1 Tasaloonikanko'en 2:16 - Fulfulde Nigeria

¹⁶ E ɓe kaɗamin wa'ajinanki yimɓe naa' Yahuudanko'en ngam to' yimɓe ɓen keɓa kisndam. Non e waɗa koo ndeye e ɓe kebbina poondirɗum hakke maɓɓe. Ammaa monnere Allah yaadake jipponoyakeɓe.

1 Tasaloonikanko'en 2:16 ပူးပေါင်းရင်းမြစ်များ

Kuuɗe Lilaaɓe 17:13

Nde Yahuudanko'en Tasaloonika nani Bulus wa'ajinii Wolde Allah nder gariiri Biiriya, ɓe njahi ton maa, ɓe ummini hakkiilo yimɓe.

Kuuɗe Lilaaɓe 14:19

Gaɗa maajum Yahuudanko'en ngari daga Antaakiya e Ikooniya. Ɓe pooɗi hakkiilo yimɓe, haa ɓe kuborii Bulus e kaaƴe. Sey ɓe ndasimo ɓe njaarimo gaɗa gariiri, ngam e ɓe kammii o maayii.

Markus 16:16

Koo moye kooliiɗoyam waɗanaa baptisma o hisay, ammaa fuu mo hoolaakiyam ɗum taƴanaymo kiita.

Maatiyu 23:32

Too, sey keenyiton kuugal ngal maamaaji mooɗon puɗɗi!

2 Tasaloonikanko'en 2:10

e koo iri ɗeye kuuɗe kalluɗe ƴoyrayɗe yimɓe kalkayɓe. Yimɓe ɓen kalkay ngam ɓe nganyii ɓe ngiɗa goonga ɓe kisa.

Galaatiyanko'en 5:11

Onon bandiraaɓe am, to haa jooni e mi wa'ajina wiiki doole yimɓe naadee, ngam ɗume haa jooni e ɗum torrayam? Daa e mi wa'ajina dow ɗum naada, daa wa'ajinki am dow mayde Almasiihu dow gaafaangal fooɗataa caɗɗum.

Kuuɗe Lilaaɓe 14:5

Sey yimɓe naa' Yahuudanko'en e Yahuudanko'en e ardiiɓe maɓɓe fuu ɓe kawti honduko ɓe ummanoo lilaaɓe ɓe kuborooɓe e kaaƴe haa ɓe mbaraɓe.

Kuuɗe Lilaaɓe 13:50

Ammaa ardiiɓe Yahuudanko'en ngaɗi rewɓe kulooɓe Allah ɓe ɗum mawninta, e ardiiɓe gariiri ndin nganya Bulus e Barnaba, sey ɓe ngaɗi ɗum fuɗɗi torruki Bulus e Barnaba, ɓe ndiiwiɓe daga nder gariiri maɓɓe.

1 Timooti 2:4

ngam e mo yiɗi koo moye anda goonga hisa.

Kuuɗe Lilaaɓe 13:45

Ammaa nde Yahuudanko'en ngi'i moɓde yimɓe ɗuɗɓe, ɓe nani lawliiru, ɓe ngaɗi ka yedduki ko Bulus ekkitinta, e ɓe kuɗamo.

Maatiyu 12:45

Sey ngol yaha ngol waddoya ginni joweeɗiɗi ɓurɗingol halluki, ɗi natta ɗi njooɗoo ɗon. Nden re'irde neɗɗo on ɓuray fuɗɗoode maako halluki. Non ɗum wartanta yimɓe jaamanu ɗu'um kalluɗum.”

Maatiyu 3:12

E mo jogii besirɗum gawri maako ngam senduki gawri e nyaande. O hawritay gawri ndin, o waɗandi nder resirde gawri maako, ammaa o wula nyaande nden nder hiite nge waatataa.”

