1 Biiturus 3:15 - Fulfulde Nigeria

¹⁵ Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

1 Biiturus 3:15 ပူးပေါင်းရင်းမြစ်များ

Koloosiyanko'en 4:6

Boliiɗe mooɗon koo ndeye ɗe ngarta belɗe nanki, pooɗooje hakkiilo yimɓe, ngam andon no haani nootoranooɗon koo moye.

1 Biiturus 3:2

to ɓe ngi'ii ngikku mooɗon boɗɗum nden ɓe ngi'i on ngaɗa ko ɓe mbi'i.

Tiitus 1:2

Goonga ka'a waɗay ɓe ngaɗa ɓerɗe dow heɓuki yonki ki re'ataa. Allah waɗii alkawal dow yonki kin ko duuniyaaru tagee, o boo fewataa.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Ibraaniyanko'en 6:1

Ngam non, en nyamru yeeso dow ekkitinol ngol ɗon arandewol ngol keɓuɗen dow Almasiihu, ngam ngarten ɓe andal kewngal. To' ɗum wi'a haa jooni en meta dow ekkitinol ngol hoolaaki Allah, e tuubuki daga kuuɗe jaarayɗe halkere,

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Ibraaniyanko'en 3:6

Ammaa Almasiihu o ɓiɗɗo, paamanoowo yimɓe Allah e goonga. En yimɓe Allah to en njogake sembe ɓernde e ciya kulol dow ko kammiiɗen.

1 Biiturus 3:4

Sey ni mo''itinaaki mooɗon warta mo''inki ɓerɗe mooɗon e waɗuki ko lallataa waato lestinki hoore, e suruki hoore. Iri kin ɗon mo''itinaaki ki lallataa; kanki woni ɓurki wooɗuki yeeso Allah.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

Kuuɗe Lilaaɓe 24:25

Ammaa nde Bulus waɗi ka metuki dow aadilaaku e suruki hoore e Nyalnde Jaango, sey Felis huli, wi'i, “Jooni ɗum heƴii. Yahu! To mi heɓii carel, mi noddete.”

Kuuɗe Lilaaɓe 21:39

Bulus wi'i, “Min mi Yahuudankeejo danyaaɗo nder gariiri mawndi bi'eteendi Tarsus nder leydi Kiliikiya. E mi toromaa alaayam mi medda e yimɓe.”