1 Timooti 4:12 - Fulfulde Nigeria

¹² Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

1 Timooti 4:12 ပူးပေါင်းရင်းမြစ်များ

Tiitus 2:7

Ammaa an wartu ko ɓe ekkitotoo nder ko ngaɗataa fuu. Waɗu hakkiilo e goonga nder ekkitinki maaɗa.

2 Timooti 2:22

Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

2 Timooti 2:15

Waɗu ko mbaawataa waɗuki ngam ngartiraa hoore maaɗa ko jaɓetee to Allah, kuwoowo mo nanataa cemtuɗum, ekkitinoowo wolde goonga no nde wontindiri.

1 Biiturus 5:3

To' on kollu yimɓe ɓe Allah tambini'on laamu sembe, ammaa ngartee ko ɓe ekkitotoo to mooɗon.

1 Korintiyanko'en 11:1

Ekkitee to am no ekkitoriimi to Almasiihu.

1 Tasaloonikanko'en 1:6

On ngartii ekkitotooɓe to amin e to Joomiraawo, ngam on njaɓii Wolde Allah nder welwelo ngo Ruuhu Allah hokkata, koo nde on njarii torra naa' seɗɗa.

Tiitus 2:15

Ekkitin fuu fii ɗu'um, huutir laamu maaɗa nder sembiɗinki e haɓanki yimɓe. Taa' jaɓu goɗɗo yawanmaa.

Maatiyu 18:10

“Paamee, to' on njawan koo go'oto nder sukahoy pamaroy ko'oy. Ngam e mi wi'a'on, malaa'ika'en maakoy ton dow koo ndeye e ndaara yeeso Nyaako am Mo Dow.

2 Timooti 2:7

Nyumu dow ko mbiimi, ngam Joomiraawo hokkete faamu nder koo ɗume.

Yaakubu 3:13

Moye woodi andal e faamu nder mooɗon? Sey o hollaɗum nder waɗuki jonde wooɗunde e kuuɗe boɗɗe nder lesnuki hoore e faamu.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

1 Tasaloonikanko'en 2:10

Onon on ceydu'en, Allah maa o ceyduujo dow no min njooɗorinoo jonde ceniinde e aadilaaku e jonde nde walaa goɗɗum ko wooɗaa nder mooɗon, onon kooliiɓe Yeesu.

1 Timooti 1:14

Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu.