1 Biiturus 4:8 - Fulfulde Nigeria

⁸ Ko ɓuri koo ɗume woni, ngiɗindiree naa' seɗɗa, ngam yidde e waɗa ɗum yaafoo hakkeeji ɗuɗɗi.

1 Biiturus 4:8 ပူးပေါင်းရင်းမြစ်များ

Koloosiyanko'en 3:14

Ko ɓuri ɗu'um fuu woni ngiɗindiron, ngam yidde hawtii ko'e meeɗen no haani.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Yaakubu 5:20

andee ɗu'um: koo moye so''i gaɗoowo hakke daga tokkuki laawol ngol wooɗaa, o hisnay yonki gaɗoowo hakke on daga mayde, nden o wadday laawol yaafaaki hakke ɗuɗɗum.

1 Korintiyanko'en 13:1

To mi metirii ɗemɗe yimɓe e ɗe malaa'ika'en, ammaa mi walaa yidde, too, mi wartii bo lenguru conyooru tan, koo mbaggu iidoowu e meere.

1 Tasaloonikanko'en 3:12

Joomiraawo ɓeyda yidde nde ngiɗindirɗon naa' seɗɗa e yidde nde ngiɗɗon woɓɓe maa, non no yidde amin ɓeydorii dow mooɗon.

Ibraaniyanko'en 13:1

Ngaɗee ka yiɗindirki bo bandiraaɓe.

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

2 Tasaloonikanko'en 1:3

Bandiraaɓe amin, e haani min ngaɗa ka yettuki Allah koo ndeye ngam mooɗon, ngam hoolaare mooɗon e ɓeydoo naa' seɗɗa, nden yidde nde ngiɗindiron e ɓeydoo.

3 Yahaya 1:2

Giɗo am, e mi waɗanmaa do'aare koo ɗume yahanmaa boɗɗum keɓaa njamu ɓandu, non no andirmi sumpo maaɗa e Allah e yaha boɗɗum.

Yaakubu 5:12

Bandiraaɓe am, ko ɓuri koo ɗume woni to' on kunoro dow, koo ley, koo e koo iri ɗume fii. To on ƴamaama, to ɗum non, mbi'on “Ee” tan. To naa' ɗum non, mbi'on “Aa'a” tan. Ngaɗee non ngam to ɗum taƴana'on kiita kalluka.

1 Korintiyanko'en 13:4

Gooduɗo yidde e woodi munyal, e ngikku boɗɗum. O walaa lawliiru, o mantitataako, o walaa mangu hoore.