1 Biiturus 2:12 - Fulfulde Nigeria

¹² Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

1 Biiturus 2:12 ပူးပေါင်းရင်းမြစ်များ

1 Biiturus 3:16

Koo ndeye ɗum tawra'on e ɓernde lamnde, ngam to ɗum huɗii'on, ɓen ɗon kuɗooɓe ngikku mooɗon boɗɗum ngam on tokkuɓe Yeesu ɓe cemta.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

2 Korintiyanko'en 8:21

E min ngiɗi min ngaɗa ko haani, naa' yeeso Joomiraawo tan, ammaa haa maa e yeeso yimɓe.

1 Tasaloonikanko'en 4:12

Non waɗay ɓe tokkaayi Yeesu ndarda'on e mangu, nden on njowataa kammunde mooɗon dow koo moye ngam ko ngiɗɗon.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

Yaakubu 3:13

Moye woodi andal e faamu nder mooɗon? Sey o hollaɗum nder waɗuki jonde wooɗunde e kuuɗe boɗɗe nder lesnuki hoore e faamu.

Filibiyanko'en 1:27

Ko ɓuri woni ngaɗee jonde pottudunde e Habaru Belɗum dow Almasiihu, ngam koo mi warii mi yi'i'on, koo mi walaa ɗon, mi nana habaru on ɗon ndarii boɗɗum nder nyumo go'o, ko ngiɗɗon go'o. On piida ngam suranki ko Habaru Belɗum wi'i,

2 Korintiyanko'en 1:12

Ko min mantortoo woni ɓerɗe amin e tabbitinanamin min ngaɗii jonde nder duuniyaaru nder senaaki e goonga ƴiwoyɗum to Allah, hakko maa nder mooɗon. Min njooɗori non naa' dow andal iri ngal yimɓe duuniyaaru, ammaa yidde Allah wallimin.

2 Biiturus 3:11

Nde koo ɗume halkiray niini, iri ɓeye yimɓe haani ngarton? E haani ngaɗon jonde ceniinde e jonde kulol Allah,

Roomanko'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

Roomanko'en 12:17

To' on ngaato halleende e halleende, ammaa paamee ngam ngaɗon ko koo moye yi'ata ɗum boɗɗum.

Ibraaniyanko'en 13:18

Ngaɗee ka waɗankimin do'aare. Min tabbitinii ɓerɗe amin ɗe laɓɗe, e min ngiɗi waɗuki ko haani nder koo ɗume.

1 Timooti 2:2

Ɗum waɗana laamiiɓe do'aare, e koo moye ardiiɗo ngam njooɗooɗen jam hakkiilo meeɗen e fukkii, en mawnina Allah, en ngaɗa ko o wi'i.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

Ibraaniyanko'en 13:5

Cendee ko'e mooɗon e yidde ceede. Munyee dow ko ngooduɗon, ngam Allah wi'ii, “Haa abadaa mi alataama, haa abadaa mi sendirtaa e maaɗa.”

Roomanko'en 15:9

kadin ngam yimɓe naa' Yahuudanko'en mawnina Allah ngam yurmeende maako. Non no ɗum windiraa, “Ngam non, mi mantete nder yimɓe naa' Yahuudanko'en, mi yima gimi mantuki inde maaɗa.”

Luka 19:44

ɓe ndo''umaa e leydi, an e ɓiɓɓe maaɗa wonɓe nder maaɗa, ɓe alataa wonde hayre dow wonde nder maaɗa, ngam a anditaayi carel ngel Allah wari hisnukima.”

Maatiyu 10:25

Ekkitotooɗo nanay belɗum to wartii bo moodibbo muuɗum, maccuɗo maa nanay belɗum to wartii bo jeyɗomo. To ɓe noddirii joomu wuro on Ba'aljabul laamiiɗo ginni, ɓe ɓuray wiiki ko halli dow ɓe wuro ngon!

Maatiyu 5:11

“On barkiɗinaaɓe to yimɓe kuɗii'on, torrii'on, pewanii'on mbi'ii haalaaji kalluɗi feere‑feere dow mooɗon ngam am.

1 Biiturus 4:11

Fuu ga'ajinoowo, sey wa'ajina Wolde Allah. Fuu balloowo sey wallira sembe ɗum Allah hokkimo, ngam nder koo ɗume ɗum mawnina Allah barka Yeesu Almasiihu. Mangu e laamu tabbita to maako haa abadaa abadin. Aamin.

Aafisanko'en 2:3

Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

2 Korintiyanko'en 13:7

Ammaa e min toroo Allah to' ngaɗon goɗɗum ko wooɗaa. Naa' ngam yimɓe ngi'a bo e min ngaɗa ko wooɗi, ammaa ngam ngaɗon ko haani, koo nde ɗum yi'aymin bo min ngaɗaayi kuugal amin boɗɗum.

1 Korintiyanko'en 14:25

Ko woni nder ɓernde maako cuuɗiiɗum ɗum wurtoto e njayri, o diccoto, o mawnina Allah, e mo wi'a, “Goonga, Allah e ɗon nder mooɗon.”

Kuuɗe Lilaaɓe 24:13

Ɓe mbaawataa tabbitinankima ko ɓe ngulloriiyam jooni.

Kuuɗe Lilaaɓe 15:14

Jooni Siiman yottini ɗiiwitanki'en no Allah suɓiri woɓɓe nder leƴƴi ɗi naa' Yahuudanko'en, wartiriɓe yimɓe muuɗum.

Luka 6:22

“On barkiɗinaaɓe to yimɓe nganyii'on, ndiiwii'on, kuɗii'on, mbonnii inɗe mooɗon ngam Ɓii Neɗɗo.

Luka 1:68

“En mantu Joomiraawo, Allah Israa'iila, ngam o waroyii o rimɗinii yimɓe maako.

Maatiyu 9:8

Nde kawrutuɓe ɗon ngi'i non, ɓe kuli, ɓe manti Allah, kokkuɗo yimɓe iri ɗe'e bawɗe.

Kuuɗe Lilaaɓe 25:7

Nde Bulus wari, Yahuudanko'en ƴiwoyɓe Urucaliima piliimo, ɓe ngulloriimo gullaali ɗuɗɗi kalluɗi, ɗi ɓe mbaawaayi tabbitinki.

Yahaya 13:31

Gaɗa Yahuuda alii ɗon, Yeesu wi'i, “Jooni teddungal Ɓii Neɗɗo wangay, nden laawol maako teddungal Allah wangay.

Kuuɗe Lilaaɓe 28:22

Ammaa e min ngiɗi mbi'aamin nyumo maaɗa, ngam e min andi yimɓe koo toye e ngedda diina ka tokkuɗaa.”

Roomanko'en 14:18

Ngam koo moye kuwanoowo Almasiihu e waɗa iri ngikku ɗu'um o belnanoowo Allah ɓernde; yimɓe boo kokkaymo mangu.

1 Timooti 5:10

Doole o warta mo ɗum andiri waɗuki kuuɗe boɗɗe, ekkitinɗo ɓiɓɓe maako boɗɗum, jaɓɓotooɗo hoɓɓe, gaɗanoowo tokkuɓe Yeesu fii boɗɗum nder lesnuki hoore, balloowo yimɓe nattuɓe torra, gaɗuɗo hoore muuɗum dow waɗuki boɗɗum nder koo ɗume.

1 Biiturus 2:15

Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu.