1 Biiturus 5:9 - Fulfulde Nigeria

⁹ Nganyeemo, ndarooɗon dow hoolaaki Yeesu e sembe. On andi bandiraaɓe mooɗon fuu nder duuniyaaru e njara iri kan ɗon torra.

1 Biiturus 5:9 ပူးပေါင်းရင်းမြစ်များ

Yaakubu 4:7

Ngam non, lesnee ko'e mooɗon ngaɗon ko Allah wi'i. Nganyee kuuɗe Ceyɗan, kanko boo o doggay'on.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.

1 Korintiyanko'en 10:13

Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

2 Timooti 3:12

Goonga koo moye giɗɗo waɗa jonde iri nde Allah yiɗi nder tokkuki Yeesu Almasiihu, o yaray bone.

Aafisanko'en 6:16

Gaɗa maajum maa, hoolaaki Yeesu warta ko njogotooɗon taɓɓoo nyifa hiite piɗille ɗe ganyo kalluɗo on ɗon fiɗoyi.

1 Biiturus 3:14

Ammaa koo to on njarii torra ngam waɗuki ko wooɗi, Allah barkiɗinay'on. Ngam non, to' on kulu torrayɓe'on, to' on ngannu.

Ibraaniyanko'en 11:33

ngam e ɓe koolii Allah waɗi ɓe koni leyɗe ɗuɗɗe ɓe nyaamiɗe. Ɓe laamorake aadilaaku, ɓe keɓi ko Allah waɗi alkawal. Ɓe maɓɓii konduɗe cembiɗɗi.

1 Timooti 6:12

Waɗu keerol ko mbaawataa waɗuki nder hoolaaki Yeesu Almasiihu. Keɓanaa hoore maaɗa yonki ki re'ataa, ngam kanjum waɗi ɗum noddumaa carel ko njaɓuɗaa Yeesu yeeso yimɓe ɗuɗɓe.

1 Tasaloonikanko'en 3:3

ngam to' torra ka njarɗon waɗa goɗɗo mooɗon yewra ala hoolaaki Yeesu. Onon e ko'e mooɗon on andi doole njaren torra iri ka'a.

Aafisanko'en 4:27

Nden taa' alu Ceyɗan yaarumaa to ngaɗataa ko wooɗaa.

Wahayu Yahaya 6:11

Sey ɗum hokki koo moye maɓɓe limcere raneere, ɗum wi'iɓe ɓe ciwtoo seɗɗa, naa ɗum hebbitii waruki horiiɓe nder higooɓe kuugal maɓɓe tokkuɓe Yeesu, ɓe ɗum warata non no ɗum wardiɓe.

1 Biiturus 4:13

Ammaa nanee belɗum to on njara torra iri ka Almasiihu yari, ngam to o wartii nder mangu maako nanon belɗum naa' seɗɗa.

1 Biiturus 1:6

Ngam non, nanee belɗum ɗuɗɗum, koo nde jooni ɗum waɗoto on nattay torraaji feere‑feere carel seɗɗa

Koloosiyanko'en 2:5

Koo nde mi wondaa e mooɗon nder ɓandu, fuu e non e mi nyuma dow mooɗon koo ndeye. E mi nana belɗum nde nanmi habaru on jooɗoo no haani njooɗorooɗon, e no cembiɗirɗon nder hoolaaki Almasiihu.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Wahayu Yahaya 7:14

Sey mbiimoomi, “Mi andaa, mawɗo. An a andi.” Sey o wi'iyam, “Ɓe'e yimɓe kamɓe ƴiwoyi daga nder torra kalluka. Ɓe laɓɓiniri kolte maɓɓe e ƴiiƴam Karoori ndin ɗe ndanni tar.

Luka 22:32

Ammaa mi waɗaniima do'aare, Siiman, ngam to' alaa hoolaakiyam. An boo, taa wartii to am, cembiɗinaa bandiraaɓe maaɗa.”

Wahayu Yahaya 1:9

Min woni Yahaya bandiraawo mooɗon nder tokkuki Yeesu. En njara torra ngam en yimɓe nder laamu maako, ammaa o hokkii'en ɓerɗe munyal. Ɗum yaariiyam leydi ngondi caka ndiyam bi'eteendi Batamos ngam mi wa'ajinii Wolde Allah mi hokkii habaru Yeesu.

2 Timooti 4:7

Mi waɗii ko mbaawaymi waɗuki nder kuugal ngal Yeesu hokkiyam, mi yottiniingal, mi alaayi hoolaakimo.

Ibraaniyanko'en 12:8

Koo moye ɓiɗɗo ɗum eltaymo. To boo on eltaaka, non hollii naa' on ɓiɓɓe, on jaalu'en.