1 Timooti 1:12 - Fulfulde Nigeria

¹² Mi yettii Yeesu Almasiihu Joomiraawo meeɗen kokkuɗoyam sembe kuugal am. Mi yettiimo ngam o yiiriiyam goonga o suɓiiyam mi huwanamo.

1 Timooti 1:12 ပူးပေါင်းရင်းမြစ်များ

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

2 Timooti 4:17

Ammaa Joomiraawo walliiyam sembiɗiniiyam ngam mi wa'ajina fuu wolde maako ngam yimɓe naa' Yahuudanko'en fuu nana. O hisniiyam daga mayde no ɗum hisnirta neɗɗo daga honduko sembindu.

Koloosiyanko'en 1:25

Mi wartii maccuɗo tokkuɓe Yeesu barka kuugal ngal Allah hokkiyam. Kuugal ngal woni mi wa'ajina fuu wolde maako.

Filibiyanko'en 2:11

Nden yeeso koo ɗume koo ngale ɗemngal wi'ay Yeesu Almasiihu o Joomiraawo, ngam mawninki Allah Nyaako Mo Dow.

2 Korintiyanko'en 4:1

Ngam non, nde Allah yurminaniimin hokkiimin kuugal nga'al, min ittataa kammunde.

1 Korintiyanko'en 7:25

Jooni mi noototo ƴamol ngol ƴamɗonyam nder ɗerewol ngol mbindonoyɗonyam dow yimɓe ɓe ngalaa teegal. Joomiraawo wi'aayiyam goɗɗum dow maɓɓe, ammaa mi hokkay caawori. Mi tabbitinii on njaɓay ko mbiimi ngam Joomiraawo wartiriiyam koolaaɗo barka yurmeende maako.

Kuuɗe Lilaaɓe 9:22

Ammaa Caawulu ɓeydi sembuɗuki nder wa'ajinki, haa ɗum jiiɓi hakkiilooji Yahuudanko'en jooɗiiɓe Dimasku fuu, ngam ɓe keɓaayi ko ɓe mbi'imo nde o tabbitinaniɓe Yeesu woni Almasiihu.

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

Kuuɗe Lilaaɓe 16:15

Gaɗa kanko e wuro maako fuu ɓe ngaɗanaama baptisma, sey o toriimin, o wi'i, “To on jaɓii mi kooliiɗo Joomiraawo e goonga, ngaree njooɗooɗon to wuro am.” O estimin min njippoo to maako, sey min njippii.

1 Timooti 1:11

gongol nder Habaru Belɗum ɗum Allah joomu mangu barkiɗinaaɗo wi'iyam mi wa'ajina.

1 Korintiyanko'en 15:10

Ammaa ngam yidde nde Allah holliyam mi wartii ko ngonmi hande, nden yidde nde o holliyam wartaayi meere. Mi ɓurii koo moye lilaaɗo huwuki, koo nde naa' ɗum min huwata, ɗum yidde Allah gondunde e am huwata.

Yahaya 5:23

ngam koo moye mawnina Ɓiɗɗo on non no mawninirta Nyaako on. Koo moye mo mawninaayi Ɓiɗɗo on mawnintaa Nyaako liloyɗomo.

1 Korintiyanko'en 3:5

Too, moye woni Afoolos? Moye woni Bulus? Min maccuɓe Allah tan. Laawol amin kooliiɗon Yeesu Almasiihu. Koo moye amin e huwa kuugal ngal Joomiraawo hokkimo o huwa.

Galaatiyanko'en 3:26

On fuu on ɓiɓɓe Allah barka hoolaaki Yeesu Almasiihu.

Galaatiyanko'en 3:28

Ngam non walaa feerootirol hakkunde Yahuudanko'en e naa' Yahuudanko'en, e hakkunde maccuɓe e naa' maccuɓe, e hakkunde worɓe e rewɓe. On fuu on ngartii go'o nder sumpootirki e Yeesu Almasiihu.

1 Timooti 1:1

Ɗerewol ngo'ol ƴiwoyii daga jungo am, min Bulus. Allah Kisnoowo meeɗen e Yeesu Almasiihu mo ngaɗɗen ɓernde dow muuɗum wi'ii mi warta lilaaɗo maako.

1 Timooti 1:2

E mi windanmaa ɗerewol ngo'ol, Timooti, ɓiɗɗo am mo goonga nder tokkuki Yeesu. Allah Nyaako meeɗen Mo Dow e Yeesu Almasiihu Joomiraawo meeɗen barkiɗinmaa, yurminanmaa, hokkumaa jam.

1 Timooti 6:13

Yeeso Allah gaɗanɗo koo ɗume yonki, e yeeso Yeesu Almasiihu biiɗo goonga dow muuɗum yeeso Bilaatus kulol walaa,

2 Timooti 2:2

Ko nanɗaa mi ekkitinii yeeso ceydu'en ɗuɗɓe, ekkitinɗum yimɓe ɓe goonga, baawayɓe ekkitinaɗum woɓɓe.

Tiitus 1:4

Ngo'ol ɗerewol, an mbindanmingol Tiitus, a ɓiɗɗo am mo goonga nder hoolaaki Yeesu. Allah Nyaako meeɗen Mo Dow, e Yeesu Almasiihu Kisnoowo meeɗen barkiɗinmaa, hokkumaa jam.

Filimon 1:9

Ammaa ngam e mi yiɗumaa, mi ɓurii yiɗuki mi toromaa, min Bulus nayeejo, mo Yeesu lili, jooni boo e mi suraa ngam tokkuki Yeesu.

Maatiyu 20:4

Sey o wi'iɓe, ‘Onon maa njahee ngesa am, mi yoɓay'on ko haani.’ Sey ɓe njahi.