1 Biiturus 5:10 - Fulfulde Nigeria

¹⁰ Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

1 Biiturus 5:10 ပူးပေါင်းရင်းမြစ်များ

2 Korintiyanko'en 4:17

Ngam torraaji ɗi min torretee jooni ɗi seɗɗanaaji ɗi neeɓataa ɗi ngaɗay min keɓa teddungal ngal haa abadaa ɓurngal koo ɗume.

2 Tasaloonikanko'en 3:3

Ammaa Joomiraawo o gaɗoowo ko o wi'i, o sembiɗinay'on, o reenay'on daga on ɗon Kalluɗo.

Yahuuda 1:24

Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

1 Timooti 6:12

Waɗu keerol ko mbaawataa waɗuki nder hoolaaki Yeesu Almasiihu. Keɓanaa hoore maaɗa yonki ki re'ataa, ngam kanjum waɗi ɗum noddumaa carel ko njaɓuɗaa Yeesu yeeso yimɓe ɗuɗɓe.

2 Tasaloonikanko'en 2:17

o fukkinana'on ɓerɗe, o sembiɗina'on nder koo ngale kuugal bongal e wolde bonde.

2 Korintiyanko'en 13:11

Too, bandiraaɓe am, sey nyalnde go'o. Mo''inee jonde mooɗon, ngaɗee ko toriimi'on ngaɗon, ngartee ɓe nyumo go'o, njooɗodee jam. Allah joomu yidde e jam wonda e mooɗon.

1 Korintiyanko'en 1:9

Allah o gaɗoowo ko o wi'i. Kanko noddi'on ngam cumpootiron e Ɓiɗɗo maako Yeesu Almasiihu Joomiraawo meeɗen.

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

Roomanko'en 16:25

Mangu tabbita to Allah baawayɗo sembiɗina'on barka Habaru Belɗum ɗum nga'ajinaymi dow Yeesu Almasiihu. Habaru Belɗum ɗum ɗum sirru cuuɗaaɗum daga duuɓi ɗuɗɗi ƴaɓɓiiɗi.

2 Biiturus 1:3

Allah nder bawɗe muuɗum hokkii'en fuu ko haani ngam waɗuki jonde kulol maako. O hokkii'enɗum ngam en andi Yeesu Almasiihu nodduɗo'en barka teddungal maako e ngikku maako boɗɗum.

1 Biiturus 1:15

Ammaa non no Allah nodduɗo'on o ceniiɗo, onon maa, ngartee ceniiɓe nder ko ngaɗoton fuu.

Filibiyanko'en 4:13

Mi waaway waɗuki koo ɗume barka on ɗon cembiɗinɗoyam.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

2 Tasaloonikanko'en 2:14

Ngam maajum Allah noddi'on barka Habaru Belɗum ɗum min nga'ajinani'on. O noddu'on ngam keɓon nattuki teddungal Joomiraawo meeɗen Yeesu Almasiihu.

Luka 22:32

Ammaa mi waɗaniima do'aare, Siiman, ngam to' alaa hoolaakiyam. An boo, taa wartii to am, cembiɗinaa bandiraaɓe maaɗa.”

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

Koloosiyanko'en 2:7

No ɗaɗi lekki ngaɗirta lekki kin daroo boɗɗum, cembiɗa, non onon maa, ndaree boɗɗum, ɓeydee sembe nder hoolaakimo, non no ɗum ekkitiniri'on. Ngaɗee ka yettukimo koo ngele carel.

Roomanko'en 15:5

Allah balloowo'en mbaawen munyen cembiɗinoowo ɓerɗe meeɗen o walla'on njooɗooɗon jonde jam hakkunde mooɗon nder tokkuki Yeesu Almasiihu.

1 Yahaya 2:25

Nga'al kangal woni alkawal ngal Almasiihu waɗani'en, waato yonki ki re'ataa.

Ibraaniyanko'en 9:15

Ngam maajum Almasiihu woni ciryiiɗo alkawal kesal hakkunde Allah e yimɓe, ngam ɓen ɗon ɓe Allah noddi keɓa ndonu tabitayɗum ɗum o waɗi alkawal. Mayde maako rimɗinii yimɓe daga hakke ɗum ɓe ngaɗi carel ngel ɗum huutirta alkawal arandewal.

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Roomanko'en 9:11

Ammaa ko siwtaaɓe ɓen ndanyee, koo ko ɓe ngaɗa goɗɗum boɗɗum koo goɗɗum ɗum wooɗaa, Allah wi'ii Rifkatu, “Ɓiɗɗo mawɗo on o jagganto pamaro on.” Ɗu'um tabbitinii Allah e suɓa yimɓe naa' ngam kuuɗe ɗe ɓe ngaɗi, ammaa ngam non o yiɗi ɗum waɗoroo.

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

Roomanko'en 9:24

Waato enen ɓe Allah noddi naa' daga nder Yahuudanko'en tan, ammaa haa maa daga nder yimɓe naa' Yahuudanko'en.

1 Korintiyanko'en 1:10

E mi toroo'on bandiraaɓe ngam inde Joomiraawo meeɗen Yeesu Almasiihu, on fuu njaɓee ko mbi'oton warta go'o ngam to' ɗum heɓa feerootirol hakkunde mooɗon, ammaa nyumo mooɗon e ɓerɗe mooɗon warta go'o.

1 Biiturus 4:10

Nde Allah hokki koo moye tokkuɗo Yeesu dokkal, kuutiree dokkal ngal hakkunde mooɗon no paamanoowo dokkal Allah boɗɗum waɗata.