1 Tasaloonikanko'en 4:6 - Fulfulde Nigeria

⁶ Dow fii ɗu'um, to' goɗɗo hallana bandiraawo muuɗum koo waɗanamo ko wooɗaa. Min mbi'ii'on ka daga arande, min mbagginii'on wiiki, Joomiraawo waatanay gaɗoowo non e bone.

1 Tasaloonikanko'en 4:6 ပူးပေါင်းရင်းမြစ်များ

Ibraaniyanko'en 13:4

Koo moye mawnina teegal, nden to' goɗɗo walda e goɗɗo mo walaa teegal hakkunde maɓɓe. Balduɗo e goɗɗo mo walaa teegal hakkunde maɓɓe, Allah waɗanayɓe kiita.

Roomanko'en 12:19

Higooɓe am, to ɗum waɗanii'on ko halli, to' on ngaatano ko'e mooɗon, ammaa alee Allah waatanoo'on e monnere maako. Ngam aayaare wi'ii, “Joomiraawo wi'i, ‘Min woni gaatotooɗo, mi waatoto.’ ”

Roomanko'en 1:18

Monnere Allah e wanga daga dow dow yimɓe ɓe kulataa Allah e dow kuuɗe maɓɓe kalluɗe ɗe ɓe nyo''irta goonga.

Yaakubu 5:4

Raɗɗum! Njoɓaari ndi nganyuɗon yoɓuki kuwanooɓe'on to gese ndi wulloyake'on. Bojji ittanooɓe'on ko ɓendi to gese njaarii to Joomiraawo Joomu Bawɗe.

Yaakubu 2:6

Ammaa on ngartira ɓe ngalanaa naa' ɗum goɗɗum. Naa' gooduɓe risku torrata'on? Naa' ɗum kamɓe njaarata'on yeeso laamu?

Galaatiyanko'en 5:21

e lawliiru, e yiltaaki, e yarki njaru yiltoo haa waɗa ko halli, e waɗuki goɗɗe kuuɗe iri ɗe'e. E mi wi'a'on non no mbiimi'on ndenno, kuwooɓe iri kuuɗe ɗe'e ɓe keɓataa nattuki Laamu Allah.

Roomanko'en 13:4

ngam kanko o maccuɗo Allah kuwoowo ngam ɓeydaari maaɗa. Ammaa taa waɗii ko wooɗaa, hulu, ngam naa' e meere o jogii bawɗe maako. O maccuɗo Allah ngam o taƴana gaɗooɓe ko wooɗaa kiita.

Luka 12:5

Ammaa mi wi'ay'on mo kuloton. Kulee on ɗon baawayɗo warki'on gaɗa ɗon o waɗa'on nder wuro hiite, e mi wi'a'on, kanko kuloton!

2 Tasaloonikanko'en 1:8

Ganyuɓe Allah e ganyuɓe ngaɗa ko Habaru Belɗum ɗum Joomiraawo meeɗen Yeesu wi'i, Allah waatanayɓe halkere kallunde.

Aafisanko'en 5:6

To' goɗɗo ƴoyra'on e boliiɗe meere, ngam iri kuuɗe ɗe'e waɗii monnere Allah waroyta dow yimɓe ganyuɓe ngaɗa ko o wi'i.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Markus 10:19

A andi ko Attawra wi'i: ‘Taa' waɗu warhoore. Taa' waɗu njeenu. Taa' wujju. Taa' hokku ceyda fewre. Taa' ƴoyru neɗɗo njaɓanaamo ko o jeyi. Hokku nyaako maaɗa e maduujo maaɗa mangu.’ ”

Aafisanko'en 4:28

Koo moye gujjo doole ala nguyka. Ammaa o huutira juuɗe maako o huwa kuugal bongal, ngam o heɓa goɗɗum ɗum o hokkorta ɓe ngalanaa.

Luka 16:28

E mi woodi minyiraaɓe njowo, e mi yiɗi o yaha o wagginaɓe ngam kamɓe maa to' ɓe ngara to njaraymi bone kalluɗum ɗo'o.’

2 Korintiyanko'en 7:11

Ndaaree ngi'on ko ciya nanki belɗum mooɗon waddani'on, ki waɗii'on on ngartii tiiɗuɓe, on ngartii kaaɓuɓe kolla onon naa' on gaɗooɓe ko wooɗaa, on ɓernii dow ko wooɗaa, on kultorii, on kaaɓii ngi'onyam, on ngiɗii wallukiyam, on kaaɓii ngi'on ɗum taƴanii gaɗoowo hakke kiita. On kollii on ngaɗii ko haani dow ko mbindannoomi'on.

1 Tasaloonikanko'en 2:11

Ngam on andi no nyaako jogorii ɓiɓɓe muuɗum, non min jogorii'on.

Ibraaniyanko'en 2:6

Ammaa e woodi aayaare to ɗum wi'i, “Yaa Allah, neɗɗo ɗum ɗume haa nyumataa dow maako? Ɓii Neɗɗo o moye haa a faamanamo?