Wahayu Yahaya 22:11

Fuu kuwoowo ko halli waɗa ka huwuki ko halli, gaɗoowo ko wooɗaa maa, waɗa ka waɗuki ko wooɗaa. Fuu gaɗoowo ko wooɗi boo, waɗa ka waɗuki ko wooɗi, fuu ceniiɗo waɗa ka jonde muuɗum seniinde.”

Ibraaniyanko'en 6:8

Ammaa to ndi wurtinii gi'e e kooraaje, ndi wartii koo ko ndi nafi, naa' ko neeɓi Allah laanayndi, re'uki mayri boo ɗum wulayndi.

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

Aafisanko'en 3:13

Ngam non, e mi toroo'on, to' on ngewru dow torra ka njaraymi ngam mooɗon, ngam torra kan wartanay'on fii boɗɗum.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Kuuɗe Lilaaɓe 19:9

Ammaa nder maɓɓe e woodi ɓe ko'e jorɗe. Ɓe nganyi hoolaaki Yeesu, ɓe meti haala kalluka dow Laawol Yeesu yeeso yimɓe fuu. Ngam maajum Bulus sendiri e maɓɓe, o hocci tokkuɓe Yeesu. Koo ndeye nyalnde e mo ekkitina nder suudu jangirde Tiraanus.

Kuuɗe Lilaaɓe 14:2

Ammaa Yahuudanko'en nganyuɓe kooloo Yeesu ummini ɓerɗe yimɓe naa' Yahuudanko'en ngam ɓe nganya tokkuɓe Yeesu.

Kuuɗe Lilaaɓe 4:12

To maako tan kisndam heɓetee, ngam walaa wonde inde feere nder duuniyaaru nde Allah hokki nde ɗum hisirta to naa' inde Yeesu.”

Maatiyu 24:14

Nden ɗum wa'ajinay Habaru Belɗum dow Laamu Allah koo toye nder duuniyaaru, ngam ɗum warta ceyda to leƴƴi fuu, nden re'uki duuniyaaru kin wara.

Maatiyu 24:6

On nanay habaru konuuji gaɗeteeɗi haade mooɗon, e habaru konuuji gaɗeteeɗi ɓadaaki. To' on kulu, ngam doole ɗu'um waɗa, ammaa re'uki duuniyaaru e horii taw.

Kuuɗe Lilaaɓe 9:23

Sey gaɗa balɗe ɗuɗɗe, Yahuudanko'en ndarwi dabare no mbardata Caawulu.

Kuuɗe Lilaaɓe 21:21

Ɓe nanii a ekkitina Yahuudanko'en wonɓe nder goɗɗi leƴƴi ala tokkuki Attawra, a wi'a to' ɓe naada ɓikkoy maɓɓe, to' ɓe tokka ndonu Yahuudanko'en.

Kuuɗe Lilaaɓe 23:12

Nde weeti, woɓɓe Yahuudanko'en kawti ko'e, ɓe kunii wiiki ɓe njarataa ɓe nyaamataa sey to ɓe mbarii Bulus.

Kuuɗe Lilaaɓe 24:9

Yahuudanko'en garduɓe e maako kawti mbi'i ko o wi'i fuu ɗum goonga.

Kuuɗe Lilaaɓe 25:2

Ton mawɓe ardiiɓe diina e ardiiɓe Yahuudanko'en ngullii Bulus to maako. Ɓe toriimo

Kuuɗe Lilaaɓe 25:7

Nde Bulus wari, Yahuudanko'en ƴiwoyɓe Urucaliima piliimo, ɓe ngulloriimo gullaali ɗuɗɗi kalluɗi, ɗi ɓe mbaawaayi tabbitinki.

1 Korintiyanko'en 10:33

non no ngiɗumi mi welnana koo moye ɓernde. Mi ɗaɓɓitataa ko nafantayam, ammaa e mi ɗaɓɓita ko nafanta yimɓe ɗuɗɓe, ngam ɓe keɓa ɓe kisa.