1 Biiturus 4:11 - Fulfulde Nigeria

¹¹ Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

1 Biiturus 4:11 ပူးပေါင်းရင်းမြစ်များ

1 Korintiyanko'en 10:31

Too, koo on nyaama koo on njara, koo nder koo ɗume ɗum ngaɗoton, ngaɗeeɗum ngam teddinki Allah.

Aafisanko'en 6:10

Ko mbi'aymi cakitiiɗum woni alee bawɗe mawɗe ɗe Joomiraawo meeɗen sembiɗina'on.

1 Biiturus 4:10

Nde Allah hokki koo moye tokkuɗo Yeesu dokkal, kuutiree dokkal ngal hakkunde mooɗon no paamanoowo dokkal Allah boɗɗum waɗata.

Kuuɗe Lilaaɓe 7:38

Muusa on e mo nder kawtal maama'en meeɗen nder ladde, e mo wondi e malaa'ikaajo metanɗomo dow Hocceere Sinay. Kanko Allah hokki habaru wolde kokkaynde yonki ngam o waddana'en.

Aafisanko'en 4:29

To' on alu wokka haala kalluka wurtoo nder konduɗe mooɗon, ammaa sey ni haala njama mballayka yimɓe nanayɓe'on cembiɗina ɓerɗe maɓɓe.

Roomanko'en 3:2

E ɗum wooɗi naa' seɗɗa e ɗate ɗuɗɗe. Arande, Yahuudanko'en ɗum hokki boliiɗe Allah.

Yaakubu 1:19

Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki.

Koloosiyanko'en 4:6

Boliiɗe mooɗon koo ndeye ɗe ngarta belɗe nanki, pooɗooje hakkiilo yimɓe, ngam andon no haani nootoranooɗon koo moye.

1 Korintiyanko'en 12:4

Too, e woodi dokke feere‑feere, ammaa Ruuhu go'otum hokkataɗe.

1 Biiturus 2:5

Onon boo, bo kaaƴe gooduɗe yonki, alee ɗum huutira'on ɗum maha wuro ceniingo ngam Ruuhu Allah. Onon ngoni kawtal ardiiɓe diina, on kokka Allah cakkiri ndi Ruuhu maako wallata'on kokkon. E mo jaɓandi laawol Yeesu Almasiihu.

Yahuuda 1:25

Kanko tan woni Allah, kanko boo woni Kisnoowo'en barka Joomiraawo meeɗen Yeesu Almasiihu. Teddungal, e mangu, e bawɗe, e laamu tabbita to maako daga fuɗɗoode e jooni e haa abadaa! Aamin.

Ibraaniyanko'en 5:12

E haani jooni daa on ngartii moodiɓɓe, ammaa haa jooni sey to goɗɗo ekkitinii'on ekkitinol arandewol ngol Wolde Allah. E haani nyaamon nyamndu cembindu, ammaa haa jooni on musina.

1 Timooti 6:16

Kanko tan woni mo maayataa, e mo jooɗii nder jayngol, walaa potuɗo ɓaddoo haade maagol, walaa meeɗuɗo yiikimo, walaa baawayɗo yi'amo. Mangu e laamu ɗum re'ataa tabbita to maako. Aamin.

1 Timooti 1:17

O Laamiiɗo haa abadaa, o walaa keerol, o yi'ataako, kanko tan woni Allah. Mangu e teddungal tabbita to maako haa abadaa abadin.

1 Korintiyanko'en 3:10

Barka dokkal ngal Allah hokkiyam, mi fuɗɗii maadi bo mahoowo bawɗo maadi naa' seɗɗa. Mi fuɗɗi maadii, nden goɗɗo e maha dow fuɗɗoode nden. Ammaa koo moye mahoowo dow fuɗɗoode nden o faama iri mahuki ki o mahata.

Maatiyu 6:13

Taa' alu min njaha to min ngaɗata hakke, ammaa hisnumin daga Kalluɗo.’

1 Biiturus 5:11

Laamu tabbita to maako haa abadaa abadin. Aamin.

