1 Biiturus 3:8 - Fulfulde Nigeria

⁸ Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.

1 Biiturus 3:8 ပူးပေါင်းရင်းမြစ်များ

Roomanko'en 12:10

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

Aafisanko'en 4:31

Alee koo iri ndeye monnere, e mettinki ɓernde, e monnanki woɓɓe, e hawre, e huɗhuɗtirki, e waɗuki koo iri ndeye halleende.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

Aafisanko'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Koloosiyanko'en 3:12

Onon on yimɓe ɓe Allah suɓi, on ceniiɓe ɓe o yiɗi naa' seɗɗa. Ngam non, ngartee gooduɓe yurmeende e yidde leynooɓe ko'e, gooduɓe hakkiilo e munyal.

1 Korintiyanko'en 12:26

To wonde jokkoode nawnake, sey koriiɗe fuu nanida nawɗum e jokkoode nden. To jokkoode wo'oyre mawninaama, sey koriiɗe fuu kawta mbelmbelta hawti e jokkoode nden.

Maatiyu 18:33

Too, haanaayi njurminanaa mo kuudataa non no njurminiranmaami?’

1 Yahaya 3:14

Ndenno en nandi e mayɓe, ammaa jooni en ngoodi yonki, ngam en ngiɗi bandiraaɓe meeɗen. Fuu mo yiɗaa bandiraawo muuɗum e jooɗii nder mayde.

1 Korintiyanko'en 1:10

E mi toroo'on bandiraaɓe ngam inde Joomiraawo meeɗen Yeesu Almasiihu, on fuu njaɓee ko mbi'oton warta go'o ngam to' ɗum heɓa feerootirol hakkunde mooɗon, ammaa nyumo mooɗon e ɓerɗe mooɗon warta go'o.

Kuuɗe Lilaaɓe 4:32

Fuu kooliiɓe Yeesu ɓerɗe maɓɓe e hakkiilo maɓɓe warti go'o. Walaa bi'oowo kanum jeyi ko woodi, e ɓe cenda koo ɗume ɗum ɓe ngoodi.

1 Biiturus 5:5

Onon sukaaɓe, ngaɗee ko mawɓe kawtal tokkuɓe Yeesu gonɓe nder mooɗon mbi'i. On fuu ngartee leynooɓe ko'e, mballindiree hakkunde mooɗon. Ngam aayaare wi'ii, “Allah wanyii gooduɓe mangu hoore, ammaa e mo walla lesnuɓe ko'e.”

Ibraaniyanko'en 13:1

Ngaɗee ka yiɗindirki bo bandiraaɓe.

2 Biiturus 1:7

Kadimaa ɓeydanee kulol Allah yidde tokkuɓe Yeesu, nden ɓeydanon yidde nden yidde koo moye.

1 Biiturus 2:17

Kokkee koo moye mangu, ngiɗee tokkuɓe Yeesu. Kulee Allah, mawninee laamiiɗo.

Yaakubu 5:11

On andi, en noddira munyuɓe barkiɗinaaɓe. On nanii no Ayuuba munyiri, nden on andi no Joomiraawo barkiɗinirimo daga gaɗa. Joomiraawo o kewɗo yurmeende e yidde.

Yaakubu 2:13

Ngam e nyalnde kiita, Allah yurminantaa mo walaa yurmeende. Ammaa yurmeende e heɓa jaalorgal dow kiita.

Filibiyanko'en 3:16

Ammaa en nyamra yeeso e tokkuki goonga ka njaadiiɗen ekkitiiɗen.

Roomanko'en 15:5

Allah balloowo'en mbaawen munyen cembiɗinoowo ɓerɗe meeɗen o walla'on njooɗooɗon jonde jam hakkunde mooɗon nder tokkuki Yeesu Almasiihu.

Kuuɗe Lilaaɓe 28:7

Haade wigeere nden e woodi gese mawɗo leydi ndin, bi'eteeɗo Fubiliyus. O jaɓɓiimin boɗɗum, o jippinimin to wuro maako balɗe tati.

Kuuɗe Lilaaɓe 27:3

Nde fini min njottii gariiri Sidon. Juuliyos nani jurumɗum Bulus; o jaɓi Bulus yaha to higooɓe maako ngam ɓe mballamo.

Kuuɗe Lilaaɓe 2:1

Nde Humto Ɓendol Alkamaari waɗi, tokkuɓe Yeesu fuu kawriti wigeere go'o.

Luka 10:33

Ammaa goɗɗo Samaariyankeejo e nder yaadu o waroyi to neɗɗo on woni, o yi'imo, o yurminanimo.

Aafisanko'en 4:32

Ngiɗindiree, njurminindiree hakkunde mooɗon, njaafootiree non no Allah yaaforanii'on barka Almasiihu.

Filibiyanko'en 2:3

To' on ngaɗu koo ɗume nder yidde hoore koo nder mangu hoore, ammaa nder lesnuki hoore koo moye hocca bandiraawo muuɗum ɓuriimo.