1 Biiturus 2:24 - Fulfulde Nigeria

²⁴ Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

1 Biiturus 2:24 ပူးပေါင်းရင်းမြစ်များ

Maatiyu 8:17

Non waɗii ngam ɗum hebbina ko Allah wi'i daga honduko Annabi Icaaya, wiiki, “O ittii nyawuuji meeɗen, o yamɗitinii'en.”

Roomanko'en 6:11

Non onon maa, doole koccee ko'e mooɗon bo mayɓe ɓe bawɗe hakke laamaaki dow maɓɓe, ammaa jooni on ngaɗa jonde ngam ngaɗon ko Allah yiɗi barka sumpootirki e Yeesu Almasiihu.

Wahayu Yahaya 22:2

e ngol tokka caka ɗatal gariiri ndin. Koo nduye wuttudu caangol ngol e woodi lekki yonki dimoohi ɓikkoy sappo e ɗiɗi feere‑feere, koo nduye lewru e ki rima nde go'o. Haako lekki kin e huutiniree ngam yamɗitinki leƴƴi.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

Yaakubu 5:16

Ngam non, mbi'indiree hakke ɗum ngaɗɗon, nden ngaɗindiree do'aare ngam ɗum yamɗitina'on. Do'aare aadiliijo e nde woodi bawɗe e nde huwa.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

Roomanko'en 6:2

Goonga naa' non! Haanaa nyamren yeeso e waɗuki hakke, ngam en njaadake en ngartii bo mayɓe to hakke. No waɗata kadin en nyamra yeeso e jonde nder hakke?

Koloosiyanko'en 3:3

ngam on ngartii bo mayɓe, nden jooni on ngoodi yonki kesi ki goɗɗo waawataa yiiki iri yonki ki Almasiihu woodi gonduɗo e Allah.

Roomanko'en 6:13

To' on puɗɗutu alanon hakke wonde jokkoode ɓandu mooɗon nde huutiree fii kalluɗum. Ammaa kokkee Allah ko'e mooɗon bo yimɓe ɓe ɗum ummini daga mayde yaaki yonki, nden kokkonmo fuu ko'e mooɗon ngam o huutira'on kuuɗe aadilaaku.

Yahaya 1:29

Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Roomanko'en 7:6

Ammaa jooni en ndimɗinaama daga Attawra gartirɗum'en maccuɓe, ngam en maydii e Almasiihu. Jooni en kuwana Allah nder laawol kesol ngol Ruuhu maako, naa' nder tokkuki laawol kiingol ngol dooka bindaaɗum.

1 Yahaya 3:7

Onon ɓiɓɓe am, to' on alu goɗɗo majjina'on. Koo moye gaɗoowo aadilaaku, kanko woni aadiliijo non no Almasiihu woni Aadiliijo.

Roomanko'en 6:7

Ngam fuu mayɗo, hakke walaa bawɗe dow maako.

Roomanko'en 6:16

Goonga on andi to on tokkii ko goɗɗo wi'i'on no maccuɓe ngaɗata, on ngartii maccuɓe on ɗon mo ngaɗoton ko wi'i, koo hakke pooɗayɗum mayde, koo waɗuki ko Allah yiɗi gartirayɗum neɗɗo aadiliijo.

2 Korintiyanko'en 6:17

Ɗonmaa o wi'i, “Ngam non, mburtoyee daga nder maɓɓe, kakkitee daga nder maɓɓe. To' on meemu ko laaɓaa, nden mi jaɓay'on.

Kuuɗe Lilaaɓe 5:30

Allah mo maama'en meeɗen umminii Yeesu daga mayde, gaɗa on mbariimo dow gaafaangal.

