1 Korintiyanko'en 4:1 - Fulfulde Nigeria

¹ Kocceemin min maccuɓe Almasiihu ɓe Allah hokki kuugal wa'ajinki sirru maako.

1 Korintiyanko'en 4:1 ပူးပေါင်းရင်းမြစ်များ

1 Biiturus 4:10

Nde Allah hokki koo moye tokkuɗo Yeesu dokkal, kuutiree dokkal ngal hakkunde mooɗon no paamanoowo dokkal Allah boɗɗum waɗata.

Tiitus 1:7

Nde mawɗo kawtal tokkuɓe Yeesu o kuwanoowo Allah, doole o warta walaa ko ɗum huɗirtamo. To' o warta mawninoowo hoore, koo jawɗo mettinki ɓernde, koo jaroowo, koo ɗaɓɓitoowo hawre, koo giɗɗo ceede.

1 Timooti 3:9

Doole ɓe njogoo goonga lugguka dow hoolaaki Yeesu e ɓernde lamnde.

2 Korintiyanko'en 4:5

Ngam naa' habaru amin min nga'ajinta, ammaa ko min nga'ajinta woni Yeesu Almasiihu o Joomiraawo, minon boo ngam maako min ngarti maccuɓe mooɗon.

Aafisanko'en 6:19

Min maa, ngaɗaneeyam do'aare Allah hokkayam boliiɗe ɗe mbi'aymi, mi andina yimɓe sirru Habaru Belɗum dow Yeesu Almasiihu kulol walaa.

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

Koloosiyanko'en 4:3

Non maa ngaɗaneemin do'aare ngam Allah maɓɓitanamin laawol min nga'ajina sirru maako, waato habaru Almasiihu. Dow maajum ɗum suriyam.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

2 Korintiyanko'en 12:6

Koo to e mi yiɗi mi mantitoo, mi wartataa bo kaaŋaaɗo, ngam goonga mbi'aymi. Ammaa mi mantitataako, ngam to' goɗɗo hocca mi ɓurii ko o yi'i to am koo ko nani to am.

2 Korintiyanko'en 11:23

To ɓe kuwanooɓe Almasiihu, min mi ɓuriiɓe. E mi meta bo kaaŋaaɗo! Mi ɓuriiɓe huwuki naa' seɗɗa, mi ɓuriiɓe maɓɓeeki nder suudu cural, mi ɓuriiɓe fiyeeki, mi ɓadake mayde nde ɗuɗɗum.

Luka 12:42

Yeesu nootii wi'i, “Moye woni kuwoowo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

Maatiyu 24:45

“Moye woni maccuɗo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

1 Timooti 3:6

Haanaa boo tokkuɗo Yeesu keso warta ardiiɗo, ngam ɗum gaɗotooɗum o mawnina hoore maako, nden ɗum waɗanamo no ɗum waɗani Ceyɗan.

2 Korintiyanko'en 6:4

Ammaa nder koo ɗume ko min ngaɗata, e min kolla min maccuɓe Allah ɓe goonga nder munyal mangal ngal min ngaɗata nder torra, e caɗeele, e ɓiɗɗaare.

1 Korintiyanko'en 4:13

To yimɓe metii haala kalluka dow amin, sey min metanaɓe haala mbelka. Min ngartii mbuuri duuniyaaru, min ngartii ko nefnii. Haa jooni non ɗum woni.

1 Korintiyanko'en 3:5

Too, moye woni Afoolos? Moye woni Bulus? Min maccuɓe Allah tan. Laawol amin kooliiɗon Yeesu Almasiihu. Koo moye amin e huwa kuugal ngal Joomiraawo hokkimo o huwa.

1 Korintiyanko'en 2:7

Ammaa e min meta dow faamu Allah ɗum sirru cuuɗiiɗum ndenno, ɗum Allah siryanii'en ko duuniyaaru tagee ngam teddinki'en.

Markus 4:11

Sey o wi'iɓe, “Onon on kokkaama faamuki sirru Laamu Allah, ammaa yimɓe ɓe ngalaa nder mooɗon, koo ɗume sey e misaalu,

Maatiyu 13:11

O nootii o wi'iɓe, “Onon on kokkaama faamu sirru Laamu Allah, ammaa kamɓe ɓe kokkaaka.

Luka 8:10

O wi'i, “Onon on kokkaama faamu sirru Laamu Allah, ammaa woɓɓe sey e misaalu ɗu'um, ngam ‘e ɓe ndaara, ammaa ɓe ngi'ataa; e ɓe nana, ammaa ɓe paamataa.’ ”

Luka 1:2

Ɓe mbindi habaru ɗum nanɗen daga konduɗe giiɓe ko waɗi e gite maɓɓe, andinooɓe Wolde Allah.

Roomanko'en 11:25

Bandiraaɓe am, mi yiɗaa ndullon anduki sirru ɗu'um, ngam to' ngarton ɓe mangu hoore. Israa'iilanko'en ɗuɗɓe ngaɗay ka wanyuki ko Allah wi'i sey to carel waɗii ngel fuu yimɓe naa' Yahuudanko'en ɓe Allah suɓi kooliimo.

1 Korintiyanko'en 4:2

Fii go'o ko ɗum yiɗi to iri ɓen ɗon maccuɓe ɓe ngaɗa koo ɗume ko jeyɗoɓe wi'i.