1 Biiturus 5:3 - Fulfulde Nigeria

³ To' on kollu yimɓe ɓe Allah tambini'on laamu sembe, ammaa ngartee ko ɓe ekkitotoo to mooɗon.

1 Biiturus 5:3 ပူးပေါင်းရင်းမြစ်များ

2 Tasaloonikanko'en 3:9

Min ngaɗu non naa' ngam min mbaawataa ɗaɓɓutuki ballal mooɗon, ammaa ngam min ngaɗa goɗɗum ko ekkitotooɗon.

Filibiyanko'en 3:17

Bandiraaɓe am, ekkitee to am. Ndaaron gaɗooɓe jonde kaanunde nde min ekkitini'on.

2 Korintiyanko'en 1:24

Min ngiɗaa min kolla'on laamu sembe dow hoolaare mooɗon. Minon min kuudooɓe e mooɗon ngam nanon belɗum nder ɓerɗe mooɗon, ngam on ndarake boɗɗum dow ko kooliiɗon.

Tiitus 2:7

Ammaa an wartu ko ɓe ekkitotoo nder ko ngaɗataa fuu. Waɗu hakkiilo e goonga nder ekkitinki maaɗa.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Filibiyanko'en 4:9

Koo ɗume ko ekkitiiɗon, e ko keɓuɗon, e ko nanɗon, e ko ngiiɗon to am, ngaɗeeɗum, nden Allah Joomu Jam wonday e mooɗon.

2 Korintiyanko'en 4:5

Ngam naa' habaru amin min nga'ajinta, ammaa ko min nga'ajinta woni Yeesu Almasiihu o Joomiraawo, minon boo ngam maako min ngarti maccuɓe mooɗon.

1 Korintiyanko'en 11:11

Fuu e non, nder yimɓe Joomiraawo debbo e yiɗi ballal gorko, non maa gorko e yiɗi ballal debbo.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

1 Korintiyanko'en 3:9

Ngam minon, min kuudooɓe e Allah. Onon boo on ngesa maako, maadi maako.

1 Korintiyanko'en 3:5

Too, moye woni Afoolos? Moye woni Bulus? Min maccuɓe Allah tan. Laawol amin kooliiɗon Yeesu Almasiihu. Koo moye amin e huwa kuugal ngal Joomiraawo hokkimo o huwa.

Yahaya 13:15

Mi waɗanii'on ko ekkitotooɗon, ngam onon maa ngaɗanon woɓɓe non no ngaɗanmi'on.

1 Tasaloonikanko'en 1:7

Non ngartirɗon ko fuu tokkuɓe Yeesu wonɓe leydi Makidooniya e Akaaya ekkitotoo.