1 Korintiyanko'en 2:4 - Fulfulde Nigeria

⁴ Nder ko mbiimi e ko nga'ajinmi mi huutiraayi faamu lugguɗum koo belɗum haala ngam njaɓon ko mbiimi, ammaa bawɗe Ruuhu Allah tabbitinanii'on ɗum goonga.

1 Korintiyanko'en 2:4 ပူးပေါင်းရင်းမြစ်များ

1 Korintiyanko'en 4:20

Ngam ko hollata neɗɗo e waɗa ko Allah Laamiiɗo wi'i, naa' ɗum boliiɗe maako, ammaa ɗum bawɗe Ruuhu Allah gonɗe nder maako.

1 Tasaloonikanko'en 1:5

Ngam Habaru Belɗum ɗum min ngaddani'on naa' ɗum boliiɗe tan, ammaa e ɗum woodi bawɗe, e Ruuhu Allah, e tabbitinki goonga maajum. On andi iri jonde nde min ngaɗi hakkunde mooɗon ngam ɗum nafana'on.

1 Korintiyanko'en 1:17

Ngam Almasiihu lilaayiyam ngam mi waɗa baptisma, ammaa ngam mi wa'ajina Habaru Belɗum. Naa' e faamu neɗɗo nga'ajiniraymiɗum, ngam to' bawɗe mayde Almasiihu dow gaafaangal wartiree meere.

1 Korintiyanko'en 2:1

Bandiraaɓe, carel ko ngarmi to mooɗon e mi wa'ajina sirru Allah, mi huutiraayi boliiɗe lugguɗe koo holluki andal.

Roomanko'en 15:19

e kuuɗe kayɗiniiɗe ɗe ngaɗumi laawol bawɗe Ruuhu Allah. Daga Urucaliima mi filake haa yaaki gariiri Iliirikum, mi wa'ajini Habaru Belɗum dow Almasiihu e ɗen ɗon bigeeje fuu.

2 Biiturus 1:16

Ngam carel ko min kokki'on habaru bawɗe Yeesu Almasiihu Joomiraawo meeɗen e garol maako, naa' habaruuji ɗi ɗum siryii e ƴoyre min tokki. Ammaa min ngi'ii mangu maako e gite amin.

1 Korintiyanko'en 2:13

E min meta dow ɗu'um naa' nder haala ka faamu neɗɗo ekkitata, sey ni nder haala ka Ruuhu Allah ekkitinimin. E min ekkitina gooduɓe Ruuhu Allah dow goonga Allah.

Koloosiyanko'en 2:4

Mi wi'u'on ɗu'um ngam to' goɗɗo majjina'on e belɗum haala.

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

1 Biiturus 1:12

Ɗum wi'iiɓe onon ɓe kuwanta naa' ko'e maɓɓe, nde ɓe meti dow fuu fii ɗum ɗon ɗum nanɗon jooni. On naniiɗum daga to ga'ajinanɓe'on Habaru Belɗum barka Ruuhu Allah liloyaaɗum daga dow. Koo malaa'ika'en e ngiɗi faamukiɗum.

Galaatiyanko'en 1:10

Too, jooni yidde yimɓe ɗaɓɓitaymi, koo yidde Allah? Koo boo e mi ɗaɓɓita welnanki yimɓe ɓerɗe? Naa' non! Daa haa jooni yimɓe ɗaɓɓitaymi welnanki ɓerɗe, daa mi wartaayi maccuɗo Almasiihu.

Roomanko'en 16:18

Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.

Kuuɗe Lilaaɓe 20:27

Ngam mi wa'ajinanii'on ko Allah yiɗi fuu, mi suuɗaayi'on koo ɗume.

Kuuɗe Lilaaɓe 26:28

Agarifa wi'i Bulus, “Nder carel seɗɗa nge'el a nyuma a waaway wartirkiyam tokkuɗo Yeesu?”

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

2 Korintiyanko'en 6:6

Min kollii min maccuɓe Allah ɓe goonga nder laɓki ɓerɗe ki min ngoodi, e andal, e munyal, e no min mballirta yimɓe, e Ruuhu Allah ɗum min ngoodi, e yidde nde goonga,