa yeeso Allah.”

1 Timooti 5:14

Ngam maajum mi ɓurii yiɗuki rewɓe sukaaɓe ɓe worɓe mu''en maayi ngaɗa teegal, ndanya ɓiɓɓe, paamana wuro maɓɓe, ngam to' wanywanyɓe meeɗen keɓa no metirta fii kalluɗum dow meeɗen.