1 Tasaloonikanko'en 2:7 - Fulfulde Nigeria

⁷ Ammaa e min jogorii'on seese‑seese no maduujo jogortoo ɓingel muuɗum.

1 Tasaloonikanko'en 2:7 ပူးပေါင်းရင်းမြစ်များ

1 Tasaloonikanko'en 2:11

Ngam on andi no nyaako jogorii ɓiɓɓe muuɗum, non min jogorii'on.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

1 Korintiyanko'en 9:22

Nder yimɓe ɓe cembiɗaa nder tokkuki Yeesu, mi wartirii hoore am bo mo sembiɗaa, ngam mi waddaɓe to Almasiihu. Mi wartirii hoore am bo koo iri moye neɗɗo ngam e koo ngole laawol mi hisna woɓɓe.

2 Korintiyanko'en 13:4

Koo nde o waraama dow gaafaangal nder ciya sembe, fuu e non jooni e mo foofa laawol bawɗe Allah. Minon maa non no o wontindirnoo, min ngalaa sembe. Non no Almasiihu jooɗorii jooni nder bawɗe Allah, minon maa min njooɗodoto e bawɗe Allah nder mooɗon.

1 Korintiyanko'en 2:3

Mi warii to mooɗon mi sembiɗaa, e mi diwna ngam kulol.

Kuuɗe Lilaaɓe 13:18

O munyaniiɓe duuɓi 40 nder ladde.

Galaatiyanko'en 4:19

Onon ɓiɓɓe am ɓe ngiɗumi, non no debbo nanirta nawɗum danyngol, bo non e mi fuɗɗita nanuki iri ɗum ɗon nawɗum ngam mooɗon naa carel ngel kolluɗon ngikku Almasiihu nder jonde mooɗon.