1 Timooti 2:8 - Fulfulde Nigeria

⁸ Ngam non e mi yiɗi to tokkuɓe Yeesu kawriti fuu, worɓe ngaɗa do'aare e ɓe ƴefta juuɗe ceniiɗe naa' nder monnere koo geddi.

1 Timooti 2:8 ပူးပေါင်းရင်းမြစ်များ

Ibraaniyanko'en 10:22

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

Tiitus 3:8

Fii ɗu'um ɗum mbiimaami ɗum goonga. E mi yiɗi cembiɗinaa horiiɓe dow maajum ngam kooliiɓe Allah ngaata hakkiilo maɓɓe dow waɗuki kuuɗe boɗɗe. Fuu fii ɗu'um e wooɗi ɗum nafanay koo moye.

Yaakubu 4:8

Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

Luka 24:50

Yeesu ardiiɓe ɓe mburtii nder Urucaliima yaaki wonde wigeere haade gariiri Betani, o ƴefti juuɗe maako o barkiɗiniɓe.

1 Biiturus 3:7

Non maa, onon worɓe, njooɗodee e rewɓe mooɗon no haani. Kokkeeɓe mangu ngam kamɓe ɓe ngalaa sembe bo mooɗon, ɗonmaa onon e rewɓe mooɗon on fuu on keɓay caahu Joomiraawo, waato yonki ki re'ataa. Ngaɗee non ngam to' goɗɗum haɗa'on waɗuki do'aare.

1 Timooti 5:14

Ngam maajum mi ɓurii yiɗuki rewɓe sukaaɓe ɓe worɓe mu''en maayi ngaɗa teegal, ndanya ɓiɓɓe, paamana wuro maɓɓe, ngam to' wanywanyɓe meeɗen keɓa no metirta fii kalluɗum dow meeɗen.

Kuuɗe Lilaaɓe 21:5

Ammaa nde yontoore nden heenyi, min co''ii to komiwal. Ɓe fuu ɓe ɗoftimin, kamɓe e rewɓe maɓɓe e ɓikkoy maɓɓe, haa min mburtii gariiri. Min ndiccii daande maayo, min ngaɗi do'aare.

Kuuɗe Lilaaɓe 10:4

O raari malaa'ikaajo on nder kulol, o wi'imo, “Na'am, Mawɗo?” Malaa'ikaajo on wi'imo, “Allah nanii do'aaje maaɗa o yi'ii ko kokkataa ɓe ngalanaa.

Kuuɗe Lilaaɓe 10:2

O kuloowo Allah, kanko e wuro maako fuu. E mo walla Yahuudanko'en ɓe ngalanaa naa' seɗɗa, e mo toroo Allah koo ngele carel.

Kuuɗe Lilaaɓe 7:60

Nden o diccii, o wulli e sembe e mo wi'a, “Yaa Joomiraawo, taa' yowanɓe ɗu'um hakke!” Nde o wi'i non, o maayi.

1 Korintiyanko'en 7:7

Min mi ɓurii yiɗuki daa koo moye walaa teegal bo am! Ammaa koo moye e iri dokkal ngal Allah hokkimo, o'o e ngal muuɗum, on ɗaa'e e ngal muuɗum.

Kuuɗe Lilaaɓe 10:31

O wi'iyam, ‘Koneeliyus, Allah nanii do'aaje maaɗa o jaɓii sadakaaji maaɗa.

Yahaya 4:21

Yeesu wi'imo, “Jaɓu ko mbi'aymi, carel e wara ngel mawninton Nyaako Mo Dow naa' dow hocceere nde'e naa' nder Urucaliima.

Luka 23:34

Yeesu wi'i, “Nyaako am Mo Dow, yaafana barooɓeyam ngam ɓe andaa ko ɓe ngaɗata.” Ammaa sooji'en Rooma ngaɗi caaca ngam ɓe cenda kolte maako.

Maatiyu 21:21

Yeesu nootii, wi'iɓe, “E mi wi'a'on goonga, to on ngoodi hoolaare, on ngalaa seko koo seɗɗa, on mbaaway ngaɗon ko ɓuri ko ngaɗanmi ibbi ki'i, haa maa to on mbi'ii hocceere nde'e, ‘Ɗoofa daga ɗo'o, kuboɗaa hoore maaɗa nder mbeela,’ sey nde waɗa non.

Maatiyu 5:44

Ammaa e mi wi'a'on, ngiɗee ganyooɓe mooɗon, ngaɗanee torrooɓe'on do'aare,

Maatiyu 6:12

Yaafanamin hakkeeji amin no min njaaforantoo gaɗanɓemin ko wooɗaa.

1 Korintiyanko'en 1:2

Min mbindanngol kawtal yimɓe Allah wonɓe Korinti, ɓe Allah noddi ngarta yimɓe muuɗum. Min mbindanngol yimɓe fuu gonɓe koo toye gaɗooɓe do'aare nder inde Yeesu Almasiihu Joomiraawo meeɗen. Kanko woni Joomiraawo meeɗen e maɓɓe fuu.

2 Korintiyanko'en 2:14

Ammaa yettoore tabbita to Allah kokkoowo'en jaalorgal koo ndeye barka sumpootirki meeɗen e Almasiihu. Laawol meeɗen o sankitii habaru Almasiihu koo toye bo urngol belngol.

Filibiyanko'en 1:12

Bandiraaɓe am, e mi yiɗi andon ko heɓiyam waɗii Habaru Belɗum ɓeydii sankitaaki,

1 Tasaloonikanko'en 1:8

Ngam daga to mooɗon wolde Joomiraawo heɓi sankitaaki naa' e leydi Makidooniya e Akaaya tan, ammaa koo toye ɗum andii hoolaare mooɗon dow Allah. Ngam non naa' sey to min mbi'ii goɗɗum dow maajum.