1 Timooti 3:16 - Fulfulde Nigeria

¹⁶ Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

1 Timooti 3:16 ပူးပေါင်းရင်းမြစ်များ

Yahaya 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

Markus 16:19

Gaɗa Yeesu Joomiraawo metaniiɓe, o hoccaa yaaki dow, o jooɗii jungo nyaamo ngo Allah.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

Luka 24:4

E ɓe nder wannaare dow fii ɗum, sey bo maƴƴere ɓe ngi'i worɓe ɗiɗo e ndarii haade maɓɓe. E ɓe ɓornii kolte daneeje tar.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

1 Yahaya 1:2

On ɗon kokkoowo yonki on, ɗum wanginaniiminmo, min ngi'imo. Dow maako min kokkata ceyda, ɗonmaa e min nga'ajinana'on wiiki kanko woni mo yonki ki re'ataa. Daga ndenno e mo wondi e Nyaako Mo Dow, nden ɗum wanginaniiminmo.

1 Biiturus 3:22

Yeesu yahi dow, e mo jooɗii to jungo Allah nyaamo, e mo laamoo malaa'ika'en, e gooduɓe laamu, e gooduɓe bawɗe.

1 Biiturus 1:12

Ɗum wi'iiɓe onon ɓe kuwanta naa' ko'e maɓɓe, nde ɓe meti dow fuu fii ɗum ɗon ɗum nanɗon jooni. On naniiɗum daga to ga'ajinanɓe'on Habaru Belɗum barka Ruuhu Allah liloyaaɗum daga dow. Koo malaa'ika'en e ngiɗi faamukiɗum.

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Koloosiyanko'en 1:6

ɗum nanɗon. Habaru Belɗum ɗu'um e ɗum barkiɗina yimɓe e ɗum sankitoo nder duuniyaaru fuu, non no ɗum waɗi nder mooɗon, daga nyalnde nde nanɗonɗum nyalnde nde paamuɗon boɗɗum no Allah yiɗiri yimɓe.

Luka 22:43

Sey malaa'ikaajo ƴiwoyi daga dow wanganimo sembiɗinimo.

Maatiyu 3:16

Nde ɗum waɗani Yeesu baptisma, e mo wurto nder ndiyam ɗam, sey ɗon e ɗon dow maɓɓitii o yi'i Ruuhu Allah e jippoyo dow maako e ɓandu bo foondu.

1 Yahaya 3:5

On andi Yeesu Almasiihu warii ngam itta hakke. Kanko o walaa hakke.

Ibraaniyanko'en 12:2

En ngaɗu hakkiilo meeɗen dow Yeesu, maɓɓitanɗo'en laawol hoolaaki Allah ballayɗo'en hoolaare meeɗen warta kewnde. Ngam welwelo ngo o heɓata yeeso, o munyii nder torra nde o waraa dow gaafaangal, o wannaayi e cemtuɗum wareeki dow gaafaangal, nden jooni e mo ton jooɗii to nyaamo jooɗorgal laamu Allah.

1 Timooti 3:9

Doole ɓe njogoo goonga lugguka dow hoolaaki Yeesu e ɓernde lamnde.

Yahaya 20:12

o yi'i malaa'ika'en ɗiɗo e ɓe ɓornii kolte daneeje, e ɓe njooɗii to ɓandu Yeesu fukkinaa ndenno. Go'oto e jooɗii to hoore Yeesu wondonoo, go'oto boo e jooɗii to koyɗe maako gondonoo.

Maatiyu 1:23

“Raɗɗum, surbaajo mo andaa gorko danyay ɓiɗɗo gorko, nden ɗum nodday inde maako Imaanuwel.” Ma'ana Imaanuwel woni, “Allah e wondi e meeɗen.”

