1 Timooti 1:17 - Fulfulde Nigeria

¹⁷ O Laamiiɗo haa abadaa, o walaa keerol, o yi'ataako, kanko tan woni Allah. Mangu e teddungal tabbita to maako haa abadaa abadin.

1 Timooti 1:17 ပူးပေါင်းရင်းမြစ်များ

Yahuuda 1:25

Kanko tan woni Allah, kanko boo woni Kisnoowo'en barka Joomiraawo meeɗen Yeesu Almasiihu. Teddungal, e mangu, e bawɗe, e laamu tabbita to maako daga fuɗɗoode e jooni e haa abadaa! Aamin.

Wahayu Yahaya 19:1

Gaɗa ɗon mi nanii hoolo cembingo bo hononde yimɓe ɗuɗɓe cembinde ton dow e ɓe ngima e ɓe mbi'a, “Haaliluuya! Allah meeɗen jeyi kisndam e mangu e laamu,

Wahayu Yahaya 17:14

Ɓe konay Karoori ndin, ammaa Karoori ndin heɓa jaalorgal dow maɓɓe ngam kanko woni Joomiraawo joomiraaɓe, Laamiiɗo lamlamɓe. Wonduɓe e maako boo ɓe noddaaɓe, ɓe cuɓaaɓe, ɓe tokkuɓe Joomiraawo boɗɗum.”

Koloosiyanko'en 1:15

Ngikku Almasiihu mo ngi'eten ɗum go'o e ngikku Allah mo yi'ataake. E mo ɗon ko Allah taga koo ɗume, o mawɗo dow koo ɗume ko tagaa.

Wahayu Yahaya 19:16

To toggoore maako e dango maako wonde inde e windii wi'uki, “Laamiiɗo lamlamɓe, Joomiraawo joomiraaɓe.”

Roomanko'en 1:23

Allah tabitayɗo haani ɓe mawnina, ammaa e ɓe mawnina gunkiiji gaɗaaɗi nder nandi neɗɗo maayayɗo, e nder nandi colli, e nder nandi marle, e nder nandi ko dasotoo.

Wahayu Yahaya 19:6

Nden mi nanii goɗɗum bo hoolo yimɓe ɗuɗɓe, bo hoolo ndiyamji doggooji, bo hoolo riggaango cembingo, e ɓe mbi'a, “Haaliluuya! Ngam Allah Joomiraawo meeɗen Joomu Bawɗe e laamoo!

1 Yahaya 4:12

Walaa neɗɗo meeɗuɗo yiiki Allah koo seɗɗa. Ammaa to en ngiɗindirii, Allah e wondi e meeɗen won ɗon. Ɗonmaa yidde iri nde'e e jooɗii nder ɓerɗe meeɗen e goonga.

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

Maatiyu 6:13

Taa' alu min njaha to min ngaɗata hakke, ammaa hisnumin daga Kalluɗo.’

Wahayu Yahaya 15:3

E ɓe ngima gimol Muusa maccuɗo Allah e gimol Karoori ndin, e ɓe mbi'a, “Yaa Allah Joomiraawo Joomu Bawɗe, kuuɗe maaɗa ɗe mawɗe kayɗiniiɗe. Laamiiɗo leƴƴi fuu, koo ɗume ko ngaɗataa e woodi aadilaaku e goonga!

Wahayu Yahaya 7:12

E ɓe mbi'a, “Aamin! Mantuki, e teddungal, e faamu, e yettoore, e mangu, e bawɗe, e sembe tabbita to Allah meeɗen haa abadaa abadin! Aamin.”

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.

1 Biiturus 5:11

Laamu tabbita to maako haa abadaa abadin. Aamin.

Ibraaniyanko'en 11:27

Ngam Muusa e hoolii Allah waɗi o ali leydi Masar, o hulaayi monnere laamiiɗo leydi ndin. O wanyi o so''o ngam o yi'ii Allah mo yi'ataake.

Roomanko'en 16:27

Teddungal tabbita to Allah haa abadaa barka Yeesu Almasiihu! Kanko tan woni Allah. Kanko tan woodi faamu nder koo ɗume. Aamin.

Roomanko'en 11:36

Ngam koo ɗume kanko tagiɗum, to maako koo ɗume ƴiwi, to maako ɗum so''oto. Mangu tabbita to Allah haa abadaa. Aamin.

Roomanko'en 2:7

Yimɓe munyuɓe nder waɗuki ko wooɗi, ɗaɓɓutuɓe teddungal e mangu e yonki ki re'ataa, kamɓe Allah hokkata yonki ki re'ataa.

Roomanko'en 1:20

Ngam daga fuɗɗoode taguki duuniyaaru, ngikku Allah ɗum yi'ataake, e njayri ɗum woni, waato bawɗe maako tabitayɗe, e ko holli o Allah. Ɗum yi'aama e njayri nder ko o tagi. Ngam maajum, yimɓe ngalaa ko mbi'a.

Maatiyu 28:20

on ekkitinaɓe ɓe tokka koo ɗume ko mbiimi'on ngaɗon. Raɗɗum, e mi wondi e mooɗon koo ndeye haa re'uki duuniyaaru.”

Maatiyu 25:34

Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru.

Yahaya 5:44

No waɗata koolooɗonyam to on ɗaɓɓita mantindirki, ammaa on ndurwaayi keɓon manteeki daga to Allah? Kanko tan woni Allah.

Roomanko'en 2:10

Ammaa fuu yimɓe gaɗooɓe boɗɗum, Allah waɗay ɓe keɓa teddungal, e mangu, e jam; arande Yahuudanko'en, nden sey yimɓe naa' Yahuudanko'en,

Ibraaniyanko'en 2:7

A lestiniimo ley malaa'ika'en ngam carel seɗɗa, ammaa gaɗa ɗon a hokkiimo teddungal e mangu,