1 Tasaloonikanko'en 5:9 - Fulfulde Nigeria

⁹ Allah suɓaayi njaren monnere muuɗum, ammaa o suɓanii'en heɓuki kisndam barka Joomiraawo meeɗen Yeesu Almasiihu.

1 Tasaloonikanko'en 5:9 ပူးပေါင်းရင်းမြစ်များ

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

1 Biiturus 2:10

Ndenno naa' on yimɓe Allah, ammaa jooni on yimɓe maako. Ndenno on keɓaayi yurmeende maako, ammaa jooni on keɓii.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

Kuuɗe Lilaaɓe 13:48

Nde yimɓe naa' Yahuudanko'en nani non, ɓe nani belɗum, ɓe teddini Wolde Joomiraawo. Nden ɓen ɗon ɓe Allah siryanii heɓuki yonki ki re'ataa tokki Yeesu.

1 Timooti 1:16

Ammaa Allah yurminaniiyam ngam Yeesu Almasiihu holliiyam munyal ngal walaa keerol, min ɓurɗo koo moye hakke, ngam ɗum warta misaalu to koo moye tokkayɗomo yeeso ɗo'o ngam heɓa yonki ki re'ataa.

1 Tasaloonikanko'en 3:3

ngam to' torra ka njarɗon waɗa goɗɗo mooɗon yewra ala hoolaaki Yeesu. Onon e ko'e mooɗon on andi doole njaren torra iri ka'a.

1 Biiturus 2:8

Ɗonmaa wonde aayaare wi'ii, “Ɗum hayre gaɗoore yimɓe feggoo, gaɗoore yimɓe njana.” E ɓe peggoo ngam ɓe nganyii waɗuki ko Wolde Allah wi'i. Non ɗum siryaniiɓe.

1 Timooti 1:13

Koo nde ndenno mi metii haalaaji kalluɗi dow maako, mi torrii tokkuɓemo, mi huɗiimo, ammaa Allah yurminaniiyam, ngam e carel ngel, mi andaa ko ngaɗaymi, mi hoolaaki Yeesu Almasiihu.

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

2 Biiturus 2:3

Kamɓe ceede ɓe ngiɗi. Ngam non ɓe majjinay'on e metemeteeji fewre ngam ɓeydaari ko'e maɓɓe. Ammaa daga ndenno ɗum siryake taƴankiɓe kiita, halkere maɓɓe e ɗon heɗiiɓe.

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Roomanko'en 11:7

Too, noye won ɗon? Yimɓe Israa'iila tampii keɓa ko ɗaɓɓitata. Seɗɗa nder maɓɓe keɓiɗum, ɓe Allah suɓi, ammaa koriiɓe ɗum saatinaniiɓe ɓerɗe.

Kuuɗe Lilaaɓe 1:25

ngam o huwa kuugal lilaaɓe ngal Yahuuda ali. Ngam Yahuuda yahii wigeere to haananimo.”

Kuuɗe Lilaaɓe 1:20

“Ngam ɗum windaama nder deftere Jabuura dow maako wi'uki, ‘Al wuro maako warta winde, to' koo moye jooɗoo nder maago.’ Kadimaa wonde aayaare wi'ii, ‘Al goɗɗo hocca kuugal ardaare maako.’

Roomanko'en 11:30

Ndenno onon yimɓe naa' Yahuudanko'en, on nganyiino Allah, ammaa jooni o yurminanii'on ngam Yahuudanko'en nganyii ngaɗa ko o wi'i.

Maatiyu 26:24

Ɓii Neɗɗo maayay no ɗum windiraa dow maako, ammaa kokkitirayɗomo wonii! Ɗum ɓuranaymo daa o danyaaka.”