Wahayu Yahaya 7:9

Gaɗa ɗum ɗon mi raarii sey ngiimi yimɓe ɗuɗɓe ɓe ƴaɓɓake limngal. Ɓe ngaroyii daga koo ndiye leydi, e koo ngole lenyol, e koo ɓeye yimɓe, e koo ngale ɗemngal, e ɓe ndarii yeeso jooɗorgal laamu ngal e Karoori ndin e ɓe ɓornii kolte daneeje tar. E ɓe njogii licoy haako dabiinooje e juuɗe maɓɓe.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.

Ibraaniyanko'en 7:7

Walaa seko barkiɗinɗo ɓurii mo o barkiɗini mangu.

Aafisanko'en 6:19

Min maa, ngaɗaneeyam do'aare Allah hokkayam boliiɗe ɗe mbi'aymi, mi andina yimɓe sirru Habaru Belɗum dow Yeesu Almasiihu kulol walaa.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

Galaatiyanko'en 4:4

Ammaa nde carel waɗi, Allah liloyi Ɓiɗɗo muuɗum. Debbo danyimo, o jooɗii ley Attawra,

1 Korintiyanko'en 15:47

Neɗɗo arandeejo mbulmbuldi o tagiraa, nden neɗɗo ɗiɗaɓo boo, daga dow o ƴiwoyi.

1 Korintiyanko'en 2:7

Ammaa e min meta dow faamu Allah ɗum sirru cuuɗiiɗum ndenno, ɗum Allah siryanii'en ko duuniyaaru tagee ngam teddinki'en.

Roomanko'en 10:18

Ammaa, e mi ƴama, ɗum goonga ɓe nanaayi habaru ɗum? Goonga ɓe naniiɗum, ngam aayaare wi'ii, “Habaru Allah yahii koo toye nder duuniyaaru, boliiɗe maɓɓe nattii koo toye nder duuniyaaru.”

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Galaatiyanko'en 2:8

Ngam no Allah wartiri Biiturus lilaaɗo to Yahuudanko'en, non o wartiriyam lilaaɗo yaaki to yimɓe naa' Yahuudanko'en.

Roomanko'en 9:5

Ɓe ƴiwoyi daga maama'en Yahuudanko'en mawɓe andaaɓe, nden daga lenyol maɓɓe Almasiihu waroyi nder ɓandu. Allah laamotooɗo koo ɗume mantee haa abadaa! Aamin.

Kuuɗe Lilaaɓe 10:34

Nden Biiturus fuɗɗi metankiɓe wi'i, “Jooni goonga e mi andi Allah hollataa feerootirol hakkunde yimɓe.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Kuuɗe Lilaaɓe 14:27

Nde ɓe njottii, ɓe kawriti kawtal tokkuɓe Yeesu, ɓe ɗiiwitaniɓe ko Allah waɗi laawol maɓɓe, e no o maɓɓitirani leƴƴi ɗi naa' Yahuudanko'en dammugal hoolaaki Yeesu.

Yahaya 16:28

Mi ƴiwoyii to maako mi wari duuniyaaru, nden jooni mi alay duuniyaaru mi ƴeeŋay to maako.”

Yahaya 13:3

Yeesu e andi Nyaako Mo Dow waɗii koo ɗume nder juuɗe muuɗum, kadin e mo andi daga to Allah o ƴiwoyi, to Allah kadin o so''otoo.

Luka 24:51

E mo nder barkiɗinkiɓe, sey o hoccaa yaaki dow.

Wahayu Yahaya 17:7

Ammaa malaa'ikaajo on ƴamiyam wi'i, “Ngam ɗume kayɗintaa? Mi wi'ete ma'ana sirru debbo o'o e sirru mardi koccundimo ngoodundi ko'e joweeɗiɗi e luwe sappo.

Wahayu Yahaya 17:5

E tiinde maako ɗum windi wonde inde goodunde ma'ana cuuɗiiɗum, wi'uki, “Baabiila Mawndi inna kaaruwa'en inna koo ɗume ko nefnii ɗum duuniyaaru.”

Ibraaniyanko'en 8:1

Jooni fuu ko min mbi'ata kanjum woni, en ngoodi Mawɗo Mawɓe Ardiiɓe Diina. E mo jooɗii e jungo nyaamo jooɗorgal Joomu Mangu ton dow.

