1 Biiturus 3:16 - Fulfulde Nigeria

¹⁶ Koo ndeye ɗum tawra'on e ɓernde lamnde, ngam to ɗum huɗii'on, ɓen ɗon kuɗooɓe ngikku mooɗon boɗɗum ngam on tokkuɓe Yeesu ɓe cemta.

1 Biiturus 3:16 ပူးပေါင်းရင်းမြစ်များ

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

Ibraaniyanko'en 13:18

Ngaɗee ka waɗankimin do'aare. Min tabbitinii ɓerɗe amin ɗe laɓɗe, e min ngiɗi waɗuki ko haani nder koo ɗume.

1 Biiturus 2:15

Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu.

Tiitus 2:8

Huutir boliiɗe boɗɗe ɗe ngeddataake. Nden ɓen ɗon giɗɓe ngedda ɓe cemtay ngam ɓe keɓataa goɗɗum kalluɗum ɗum ɓe mbi'ata dow meeɗen.

Maatiyu 5:11

“On barkiɗinaaɓe to yimɓe kuɗii'on, torrii'on, pewanii'on mbi'ii haalaaji kalluɗi feere‑feere dow mooɗon ngam am.

1 Biiturus 2:19

To neɗɗo munyii nder torra ngam e nyuma dow ko Allah yiɗi, Allah barkiɗinaymo, to e mo yara torra kan naa' ngam waɗuki ko wooɗaa.

1 Biiturus 3:21

Ndiyam ɗam boo ɗum misaalu baptisma. Jooni baptisma hisnii'on barka bawɗe ummaaki Yeesu Almasiihu daga mayde. Baptisma naa' ɗum ittuki tuundi daga ɓalli meeɗen, ɗum alkawal ngal neɗɗo waɗani Allah e ɓernde lamnde.

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

Roomanko'en 9:1

Ko mbi'aymi ɗum goonga. Almasiihu jeyiyam, ngam non mi fewataa. Ruuhu Allah e laamoo ɓernde am nde tabbitinaniiyam ko mbi'aymi naa' ɗum fewre.

Kuuɗe Lilaaɓe 24:16

Kanjum waɗi koo ndeye nyalnde e mi yiɗi jooɗodaaki e ɓernde laaɓunde yeeso Allah e yeeso yimɓe.

Ibraaniyanko'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

2 Korintiyanko'en 1:12

Ko min mantortoo woni ɓerɗe amin e tabbitinanamin min ngaɗii jonde nder duuniyaaru nder senaaki e goonga ƴiwoyɗum to Allah, hakko maa nder mooɗon. Min njooɗori non naa' dow andal iri ngal yimɓe duuniyaaru, ammaa yidde Allah wallimin.

2 Timooti 1:3

E mi yetta Allah mo kuwanaymi e ɓernde lamnde, no maama'en am ngaɗi. E mi yettamo koo ngele carel ngel ngaɗanaymaami do'aare jemma e nyalawma.

1 Timooti 1:19

a hooloomo e ɓernde lamnde. Woɓɓe yimɓe nde nganyi waɗuki non, ɓe lallinii hoolaare maɓɓe.

2 Korintiyanko'en 4:2

Min nganyii huwuki kuuɗe cuuɗiiɗe cemtiniiɗe. Min majjintaa yimɓe, min ngaylitataa ma'ana Wolde Allah. Ammaa e min mbi'a goonga e njayri. Laawol waɗuki non, koo moye anday nder ɓernde muuɗum yeeso Allah minon e min ngoodi goonga.

Kuuɗe Lilaaɓe 28:22

Ammaa e min ngiɗi mbi'aamin nyumo maaɗa, ngam e min andi yimɓe koo toye e ngedda diina ka tokkuɗaa.”

1 Biiturus 4:4

E ɓe kayɗina ngam on kawtataa ko'e e maɓɓe jooni nder waɗuki kuuɗe ɗuɗɗe ɗe mbooɗaa. Ngam non e ɓe kuɗa'on.