1 Biiturus 2:9 - Fulfulde Nigeria

⁹ Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

1 Biiturus 2:9 ပူးပေါင်းရင်းမြစ်များ

Wahayu Yahaya 1:6

O wartirii'en yimɓe maako ardiiɓe diina kuwanooɓe Allah Nyaako maako. Mangu e laamu tabbita to Yeesu Almasiihu haa abadaa abadin. Aamin.

Wahayu Yahaya 5:10

A wartiriiɓe yimɓe maaɗa ardiiɓe diina ngam ɓe kuwana Allah meeɗen, ɓe laamoto e duuniyaaru.”

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

1 Biiturus 2:5

Onon boo, bo kaaƴe gooduɗe yonki, alee ɗum huutira'on ɗum maha wuro ceniingo ngam Ruuhu Allah. Onon ngoni kawtal ardiiɓe diina, on kokka Allah cakkiri ndi Ruuhu maako wallata'on kokkon. E mo jaɓandi laawol Yeesu Almasiihu.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Wahayu Yahaya 20:6

Ɓe barkiɗinaaɓe ɓe ceniiɓe yimɓe gooduɓe geɗal nder kin ɗon ummaaki arandehi. Mayde ɗiɗawre meemataaɓe, waato ɓe nattataa wuro hiite, ɓe ngartay kuwanooɓe Allah e Almasiihu, ɓe laamodoto e maako haa duuɓi 1,000.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Koloosiyanko'en 1:13

O hisnii'en daga bawɗe nyiwre ɗe Ceyɗan, o nattinii'en nder laamu Ɓiɗɗo maako mo o yiɗi.

1 Korintiyanko'en 3:17

Fuu bonnuɗo wuro Allah, Allah halkaymo. Ngam wuro Allah ngo ceniingo; onon boo ngoni wuro maako ngon.

Kuuɗe Lilaaɓe 20:28

Paamanee ko'e mooɗon, ndeenon ornde nde Ruuhu Allah hokki'on. Ngartee woynaaɓe kawtal yimɓe Allah, ɓe o soodiri e mayde Ɓiɗɗo maako.

Filibiyanko'en 3:14

E mi nyamra yeeso ngam mi heɓa jaalorgal mi hokkee dokkal, waato noddol yaaki dow ngol Allah noddiyam barka Yeesu Almasiihu.

Maatiyu 4:16

Yimɓe jooɗiiɓe nder nyiwre ɓe ngi'ii jayngol mangol, nden ɓen ɗon jooɗiiɓe nder leydi ndi ɗowdi mayde, jayngol wurtoyake yeyni dow maɓɓe.”

1 Biiturus 1:2

Allah Nyaako Mo Dow suɓii'on nder yidde maako. Ruuhu maako wartirii'on ceniiɓe, ngam tokkon ko Yeesu Almasiihu wi'i, laaɓon barka ƴiiƴam maako. Allah ɓeyda barkiɗinki'on, ɓeyda hokkuki'on jam.

Luka 1:79

ngam o yeynanoo wonɓe nder nyiwre e nder kulol mayde, ɗum tokkinay koyɗe meeɗen dow laawol jam.”

Roomanko'en 9:24

Waato enen ɓe Allah noddi naa' daga nder Yahuudanko'en tan, ammaa haa maa daga nder yimɓe naa' Yahuudanko'en.

Kuuɗe Lilaaɓe 26:28

Agarifa wi'i Bulus, “Nder carel seɗɗa nge'el a nyuma a waaway wartirkiyam tokkuɗo Yeesu?”

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

Aafisanko'en 1:6

En mantu Allah ngam o yiɗii'en yidde mawnde, ngam caahu ɗum o hokki'en barka ɓiɗɗo maako mo o yiɗi.

Aafisanko'en 1:14

Nde en ngoodi Ruuhu Allah, en tabbitinii en keɓay koo ɗume boɗɗum ɗum Allah waɗani'en alkawal. Nden ɗum rimɗinay'en ngam ɗum manta mangu Allah.

Yahaya 17:19

Mi hokkiima hoore am ngam maɓɓe, ngam kamɓe maa ɓe kokkumaa ko'e maɓɓe e goonga.

Aafisanko'en 3:21

Mangu tabbita to Allah barka Yeesu Almasiihu e tokkuɓemo nder jaamanuuji fuu haa abadaa abadin! Aamin.