1 Biiturus 2:11 - Fulfulde Nigeria

¹¹ Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

1 Biiturus 2:11 ပူးပေါင်းရင်းမြစ်များ

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

Ibraaniyanko'en 11:13

Yimɓe ɓe'e fuu maayii e koolii Allah. Ɓe keɓaayi alkawal ngal, ammaa ɓe kaynakengal ɓe nanii belɗum maagal. Ɓe mbi'ii e njayri ɓe hoɓɓe ɓe garɓe nder duuniyaaru ndu'u.

Roomanko'en 8:13

Ngam to on ngaɗa jonde no ɓalli mooɗon ngiɗiri, on maayay. Ammaa barka Ruuhu Allah, to on mbarii kuuɗe ɗe ɓalli mooɗon ngiɗi waɗuki, on keɓay yonki ki re'ataa.

Yaakubu 4:1

Ko waddata hawre e yeddootirki hakkunde mooɗon? Naa' suunooji konidooji e ɓerɗe mooɗon waddataɗum?

2 Timooti 2:22

Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

Roomanko'en 12:1

Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

Roomanko'en 7:23

Ammaa nder ɓandu am mi yi'ii goɗɗum dooka feere e honida e dooka ɗum ɓernde am yiɗi. Ɗum wartiriiyam maccuɗo hakke gonɗum nder ɓandu am.

Kuuɗe Lilaaɓe 15:29

to' on nyaamu ko ɗum sakkani gunkiiji koo ko saaɗi koo ko ɗum moylani daande koo ƴiiƴam, nden to' on ngaɗu njeenu. To on curii ko'e mooɗon e waɗuki fii ɗu'um on ngaɗii boɗɗum. Allah walla'en!”

Luka 21:34

“Paamee to' yare‑yare e nyaame‑nyaame e wannuki e ko woni nder duuniyaaru hocca ɓerɗe mooɗon, ngam to' nyalnde nden uddoo'on on andaa.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

2 Korintiyanko'en 6:1

Minon, min kuudooɓe e Allah. Ngam maajum e min toroo'on to' on alu caahu Allah ɗum keɓuɗon warta meere.

2 Korintiyanko'en 5:20

Ngam non, min metooɓe ko Almasiihu wi'imin, bo Allah torotoo'on laawol amin. E min toroo'on ngam Almasiihu, ciryootiree e Allah.

Kuuɗe Lilaaɓe 15:20

En mbindanɓe ɗerewol to' ɓe nyaama nyamndu harminiindu ndu ɗum hirsani allaaji, to' ɓe ngaɗa njeenu, to' ɓe nyaama ko moylanaa daande koo ko saaɗi koo ƴiiƴam.

1 Biiturus 1:1

Min Biiturus lilaaɗo Yeesu Almasiihu windi ɗerewol ngo'ol. Mi windanngol yimɓe ɓe Allah suɓi, cankitiiɓe, gaɗooɓe jonde koɗaaku e leydi Fantus, e leydi Galaatiya, e leydi Kafadookiya, e leydi Aasiya, e leydi Bitiiniya.

Aafisanko'en 2:19

Ngam maajum, onon yimɓe naa' Yahuudanko'en, naa' on hoɓɓe koo garɓe. Jooni on nder lenyol yimɓe Allah e iyaalu maako.

Ibraaniyanko'en 6:9

Koo nde e min metira niini, fuu e non, onon ɓe min ngiɗi, min tabbitinii onon on dow laawol bongol, laawol kisndam.

1 Biiturus 4:12

Onon ɓe ngiɗumi, to' on kayɗin dow torra kalluka keɓuka'on. Ka heɓu'on ngam ɗum foonda'on. To' on nyumu goɗɗum fii kesum heɓii'on.

2 Biiturus 3:1

Onon ɓe ngiɗumi, ngo'ol woni ɗerewol am ɗiɗaɓol ngol mbindanmi'on. Nder ɗereeji am ɗi fuu ɗiɗi mi siftoranii'on ko anduɗon ngam nyumooji mooɗon ngarta laɓɗi.