Yaakubu 1:26

Neɗɗo fuu kammiiɗo o tokkuɗo diina no haani, ammaa o suraayi ɗemngal maako, o majjinii hoore maako, diina maako wartii meere.

Filibiyanko'en 2:11

Nden yeeso koo ɗume koo ngale ɗemngal wi'ay Yeesu Almasiihu o Joomiraawo, ngam mawninki Allah Nyaako Mo Dow.

Aafisanko'en 5:20

Koo ndeye ngettee Allah Nyaako meeɗen Mo Dow ngam koo ɗume nder inde Joomiraawo meeɗen Yeesu Almasiihu.

1 Korintiyanko'en 6:20

Allah hokkii Ɓiɗɗo muuɗum ngam o wartira'on ɓe maako. Ngam non, mawniniree Allah e ɓalli mooɗon.

Roomanko'en 11:36

Ngam koo ɗume kanko tagiɗum, to maako koo ɗume ƴiwi, to maako ɗum so''oto. Mangu tabbita to Allah haa abadaa. Aamin.

Filibiyanko'en 1:11

ngam ngikku mooɗon heewa aadilaaku keɓeteeɗum to Yeesu Almasiihu, ngam Allah teddinee, mantee.

2 Korintiyanko'en 9:13

Kuugal nga'al ngal ngaɗoton hollii on koolaaɓe. Ɗuɗɓe teddinay Allah ngam on ngaɗa ko Habaru Belɗum ɗum Almasiihu wi'i ɗum njaɓuɗon yeeso koo moye, nden on cenda ko ngooduɗon e tokkuɓe Yeesu gonɓe Urucaliima e fuu horiiɓe.

Roomanko'en 16:27

Teddungal tabbita to Allah haa abadaa barka Yeesu Almasiihu! Kanko tan woni Allah. Kanko tan woodi faamu nder koo ɗume. Aamin.

Yahaya 13:31

Gaɗa Yahuuda alii ɗon, Yeesu wi'i, “Jooni teddungal Ɓii Neɗɗo wangay, nden laawol maako teddungal Allah wangay.

Roomanko'en 12:3

Ngam caahu ɗum Allah hokkiyam, e mi wi'a koo moye mooɗon, to' hocca hoore muuɗum ko ɓuri no haani. Ammaa koo moye faama no hocciri hoore muuɗum. Koo moye hocca hoore muuɗum ko fottidi e hoolaaki Allah ki Allah hokkimo.

2 Korintiyanko'en 2:17

Min nga'ajintaa Wolde Allah ngam min keɓa ceede no ɗuɗɓe ngaɗata. Ammaa e min meta goonga yeeso Allah, ngam Almasiihu jeyimin, nden Allah liloyimin.

Aafisanko'en 1:19

Ɗonmaa, e mi waɗa do'aare andon no bawɗe maako mawɗe kuwirta nder meeɗen, enen tokkuɓe Yeesu. Bawɗe ɗen ɗe go'o e bawɗe cembiɗɗe

1 Tasaloonikanko'en 2:4

Ammaa non no Allah hooloriimin hokkimin kuugal wa'ajinki Habaru Belɗum, non min nga'ajinirtaɗum, naa' ngam min mbelnana yimɓe ɓerɗe, ammaa ngam min mbelnana Allah ɓernde kanko poondoowo ɓerɗe amin.

Tiitus 2:1

Ammaa an, ekkitin goonga.

Tiitus 2:15

Ekkitin fuu fii ɗu'um, huutir laamu maaɗa nder sembiɗinki e haɓanki yimɓe. Taa' jaɓu goɗɗo yawanmaa.

Ibraaniyanko'en 13:7

Nyumee dow ardiiɓe'on, wa'ajinanɓe'on Wolde Allah. Nyumee dow no ɓe njooɗorii, ekkitee no ɓe koolorii Allah.

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

1 Biiturus 4:16

Ammaa to goɗɗo yarii torra ngam o tokkuɗo Yeesu, too, to' o nana cemtuɗum, sey ni o yetta Allah ngam o noddiraama inde Almasiihu.