1 Timooti 3:13 - Fulfulde Nigeria

¹³ Ɓen ɗon kuwooɓe kuuɗe maɓɓe boɗɗum, ɓe keɓani ko'e maɓɓe inɗe boɗɗe, ɓe mbaaway ɓe meta kulol walaa dow hoolaaki Yeesu Almasiihu.

1 Timooti 3:13 ပူးပေါင်းရင်းမြစ်များ

Maatiyu 25:21

Sey joomu wuro on wi'imo, ‘A huwii boɗɗum, maccuɗo boɗɗo mo goonga. Nde a waɗii goonga dow fii seɗɗa, mi tambinte ɗuɗɗum. Woroy, nanidaa belɗum e am.’

Ibraaniyanko'en 6:10

Allah naa' o gaɗoowo ko haanaa. O yejjitataa kuugal ngal ngaɗɗon koo yidde nde kolluɗonmo nde mballuɗon yimɓe maako, nyamruɗon yeeso e wallukiɓe haa jooni.

2 Timooti 2:1

An, ɓiɗɗo am Timooti, sembuɗu nder barka gonɗum nder sumpootirki e Yeesu Almasiihu.

1 Tasaloonikanko'en 2:2

Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

Filibiyanko'en 1:14

Haɓɓukiyam sembiɗinii tokkuɓe Yeesu ɗuɗɓe nder tokkukimo, ɓe ɓeydii heɓuki sembe ɓernde wa'ajinki Wolde Allah kulol walaa.

1 Korintiyanko'en 16:15

Bandiraaɓe, on andi nder leydi Akaaya yimɓe wuro Istifaanus arti wartuki tokkuɓe Yeesu, nden ɓe kokkii ko'e maɓɓe ngam walluki yimɓe Allah.

Kuuɗe Lilaaɓe 21:35

Nde ɓe njottii ƴentirɗum wuro ngon, sooji'en ƴeftimo dow ngam yimɓe ɓen ɗuuɗii.

Kuuɗe Lilaaɓe 6:15

Sey fuu jooɗiiɓe nder kawtal ngal cutii Istifaanus, ɓe ngi'i yeeso maako wartii bo yeeso malaa'ikaajo.

Kuuɗe Lilaaɓe 6:8

Allah barkiɗini Istifaanus hokkimo bawɗe waɗuki kuuɗe mawɗe kayɗiniiɗe e alaamaaji nder yimɓe.

Kuuɗe Lilaaɓe 6:5

Haala kan boo welii kawtal tokkuɓe Yeesu fuu. Nden ɓe cuɓi Istifaanus, neɗɗo kooliiɗo Joomiraawo, keewuɗo Ruuhu Allah, kanko e Filibus e Burokoras e Nikano e Timon e Barmenas e Nikolas ƴiwoyɗo Antaakiya, nattuɗo diina Yahuudanko'en kanko naa' o Yahuudankeejo.

Luka 19:17

O wi'imo, ‘A huwii boɗɗum, a maccuɗo boɗɗo. Nde a hollii goonga maaɗa dow fii pamarum, a laamoto gariije sappo.’

Maatiyu 20:28

Non maa Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

1 Timooti 3:14

E mi winda ɗerewol ngo'ol, e mi kammoo waroyki to maaɗa naa' ko neeɓi.