1 Tasaloonikanko'en 3:2 - Fulfulde Nigeria

² Min liloyi bandiraawo amin Timooti to mooɗon, mo min kuudata, e mo huwana Allah nder hokkuki Habaru Belɗum ɗum Almasiihu. Min lilumo ngam o tabbitina hoolaare mooɗon o sembiɗina'on,

1 Tasaloonikanko'en 3:2 ပူးပေါင်းရင်းမြစ်များ

Filibiyanko'en 1:25

Mi tabbitinii ɗum non. Ngam maajum e mi andi mi jooɗodoto e yonki taw, mi nyamra yeeso e jooɗodaaki e mooɗon on fuu, ngam nyamron yeeso, nanon belɗum nder hoolaaki Yeesu.

2 Korintiyanko'en 8:23

Tiitus, o higo kuugal am, min e maako e min kuuda ngam mooɗon. Bandiraaɓe meeɗen jaadooɓe e maako, ɓe lilaaɓe nder tokkuɓe Yeesu Almasiihu, kuugal maɓɓe e teddinamo.

2 Korintiyanko'en 1:19

Ngam habaru Ɓiɗɗo Allah, waato Yeesu Almasiihu, mo min nga'ajinani'on, min e Siila e Timooti, naa' ɗum “Ee” e “Aa'a,” ammaa kanko koo ndeye “Ee” maako ɗum “Ee.”

2 Korintiyanko'en 1:1

Min Bulus mo Allah suɓi warta lilaaɗo Yeesu Almasiihu e bandiraawo meeɗen Timooti minon mbindi ɗerewol ngo'ol. Min mbindanngol kawtal yimɓe Allah gonɓe gariiri Korinti, e fuu yimɓe Allah gonɓe nder fuu leydi Akaaya.

Roomanko'en 16:21

Timooti mo kuudaymi e howna'on, non maa Luusiyus, e Jaason, e Sosifata, bandiraaɓe am Yahuudanko'en tokkuɓe Yeesu.

Kuuɗe Lilaaɓe 16:5

Non tokkuɓe Yeesu ɓeydi sembe nder hoolaaki Yeesu, e ɓe ɓeyda ɗuuɗuki koo ndeye nyalnde.

Kuuɗe Lilaaɓe 16:1

Bulus yahi gariiri Darbe e gariiri Listira. To Listira boo e woodi goɗɗo kooliiɗo Yeesu bi'eteeɗo Timooti. Maduujo maako no Yahuudankeejo tokkuɗo Yeesu, nyaako maako boo no Helenankeejo.

1 Tasaloonikanko'en 3:13

O sembiɗina ɓerɗe mooɗon ngam ngarton ɓe ngalaa goɗɗum ko wooɗaa, ngarton ceniiɓe yeeso Allah Nyaako meeɗen nyalnde wartuki Joomiraawo meeɗen Yeesu e fuu ceniiɓe maako.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

Koloosiyanko'en 4:9

E mo yaada e Onisimus tokkuɗo Yeesu e goonga, giɗaaɗo, gonɗo nder kawtal mooɗon. Ɓe kokkay'on habaru koo ɗume ko waɗata ɗo'o.

Koloosiyanko'en 1:7

On nanii Habaru Belɗum ɗu'um daga to Abaafaras mo min ngiɗi, mo min kuudata. O kuwanoowo Yeesu e goonga nder mooɗon.

Koloosiyanko'en 1:1

Min Bulus mo Allah suɓi warta lilaaɗo Yeesu Almasiihu windi ɗerewol ngo'ol hawti e bandiraawo meeɗen Timooti.

2 Korintiyanko'en 2:13

Ammaa mi wannii naa' seɗɗa ngam mi tawaayi Tiitus bandiraawo meeɗen ton. Ngam non, sey njaɓɓootirmi e maɓɓe njaami Makidooniya.

1 Korintiyanko'en 4:17

Kanjum waɗi lilonoymi'on Timooti, ɓiɗɗo am mo ngiɗumi, tokkuɗo Joomiraawo e goonga. O siftoranay'on iri jonde nde ngaɗumi nder tokkuki Yeesu Almasiihu. E mi ekkitina iri jonde nden koo toye nder tokkuɓe Yeesu.

Kuuɗe Lilaaɓe 18:5

Nde Siila e Timooti ƴiwoyi leydi Makidooniya njottii gariiri Korinti, Bulus hocci carel muuɗum fuu ngam wa'ajinki e tabbitinanki Yahuudanko'en Yeesu woni Almasiihu.

1 Korintiyanko'en 3:10

Barka dokkal ngal Allah hokkiyam, mi fuɗɗii maadi bo mahoowo bawɗo maadi naa' seɗɗa. Mi fuɗɗi maadii, nden goɗɗo e maha dow fuɗɗoode nden. Ammaa koo moye mahoowo dow fuɗɗoode nden o faama iri mahuki ki o mahata.

2 Korintiyanko'en 2:12

Nde njaami Tooruwas ngam mi wa'ajina Habaru Belɗum ɗum Almasiihu, Joomiraawo maɓɓitaniiyam laawol kuugal ɗon.

1 Tasaloonikanko'en 3:5

Ngam non, nde tampumi munyuki, mi liloyii ngam mi nana habaru hoolaare mooɗon. E mi hula koo Ceyɗan majjinii'on, kuugal amin wartii meere.

2 Tasaloonikanko'en 2:17

o fukkinana'on ɓerɗe, o sembiɗina'on nder koo ngale kuugal bongal e wolde bonde.