1 Tasaloonikanko'en 4:12 - Fulfulde Nigeria

¹² Non waɗay ɓe tokkaayi Yeesu ndarda'on e mangu, nden on njowataa kammunde mooɗon dow koo moye ngam ko ngiɗɗon.

1 Tasaloonikanko'en 4:12 ပူးပေါင်းရင်းမြစ်များ

Koloosiyanko'en 4:5

Paamee iri ngikku ɗum ngaɗanton ɓe tokkaayi Yeesu; kuutiree koo ngele carel ngel kawruɗon e maɓɓe boɗɗum.

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

Roomanko'en 12:17

To' on ngaato halleende e halleende, ammaa paamee ngam ngaɗon ko koo moye yi'ata ɗum boɗɗum.

1 Timooti 3:7

E haani o warta neɗɗo mo koo moye andi jonde maako e wooɗi haa maa e ɓe tokkaayi Yeesu. Ngam to' o warta ko semtinii o yana nder tarkowol Ceyɗan.

Roomanko'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

Markus 4:11

Sey o wi'iɓe, “Onon on kokkaama faamuki sirru Laamu Allah, ammaa yimɓe ɓe ngalaa nder mooɗon, koo ɗume sey e misaalu,

1 Tasaloonikanko'en 5:22

Ngoɗɗitee koo iri ndeye halleende.

1 Biiturus 3:1

Non maa onon rewɓe teegal, tokkee ko worɓe mooɗon mbi'i. Ngam to e woodi woɓɓe worɓe ɓe tokkaayi Wolde Allah, ɗum gaɗotooɗum ngikku rewɓe maɓɓe waɗa ɓe tokka Allah, naa' sey to ɓe metanaama,

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Aafisanko'en 4:28

Koo moye gujjo doole ala nguyka. Ammaa o huutira juuɗe maako o huwa kuugal bongal, ngam o heɓa goɗɗum ɗum o hokkorta ɓe ngalanaa.