1 Tasaloonikanko'en 2:2 - Fulfulde Nigeria

² Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

1 Tasaloonikanko'en 2:2 ပူးပေါင်းရင်းမြစ်များ

Kuuɗe Lilaaɓe 4:13

Mawɓe ɓen kayɗini nde ɓe ngi'i Biiturus e Yahaya e meta ɓernde go'o, hakko nde ɓe nani ɓe ladde'en, naa' ɓe janguɓe. Sey ɓe paami Biiturus e Yahaya e ɓe njaadaynoo e Yeesu.

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

Kuuɗe Lilaaɓe 16:37

Ammaa Bulus wi'imo, “Ɓe ngaɗii ɗum fiyiimin yeeso yimɓe daga min ngaɗanaaka kiita, ɓe maɓɓiimin nder suudu cural. Minon boo, min Roomanko'en. Nden jooni ɓe mburtinamin e suuɗe? Ɗum waɗataako sam! Doole kamɓe e ko'e maɓɓe, ɓe ngara ɗo'o ɓe mburtinamin!”

1 Tasaloonikanko'en 1:5

Ngam Habaru Belɗum ɗum min ngaddani'on naa' ɗum boliiɗe tan, ammaa e ɗum woodi bawɗe, e Ruuhu Allah, e tabbitinki goonga maajum. On andi iri jonde nde min ngaɗi hakkunde mooɗon ngam ɗum nafana'on.

Koloosiyanko'en 2:1

E mi yiɗi andon no kuwirmi naa' seɗɗa ngam mooɗon e ngam yimɓe Lawdiikiya, e ngam fuu yimɓe ɓe meeɗaayi yiikiyam gite e gite.

Kuuɗe Lilaaɓe 17:17

Ngam maajum e mo yeddootira e Yahuudanko'en e woɓɓe naa' Yahuudanko'en kulooɓe Allah nder suudu do'aare. Ɗonmaa koo ndeye e mo waɗa non nder luumo e ɓe o hawri ɗon fuu.

Kuuɗe Lilaaɓe 14:3

Fuu e non Bulus e Barnaba neeɓi ton, e ɓe nga'ajina ɓernde go'o dow Joomiraawo kolluɗo ko ɓe nga'ajinta ɗum goonga nde o hokkiɓe bawɗe waɗuki alaamaaji e kuuɗe kayɗiniiɗe.

Kuuɗe Lilaaɓe 5:41

Lilaaɓe ɓen mburtoyii nder Kawtal Mawɓe e welwelo ngam Allah mawniniiɓe haa ɓe kewtii semtineeki ngam Yeesu.

Kuuɗe Lilaaɓe 4:31

Nde ɓe njottini do'aare wuro ngo ɓe kawriti dimbii. Ɓe fuu ɓe keewi Ruuhu Allah, ɓe nga'ajini Wolde Allah kulol walaa.

Kuuɗe Lilaaɓe 4:20

Minon kam, min mbaawataa min ala metuki dow ko min ngi'i e gite amin e ko min nani e noppi amin.”

Yahuuda 1:3

Onon ɓe ngiɗumi, goonga e mi yiɗunoo mi windonoya'on dow kisndam meeɗen en fuu. Ammaa mi yi'ii e haani mi windonoya'on ngam mi sembiɗina'on ngaɗon ko mbaawoton waɗuki ndeenon ekkitinol ngol Allah hokki'en nde go'o tan.

Kuuɗe Lilaaɓe 19:8

Bulus waɗi lebbi tati e mo wa'ajinana Yahuudanko'en nder suudu do'aare e sembe maako fuu, kulol walaa. E mo medda e maɓɓe, e mo fooɗa hakkiilo maɓɓe haa o andiniɓe habaru Laamu Allah.

Kuuɗe Lilaaɓe 16:12

Daga ɗon min njahi Filibi, gariiri mawndi nder leydi Makidooniya ngondi ley laamu Roomanko'en. Min mbaali balɗe ton.

Kuuɗe Lilaaɓe 14:5

Sey yimɓe naa' Yahuudanko'en e Yahuudanko'en e ardiiɓe maɓɓe fuu ɓe kawti honduko ɓe ummanoo lilaaɓe ɓe kuborooɓe e kaaƴe haa ɓe mbaraɓe.

Kuuɗe Lilaaɓe 16:19

Nde joomiraaɓe maako ngi'i laawol heɓuki ceede maɓɓe to korɗo on darake, ɓe nangi Bulus e Siila, ɓe ndasiɓe ɓe njaariiɓe luumo, ton to mawɓe gariiri.

Kuuɗe Lilaaɓe 17:1

Nde Bulus e Siila tokki laawol tokkungol nder gariije Ampibolis e Afolooniya, sey ɓe ngari Tasaloonika. Gariiri ndin e woodi suudu do'aare Yahuudanko'en.

Roomanko'en 1:1

Min Bulus windi ɗerewol ngo'ol. Mi maccuɗo Yeesu Almasiihu lilaaɗo maako cuɓaaɗo mo Allah noddi wa'ajina Habaru Belɗum.

2 Korintiyanko'en 3:12

Ngam non, nde e min ngoodi iri nde'e kammunde, e min metira sembe ɓernde naa' seɗɗa.