1 Tasaloonikanko'en 3:3 - Fulfulde Nigeria

³ ngam to' torra ka njarɗon waɗa goɗɗo mooɗon yewra ala hoolaaki Yeesu. Onon e ko'e mooɗon on andi doole njaren torra iri ka'a.

1 Tasaloonikanko'en 3:3 ပူးပေါင်းရင်းမြစ်များ

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Roomanko'en 5:3

Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal.

Kuuɗe Lilaaɓe 9:16

Min e hoore am mi hollaymo doole o torree torraaji ɗuɗɗi ngam inde am.”

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

1 Korintiyanko'en 15:58

Ngam non, bandiraaɓe am ɓe ngiɗumi, ndaree boɗɗum, to' goɗɗum dimba'on. Koo ndeye ngaɗee ko mbaawoton waɗuki kuwon kuugal Joomiraawo, ngam on andi kuugal ngal kuwantonmo naa' e meere ngal woni.

Kuuɗe Lilaaɓe 21:13

Bulus nootii, wi'imin, “Alee bojji, to' on ngewanam ɓernde! E mi siryii naa' mi haɓɓee tan, ammaa haa mi maaya ton Urucaliima ngam inde Yeesu Joomiraawo.”

1 Tasaloonikanko'en 5:9

Allah suɓaayi njaren monnere muuɗum, ammaa o suɓanii'en heɓuki kisndam barka Joomiraawo meeɗen Yeesu Almasiihu.

1 Korintiyanko'en 4:9

Ngam e yiiki am minon lilaaɓe, Allah wartiriimin yimɓe koccaaɓe naa' ɓe goɗɗum, bo yimɓe ɓe ɗum taƴani kiita mayde bareteeɓe yeeso koo moye. Mi wi'u non ngam min ngartii ko malaa'ika'en e yimɓe fuu ngaɗani gite.

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Aafisanko'en 3:13

Ngam non, e mi toroo'on, to' on ngewru dow torra ka njaraymi ngam mooɗon, ngam torra kan wartanay'on fii boɗɗum.

Kuuɗe Lilaaɓe 2:25

Ngam Annabi Dawda metii dow Yeesu Almasiihu wi'ii, ‘Koo ndeye e mi yi'a Joomiraawo yeeso am, walaa ko kulaymi ngam e mo wondi e am.

Yahaya 16:2

Ɗum riiway'on daga nder lenyol. Goonga, carel e wara ngel koo moye barɗo'on nyumay Allah huwanta.

Luka 21:12

Ammaa ko fii ɗu'um fuu waɗa, yimɓe nangay'on, torray'on, ɓe ngaɗay'on nder juuɗe mawɓe cuuɗi do'aare, ɓe ngaɗa'on nder cuuɗi cural, ɗum yaaray'on yeeso laamiiɓe e mawɓe leydi, ngam on tokkuɓeyam.

2 Timooti 1:8

Ngam maajum taa' semtu hokkuki yimɓe habaru Joomiraawo meeɗen, taa' boo semtam min maɓɓaaɗo ngam tokkuki Yeesu. Ammaa en njardu torra hokkuki habaru Yeesu nder bawɗe Allah.

2 Tasaloonikanko'en 1:4

Kanjum waɗi minon e ko'e amin e min mantoroo'on nder kawte tokkuɓe Allah. E min ɗiiwitanaɓe no munyirɗon e hoolaare mooɗon nder fuu torraaji e caɗeele ɗe njaroton.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Filibiyanko'en 1:28

naa' nder kulol wanywanyɓe mooɗon koo seɗɗa. Non woni alaama tabbitinanayɗumɓe ɓe kalkay, ammaa onon ɗum tabbitinki kisndam mooɗon. Ɗum fuu Allah woni gaɗayɗoɗum.

Kuuɗe Lilaaɓe 21:11

O hocci taadorde Bulus, o haɓɓi juuɗe maako e koyɗe maako, o wi'i, “Ruuhu Allah wi'ii nihi Yahuudanko'en wonɓe Urucaliima kaɓɓirta joomu taadorde nde'e, ɓe ngaɗamo nder juuɗe yimɓe naa' Yahuudanko'en.”