1 Biiturus 5:4 - Fulfulde Nigeria

⁴ Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

1 Biiturus 5:4 ပူးပေါင်းရင်းမြစ်များ

Yaakubu 1:12

O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

1 Yahaya 3:2

Onon higooɓe am ɓe ngiɗumi, jooni en ɓiɓɓe Allah. Ɗum hollaayi'en ko ngarteten ɗo'o yeeso taw. Ammaa en andi to Almasiihu wartii, en ngartay bo maako, ngam en ngi'aymo non no o woni.

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

1 Biiturus 1:4

en keɓay ndonu ngu lallataa, ngu wonnataako, nden ngu re'ataa, ngu ɗum resani'on ton dow.

Wahayu Yahaya 3:11

E mi waroya naa' ko neeɓi. Ngaɗee ka hoolaakiyam boɗɗum ngam to' goɗɗo teetana'on giifi jaalorgal.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

1 Biiturus 2:25

Ndenno on nandii e baali majjuɗi laawol, ammaa jooni ɗum so''oyii'on ngam tokkon Gaynaako Paamanayɗo yonkiiji mooɗon.

1 Biiturus 5:2

paamanee ornde Allah nde ɗum tambini'on. Paamaneende nder belɗum ɓernde, naa' bo doole ɗum waɗata'on, ɗonmaa naa' ngam heɓuki ceede, ammaa ngam on ngoodi yidde kuugal ngal nder ɓerɗe mooɗon.

Ibraaniyanko'en 13:20

Allah Joomu Jam umminii Yeesu Joomiraawo meeɗen daga mayde laawol ƴiiƴam alkawal tabotoongal. Kanjum waɗi Yeesu warti Duroowo Baali Mawɗo,

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

Yahaya 10:11

“Min woni gaynaako boɗɗo. Gaynaako boɗɗo e hokka yonki muuɗum ngam baali muuɗum.