Luka 4:18

“Ruuhu Joomiraawo e dow am, ngam o suɓiiyam mi hokka ɓe ngalanaa Habaru Belɗum. O liliiyam mi wadda habaru yoofuki maccuɓe, mi wumtina wumɓe, mi waɗa ɗum ala torreteeɓe ndilla,

Maatiyu 5:20

E mi wi'a'on, to aadilaaku mooɗon ɓuraayi ɗum moodiɓɓe Attawra e Faarisanko'en, on nattataa Laamu Allah koo seɗɗa!

Ibraaniyanko'en 12:13

Mo''inanee koyɗe mooɗon ɗate portiiɗe, ngam to' koyɗe mooɗon taggiiɗe ngarta naa' ko nafi, ammaa ɗe koya.

Kuuɗe Lilaaɓe 13:29

Nden gaɗa ɓe kebbinii ko Deftere wi'i dow maako fuu, ɓe njippini ɓandu maako daga dow gaafaangal, ɓe ngaɗindu nder yenaande.

Kuuɗe Lilaaɓe 10:35

To goɗɗo huliimo, huwii ko wooɗi, Allah jaɓaymo koo ɗum iri ngole lenyol.

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

Koloosiyanko'en 2:20

On maydii e Almasiihu. Jooni on ngalaa ley laamu ginni laamotooɗi duuniyaaru. Nde ɗum non, ngam ɗume ngaɗoton jonde bo haa jooni duuniyaaru ndu'u jeyi'on? Ngam ɗume tokkoton dookaaji duuniyaaru biiɗi,

Roomanko'en 6:22

Ammaa jooni nde ɗum rimɗinii'on daga hakke, nden on ngartii maccuɓe Allah, ɓeydaari ndi keɓoton woni jonde lamnde, nden e re'irde keɓon yonki ki re'ataa.

Kuuɗe Lilaaɓe 10:39

Minon min ceydu'en ko o huwi nder leydi Yahuudiya e nder gariiri Urucaliima fuu. Ɓe ɓilimo dow gaafaangal, ɓe mbarimo,

Maatiyu 27:26

Sey o yoofaniɓe Barabbas, ammaa o waɗi ɗum fiyi Yeesu looci, nden o tambinimo sooji'en Rooma ngam ɓe mbaroyamo dow gaafaangal.

Aafisanko'en 5:9

Mi wi'u non ngam jayngol e waɗa yimɓe ngaɗa ko wooɗi, e ko Allah yiɗi, e goonga.

Yahaya 19:1

Sey Bilaatus waɗi Yeesu fiyaa looci.

Filibiyanko'en 1:11

ngam ngikku mooɗon heewa aadilaaku keɓeteeɗum to Yeesu Almasiihu, ngam Allah teddinee, mantee.

Markus 15:15

Nde Bilaatus e yiɗi waɗa ko hawrutuɓe ɓen ngiɗi, o yoofaniɓe Barabbas. O waɗi ɗum fiyi Yeesu looci, nden o tambinimo sooji'en Rooma ngam ɓe mbaroyamo dow gaafaangal.

1 Korintiyanko'en 15:3

Mi waddanii'on fii ɓurɗum daraja ɗum keɓumi. Kanjum woni Almasiihu maayii ngam hakke meeɗen non no goɗɗe aayaaje mbi'i,

Koloosiyanko'en 2:14

Allah woggii fuu ko wooɗaa ɗum ngaɗɗen bindaaɗum ɗum um nangiri'en. O ittiiɗum dow meeɗen nde Almasiihu fiyanaa kuusaaje dow gaafaangal.

Ibraaniyanko'en 10:5

Kanjum waɗi carel ko Almasiihu natti duuniyaaru o wi'ii Allah: “Naa' sakkaneeki e hokkeeki dokke ngiɗɗaa, ammaa a siryanakeyam ɓandu.

Ibraaniyanko'en 10:10

Nde Yeesu Almasiihu waɗii ko Allah yiɗi o waɗa, en fuu en laaɓinaama daga hakke barka sakkuki hoore maako nde go'o tan ngam haa abadaa.