1 Biiturus 3:11 - Fulfulde Nigeria

¹¹ O ala waɗuki ko halli, o waɗa aadilaaku; o ɗaɓɓita jam e ɓernde go'o.

1 Biiturus 3:11 ပူးပေါင်းရင်းမြစ်များ

Maatiyu 5:9

“Ɓe barkiɗinaaɓe ciryootirooɓe yimɓe, ngam ɗum noddirayɓe ɓiɓɓe Allah.

Ibraaniyanko'en 12:14

Ngaɗee ko mbaawoton waɗuki njooɗodooɗon jam e koo moye ngarton ceniiɓe, ngam to naa' e jonde ceniinde walaa gi'ayɗo Joomiraawo.

Roomanko'en 14:19

Ngam maajum, en ngaɗu ko mbaaweten waɗuki ngaɗen ko waddata jonde jam e ko sembiɗindirta'en.

Koloosiyanko'en 3:15

Jam ƴiwoyɗum to Almasiihu walla'on cuɓon ko haani ngaɗon, nde Allah noddii'on ngam ngarton bo ɓandu go'o njooɗodooɗon jam. Ngartee gettooɓe Allah koo ndeye.

Roomanko'en 14:17

Ngam Laamu Allah naa' ɗum nyaamuki e yarki, ammaa ɗum aadilaaku, e jonde jam, e belɗum ɓernde keɓeteeɗum barka Ruuhu Allah.

Roomanko'en 12:18

Ngaɗee ko mbaawoton waɗuki to ɗum waɗoto njooɗodooɗon jam e koo moye.

3 Yahaya 1:11

Higo am Gaayus mo ngiɗumi, taa' ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.

Yaakubu 4:17

Ngam non fuu anduɗo ko haani waɗa, ammaa o waɗaayiɗum, o waɗii hakke.

Ibraaniyanko'en 13:16

To' on ngejjutu waɗuki ko wooɗi e senduduki ko ngooduɗon e woɓɓe, ngam ɗu'um kanjum woni cakkiri belnanoori Allah ɓernde.

1 Timooti 6:18

Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

Galaatiyanko'en 6:10

Ngam maajum fuu carel ngel keɓɗen, en ngaɗan koo moye ko wooɗi, ko ɓuri maa woni ɓen ɗon tokkuɓe Yeesu bandiraaɓe meeɗen.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

Roomanko'en 8:6

Yowuki ɓernde dow ko ɓandu yiɗi e ɗum fooɗa halkere, ammaa yowuki ɓernde dow ko Ruuhu Allah yiɗi e ɗum wadda yonki e jam.

Roomanko'en 7:21

Ɗum wartaniiyam ngikku, fuu carel ko ngiɗumi waɗuki goɗɗum boɗɗum, sey goɗɗum kalluɗum gonɗum nder am haɗayam waɗukiɗum.

Roomanko'en 5:1

Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu.

Yahaya 17:15

Naa' e mi toromaa ngam ittaaɓe nder duuniyaaru, ammaa e mi toromaa ngam curaaɓe daga on ɗon Kalluɗo.

Maatiyu 6:13

Taa' alu min njaha to min ngaɗata hakke, ammaa hisnumin daga Kalluɗo.’

Maatiyu 5:45

ngam ngarton ɓiɓɓe Nyaako Mo Dow. Ngam e mo waɗa naange maako yeynoo dow yimɓe kalluɓe e yimɓe gaɗooɓe ko wooɗi, nden e mo waɗa ndiyam toɓa dow aadili'en e ɓe ngalaa aadilaaku.

Roomanko'en 7:19

Mi waɗataa fii boɗɗum ɗum ngiɗumi waɗuki, ammaa e mi waɗa fii kalluɗum ɗum mi yiɗaa waɗuki.

Luka 6:35

Ammaa ngiɗee ganyooɓe mooɗon, ngaɗaneeɓe boɗɗum, kokkeeɓe nyamaande, to' on kammoo hokkiteeki. To on ngaɗii non, on keɓay barka ɗuɗɗum, on ngartay ɓiɓɓe Allah Joomu Mangu. Ngam Allah e yurminana ɓe ngettataa e kalluɓe.

Luka 6:9

Sey Yeesu wi'iɓe, “E mi ƴama'on, ko Attawra wi'i ɗum waɗa nder Nyalnde Siwtaare, waɗa ko wooɗi koo waɗa ko wooɗaa, hisna yonki koo halkaki?”

Luka 1:79

ngam o yeynanoo wonɓe nder nyiwre e nder kulol mayde, ɗum tokkinay koyɗe meeɗen dow laawol jam.”

Markus 14:7

Koo ndeye ɓe ngalanaa e ngondi e mooɗon, on mbaaway wallukiɓe fuu carel ngel ngiɗɗon. Ammaa min, carel e wara ngel alaymi'on.

1 Biiturus 3:12

Ngam Joomiraawo e faamana gooduɓe aadilaaku, e mo nana do'aaje maɓɓe, ammaa e mo wanya kuwooɓe ko halli.”