1 Korintiyanko'en 1:2 - Fulfulde Nigeria

² Min mbindanngol kawtal yimɓe Allah wonɓe Korinti, ɓe Allah noddi ngarta yimɓe muuɗum. Min mbindanngol yimɓe fuu gonɓe koo toye gaɗooɓe do'aare nder inde Yeesu Almasiihu Joomiraawo meeɗen. Kanko woni Joomiraawo meeɗen e maɓɓe fuu.

1 Korintiyanko'en 1:2 ပူးပေါင်းရင်းမြစ်များ

Roomanko'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Ibraaniyanko'en 13:12

Kanjum waɗi Yeesu maa maayi gaɗa gariiri, ngam o laaɓina yimɓe daga hakke maɓɓe barka ƴiiƴam maako.

1 Tasaloonikanko'en 4:7

Allah noddaayi'en ngam ngarten ɓe cenaaki, ammaa o noddu'en ngaɗen jonde ceniinde.

Ibraaniyanko'en 10:10

Nde Yeesu Almasiihu waɗii ko Allah yiɗi o waɗa, en fuu en laaɓinaama daga hakke barka sakkuki hoore maako nde go'o tan ngam haa abadaa.

2 Korintiyanko'en 4:5

Ngam naa' habaru amin min nga'ajinta, ammaa ko min nga'ajinta woni Yeesu Almasiihu o Joomiraawo, minon boo ngam maako min ngarti maccuɓe mooɗon.

Kuuɗe Lilaaɓe 9:14

O wardii e ɗerewol ɗo'o daga to mawɓe ardiiɓe diina, ngam o nanga noddiraaɓe inde maaɗa fuu.”

Wahayu Yahaya 19:16

To toggoore maako e dango maako wonde inde e windii wi'uki, “Laamiiɗo lamlamɓe, Joomiraawo joomiraaɓe.”

Yahuuda 1:1

Min woni Yahuuda, maccuɗo Yeesu Almasiihu, minyiraawo Yaakubu. Mi windan'on ɗerewol ngo'ol, onon ɓe Allah Nyaako Mo Dow yiɗi noddi, ɓe Yeesu Almasiihu suranta.

Ibraaniyanko'en 2:11

Lootanoowo yimɓe hakke, kanko e ɓen ɗon lootanaaɓe ɓe fuu Nyaako maɓɓe o go'oto. Kanjum waɗi Yeesu nanataa cemtuɗum noddirkiɓe minyiraaɓe muuɗum.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

1 Timooti 3:15

Ammaa to mi warilawaayi, ɗerewol ngo'ol wallete andaa no haani njooɗorooɗen nder wuro Allah, waato kawtal tokkuɓe Allah mo yonki, darŋalal jogotoongal goonga.

2 Tasaloonikanko'en 1:1

Min Bulus windi ɗerewol ngo'ol hawti e Siila e Timooti. Min mbindanngol tokkuɓe Yeesu gonɓe gariiri Tasaloonika, ɓe Allah Nyaako meeɗen e Yeesu Almasiihu Joomiraawo jeyi.

1 Tasaloonikanko'en 1:1

Min Bulus e Siila e Timooti windi ɗerewol ngo'ol. Min mbindanngol tokkuɓe Yeesu wonɓe gariiri Tasaloonika ɓe Allah Nyaako Mo Dow e Yeesu Almasiihu Joomiraawo jeyi. Allah barkiɗina'on hokka'on jam.

Aafisanko'en 5:26

O waɗu non ngam o wartira tokkuɓemo ceniiɓe barka bawɗe wolde maako, o lootiriiɓe ndiyam ngam o wartiraɓe laaɓuɓe.

2 Korintiyanko'en 1:1

Min Bulus mo Allah suɓi warta lilaaɗo Yeesu Almasiihu e bandiraawo meeɗen Timooti minon mbindi ɗerewol ngo'ol. Min mbindanngol kawtal yimɓe Allah gonɓe gariiri Korinti, e fuu yimɓe Allah gonɓe nder fuu leydi Akaaya.

1 Korintiyanko'en 8:6

Fuu e non, to meeɗen Allah o go'oto, Nyaako Mo Dow, taguɗo koo ɗume, nden en ngaɗa jonde ngam maako. Ɗonmaa e woodi Joomiraawo go'oto, waato Yeesu Almasiihu. Barka maako koo ɗume tagaa, nden barka maako keɓuɗen yonki.

Roomanko'en 10:12

Ngam walaa feerootirol hakkunde Yahuudanko'en e yimɓe naa' Yahuudanko'en, Joomiraawo kanko woni Joomiraawo koo moye, e mo barkiɗina koo moye torotooɗomo naa' seɗɗa.

Roomanko'en 3:22

Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol.

Kuuɗe Lilaaɓe 22:16

Jooni, ɗume ndentuɗaa? Umma ɗum waɗanmaa baptisma, toroɗaa Allah yaafanomaa hakke maaɗa.’

Kuuɗe Lilaaɓe 18:1

Gaɗa maajum, Bulus ali Atina, yahi Korinti.

Kuuɗe Lilaaɓe 15:9

O feerootiraayi'en e maɓɓe, ngam o yaafanakeɓe hakke nde ɓe koolii Yeesu.

Kuuɗe Lilaaɓe 10:36

On andi habaru ɗum Allah lildoyi Israa'iilanko'en. Kanjum woni ɓe nga'ajina Habaru Belɗum, ɗum jam keɓaaɗum barka Yeesu Almasiihu. Kanko woni Joomiraawo yimɓe fuu.

Kuuɗe Lilaaɓe 9:21

Ɗum hayɗinii nanɓemo fuu, ɓe mbi'i, “Naa' kanko woni torraynooɗo kooliiɓe Yeesu wonɓe nder gariiri Urucaliima? Naa' o waroyi ɗo'o ngam o haɓɓaɓe o yaaraɓe to mawɓe ardiiɓe diina?”

2 Timooti 2:22

Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

Galaatiyanko'en 1:2

Min e fuu bandiraaɓe gonduɓe e am ɗo'o e min kowna tokkuɓe Yeesu wonɓe Galaatiya.

Kuuɗe Lilaaɓe 9:13

Ammaa Hanaaniya wi'imo, “Joomiraawo, mi nanii yimɓe ɗuɗɓe kokkii habaru neɗɗo on, e torraaji ɗuɗɗi ɗi o torri yimɓe maaɗa wonɓe Urucaliima.

Roomanko'en 8:28

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

1 Korintiyanko'en 10:32

To' on ngaɗu goɗɗum ko wonnata nyumo goɗɗo, koo o Yahuudankeejo, koo ɗum wongol lenyol, koo kawtal yimɓe Allah,

1 Korintiyanko'en 12:27

Too, onon ngoni ɓandu Almasiihu, koo moye mooɗon bo ɗum jokkoode maako.

1 Timooti 2:8

Ngam non e mi yiɗi to tokkuɓe Yeesu kawriti fuu, worɓe ngaɗa do'aare e ɓe ƴefta juuɗe ceniiɗe naa' nder monnere koo geddi.

2 Timooti 2:19

Fuu e non, ko Allah tiggi e ɗum darii boɗɗum. Dow maajum ɗum windi wiiki, “Joomiraawo meeɗen e andi ɓe muuɗum,” nden, “Koo moye bi'oowo e tokka Joomiraawo meeɗen doole o ala waɗuki ko wooɗaa.”