1 Tasaloonikanko'en 5:6 - Fulfulde Nigeria

⁶ Ngam non, to' en ɗaano no woɓɓe ngaɗata, ammaa en njooɗo en ciryii, en curi ko'e meeɗen.

1 Tasaloonikanko'en 5:6 ပူးပေါင်းရင်းမြစ်များ

1 Biiturus 1:13

Ngam non, ciryee ɓerɗe mooɗon, curee ko'e mooɗon, ngaɗee kammunde mooɗon fuu dow barka ɗum um hokkata'on nyalnde wartoyki Yeesu Almasiihu.

Maatiyu 24:42

Njooɗee on ciryii, ngam on andaa carel ko Joomiraawo mooɗon warata.

Luka 22:46

O wi'iɓe, “Ngam ɗume ɗaanotooɗon? Ummee, ngaɗee do'aare to ɗum foondii'on to' ngaɗon hakke.”

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

Wahayu Yahaya 16:15

Yeesu wi'i, “Raɗɗum e mi waroya bo gujjo! O barkiɗinaaɗo fuu jooɗiiɗo e siryii ngam ɓornoo kolte muuɗum ngam to' o dilla o ɓornaaki o semta yeeso lenyol.”

Tiitus 2:12

Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o.

Aafisanko'en 5:14

ngam jayngol e holla koo ɗume. Kanjum waɗi ɗum wi'i, “Umma, an ɗaaniiɗo, umma daga nder mayɓe, nden Almasiihu yeynante.”

Wahayu Yahaya 3:2

Ummee, ndarooɗon! Mo''inee ko horanii'on ngam ɗum ɓadake lalluki, ngam mi yi'ii kuuɗe mooɗon ɗe keewaayi yeeso Allah.

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.

1 Korintiyanko'en 16:13

Njooɗee on paama, ndaree boɗɗum dow hoolaare mooɗon, ngaɗon ngorgu, cembiɗee.

1 Timooti 2:9

Non maa, e mi yiɗi rewɓe ɓornoo kolte no haani ngam semteende e faamanki hoore. Mi yiɗaa ɓe ɓornoo kolte ɗe ceede e mo''itinaaki koccayki hakkiilo yimɓe bo mo''inki gaasa, koo waɗuki coddi, koo jiinaari,

Tiitus 2:6

Non maa waggin kaye'en ɓe cura ko'e maɓɓe.

1 Timooti 3:2

Ngam non doole mawɗo kawtal tokkuɓe Yeesu warta walaa ko ɗum huɗirtamo, gooduɗo debbo go'oto, curɗo hoore muuɗum, gaɗoowo ko haani, jaɓɓotooɗo hoɓɓe, bawɗo ekkitinki.

Koloosiyanko'en 4:2

Ngaɗee ka waɗuki do'aare, ngaɗee hakkiilo mooɗon dow do'aare nden, on ngetta Allah.

Aafisanko'en 6:18

Koo ndeye ngaɗee ka waɗuki do'aare no Ruuhu Allah holliri'on nder koo ɗume ɗum ngaɗoton. Kadin ngaɗon ka toraaki Allah walla'on. Ngam fii ɗu'um, paamee, to' on njaɓu comon, koo ndeye ngaɗee ka waɗanki yimɓe Allah fuu do'aare.

Luka 21:36

Paamee koo ndeye ngaɗon do'aare ngam keɓon ndaɗon fii ɗu'um gaɗayɗum fuu, nden ndarooɗon yeeso Ɓii Neɗɗo.”

Luka 12:39

Ammaa andee ɗu'um, daa joomu wuro e andi carel ko gujjo warata, o alataa o nattanamo wuro.

Maatiyu 25:13

“Ngam non, sey njooɗooɗon on ciryii, ngam on andaa nyalnde nden koo carel ngel.

Maatiyu 25:5

Nde angoojo on neeɓi yottaaki, sey ɓe fuu ɓe puɗɗi ŋoŋuki haa ɓe ɗaani.

Maatiyu 13:25

Ammaa jemma, koo moye e ɗaanii, sey goɗɗo ganyo maako yahi saaki awdi goɗɗe geene nder alkamaari ndin dilli.

2 Timooti 4:5

Ammaa an, suru hoore maaɗa koo ndeye, munyu nder torra ka njarataa, huwu kuugal wa'ajinki, waɗu fuu kuugal ngal Allah hokkumaa boɗɗum.

1 Timooti 3:11

Non maa rewɓe ɓen ngarta ɓe ngikku boɗɗum, to' ɓe ngarta bi'ooɓe haalaaji kalluɗi dow woɓɓe, ammaa ɓe ngarta curɓe ko'e maɓɓe, gaɗooɓe goonga dow koo ɗume.

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Filibiyanko'en 4:5

Alee koo moye yi'a munyal mooɗon. Joomiraawo ɓadake wara.

1 Korintiyanko'en 15:34

Ngartee nder hakkiilo mooɗon no haani, alee waɗuki hakke, ngam e woodi woɓɓe mooɗon ɓe ngalaa andal dow Allah. Mi wi'u non ngam cemton.

Kuuɗe Lilaaɓe 20:31

Ngam non, paamee, ciftoree duuɓi tati ngaɗumi, jemma e nyalawma, e mi waggina koo moye mooɗon fuu haa e gonɗi.

Luka 12:37

Ɓe barkiɗinaaɓe maccuɓe ɓe joomu wuro maɓɓe tawi e ndeena to o wartoyii. E mi wi'a'on goonga, o taadoto ngam kuugal, o joɗɗinaɓe, o waddanaɓe nyamndu.

Markus 13:37

Ko mbiimi'on, e mi wi'aka koo moye, kanjum woni njooɗee on ciryii!”

Maatiyu 26:38

Sey o wi'iɓe, “Ɓernde am wannii naa' seɗɗa haa bo mi maayay. Njooɗodee e am ɗo'o on ndeena.”

1 Timooti 2:15

Fuu e non, rewɓe nder danyngol ɓiɓɓe ɓe kisay to ɓe ngaɗii ka hoolaaki Yeesu e ɓe kolla yidde e ɓe ngaɗa jonde lamnde e semteende.

Aafisanko'en 2:3

Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

1 Tasaloonikanko'en 4:13

Bandiraaɓe, e min ngiɗi andon goonga dow ɓen ɗon tokkuɓe Yeesu mayɓe ngam to' ngaɗon ka wannuki bo yimɓe horiiɓe ɓe ngalaa kammunde.

1 Tasaloonikanko'en 5:10

Kanko maayi ngam meeɗen, ngam koo en ngoodi yonki koo en maayii, en njooɗodoto e maako.