2 Tasaloonikanko'en 2:7

Ngam bawɗe Kalluɗo on ɗon yaadake fuɗɗii huwuki e suuɗe. Ammaa on ɗon taɓɓotooɗoɗe, o waɗay ka taɓɓaakiɗe naa o hoccaama.

2 Tasaloonikanko'en 1:10

Halkere nden wangay nyalnde nde o wartoyta. O wartoyay ngam ceniiɓe maako teddinamo fuu kooliiɓemo mawninamo. Onon maa on kawtay e maɓɓe, ngam on njaɓii habaru ɗum min kokki'on.

Kuuɗe Lilaaɓe 1:19

Yimɓe Urucaliima fuu nanii habaru ɗum. Kanjum waɗi ɓe noddiri ngesa kan nder ɗemngal maɓɓe Akeldama waato “Ngesa Ƴiiƴam.”)

Yahaya 17:5

Nyaako am, jooni teddinam yeeso maaɗa teddungal ngal ngoodunoomi yeeso maaɗa ko duuniyaaru tagee.

Yahaya 15:26

“Ballayɗum waray, waato Ruuhu Allah kollayɗum goonga, ɗum liloyaymi daga to Nyaako Mo Dow. To ɗum warii, ɗum hokkay ceyda dow am.

Yahaya 6:62

Ko ngaɗoton to on ngi'ii Ɓii Neɗɗo e so''oo to wondono?

Luka 2:32

O wartay bo jayngol, o hollay lenyi duuniyaaru laawol maaɗa, o waɗay yimɓe maaɗa Yahuudanko'en keɓa mangu.”

Markus 16:5

Nde ɓe natti yenaande nden, ɓe ngi'i goɗɗo kayeejo e jooɗii wuttudu nyaamo. E mo ɓornii kolte daneeje tar, sey ɓe kultori.

Markus 1:13

Ton o waɗi balɗe 40 Ceyɗan e foondamo. E mo wondi e marle ladde, malaa'ika'en mballimo.

Maatiyu 28:2

Ɗon e ɗon ɗum waɗi wongol dimbol leydi mangol, ngam goɗɗo malaa'ikaajo Joomiraawo wari daga dow, o talliti kaaƴa ngan daga dammugal yenaande nden, o jooɗii dow maaga.

Maatiyu 13:11

O nootii o wi'iɓe, “Onon on kokkaama faamu sirru Laamu Allah, ammaa kamɓe ɓe kokkaaka.

Maatiyu 4:11

Sey Ceyɗan alimo, malaa'ika'en ngari mballimo.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Roomanko'en 10:12

Ngam walaa feerootirol hakkunde Yahuudanko'en e yimɓe naa' Yahuudanko'en, Joomiraawo kanko woni Joomiraawo koo moye, e mo barkiɗina koo moye torotooɗomo naa' seɗɗa.

Roomanko'en 3:4

Goonga ɗum waawataa! Allah o gooduɗo goonga, koo nde koo moye neɗɗo o pewoowo. Non no ɗum windiraa, “Ngam ɗum tabbitina haala maaɗa e woodi goonga, nden nder kiita keɓaa jaalorgal.”

Roomanko'en 16:26

Ammaa jooni ɗum wanginaama e njayri, ɗum andiniiɗum leƴƴi duuniyaaru fuu laawol defte ɗe annabo'en mbindi. Allah tabiiɗo wi'ii ɗum waɗa non ngam leƴƴi duuniyaaru fuu kooloomo tokka ko o wi'i.

2 Korintiyanko'en 1:19

Ngam habaru Ɓiɗɗo Allah, waato Yeesu Almasiihu, mo min nga'ajinani'on, min e Siila e Timooti, naa' ɗum “Ee” e “Aa'a,” ammaa kanko koo ndeye “Ee” maako ɗum “Ee.”

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

Luka 20:44

Dawda e noddira Almasiihu ‘Joomiraawo.’ No waɗata o warta ɓiɗɗo Dawda?”