1 Tasaloonikanko'en 4:4 - Fulfulde Nigeria

⁴ Koo moye mooɗon ekkitoo no surirta ɓandu muuɗum nder senaaki e mangu,

1 Tasaloonikanko'en 4:4 ပူးပေါင်းရင်းမြစ်များ

1 Korintiyanko'en 7:9

Ammaa to ɓe mbaawataa suruki ko'e maɓɓe, e haani ɓe ngaɗa teegal. Ngam ɗum ɓurii neɗɗo waɗa teegal dow suuno njeenu nangamo.

Roomanko'en 12:1

Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

1 Biiturus 3:7

Non maa, onon worɓe, njooɗodee e rewɓe mooɗon no haani. Kokkeeɓe mangu ngam kamɓe ɓe ngalaa sembe bo mooɗon, ɗonmaa onon e rewɓe mooɗon on fuu on keɓay caahu Joomiraawo, waato yonki ki re'ataa. Ngaɗee non ngam to' goɗɗum haɗa'on waɗuki do'aare.

Ibraaniyanko'en 13:4

Koo moye mawnina teegal, nden to' goɗɗo walda e goɗɗo mo walaa teegal hakkunde maɓɓe. Balduɗo e goɗɗo mo walaa teegal hakkunde maɓɓe, Allah waɗanayɓe kiita.

1 Korintiyanko'en 6:15

On andaa ɓalli mooɗon ɗum jokkooɗe ɓandu Almasiihu? Too, mi hoccay ɓandu Almasiihu mi hawtandu e ɓandu kaaruwaajo? Sam, mi waɗataa non!

1 Korintiyanko'en 7:2

Ammaa nde e woodi njeenu naa' seɗɗa hakkunde yimɓe, e haani koo moye neɗɗo te'a, nden koo moye debbo waɗa teegal.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Roomanko'en 6:19

E mi huutira boliiɗe ɗe caɗaa ngam on cembiɗaa. Ndenno on ngartirii ko'e mooɗon maccuɓe waɗuki fii nefniiɗum e fii kalluɗum gaɗuɗum ka ɓeydaaki naa' seɗɗa. Non maa, jooni ngartiree ko'e mooɗon maccuɓe aadilaaku ngam ngaɗon jonde ceniinde.

Roomanko'en 1:24

Ngam non, Allah aliiɓe ɓe tokka suunooji ɓerɗe maɓɓe nefniiɗi ngam ɓe ngaɗindira ko semtinii e ɓalli maɓɓe.

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

2 Korintiyanko'en 4:7

Ammaa minon e min nandi e gojiije loope. Ɗum resii jawdi nder amin ngam holluki ɗe'e bawɗe ɓurɗe koo ɗeye bawɗe, to Allah ɗe ƴiwoyi, naa' to amin.