1 Biiturus 2:1 - Fulfulde Nigeria

¹ Ngam non, alee koo iri ɗume ngikku kalluɗum. Alee fewre, e ngikku munaafukiijo, e lawliiru, e huɗuki woɓɓe koo iri kiye.

1 Biiturus 2:1 ပူးပေါင်းရင်းမြစ်များ

Aafisanko'en 4:31

Alee koo iri ndeye monnere, e mettinki ɓernde, e monnanki woɓɓe, e hawre, e huɗhuɗtirki, e waɗuki koo iri ndeye halleende.

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

Yaakubu 4:11

Bandiraaɓe, to' on metindir haalaaji kalluɗi. Ngam fuu metuɗo haala kalluka dow bandiraawo muuɗum, koo yowanimo ko wooɗaa, metii haala kalluka dow dooka Allah won ɗon, yowaniiɗum ko wooɗaa. Ammaa taa yowanii dooka Allah ko wooɗaa, a wartii mo tokkataaka jowanoowoka ko wooɗaa.

1 Biiturus 3:10

Aayaare wi'ii, “Fuu giɗɗo nana belɗum jonde muuɗum, neeɓa e duuniyaaru, sey o ala meto kallungo, o ala fewre.

1 Biiturus 4:4

E ɓe kayɗina ngam on kawtataa ko'e e maɓɓe jooni nder waɗuki kuuɗe ɗuɗɗe ɗe mbooɗaa. Ngam non e ɓe kuɗa'on.

1 Biiturus 4:2

Ngam non, nder balɗe mooɗon koriiɗe e duuniyaaru, to' on ɓeydu tokkuki suuno ɓandu, ammaa tokkee ko Allah yiɗi.

Yaakubu 5:9

Bandiraaɓe am, to' on metindir metemeteeji ngam to ɗum waɗana'on kiita. Raɗɗum, Gaɗoowo Kiita e darii to dammugal!

Ibraaniyanko'en 12:1

Ngam maajum, nde e woodi yimɓe ɗuɗɓe kolluɓe no ɓe koolorii Allah, en cendir e koo ɗume kaɗayɗum'en waɗuki ko haani ngaɗen e hakke kaɓɓuɗum'en. En ngaɗu ko mbaaweten waɗuki njottinen ko Allah wi'i ngaɗen.

1 Timooti 3:11

Non maa rewɓe ɓen ngarta ɓe ngikku boɗɗum, to' ɓe ngarta bi'ooɓe haalaaji kalluɗi dow woɓɓe, ammaa ɓe ngarta curɓe ko'e maɓɓe, gaɗooɓe goonga dow koo ɗume.

1 Biiturus 2:22

O meeɗaayi waɗuki hakke koo seɗɗa, ɗum meeɗaayi nanki fewre wurtake daga honduko maako.

Tiitus 2:3

Non maa ekkitinaa madu'en njooɗoo jonde haanunde rewɓe tokkuɓe Yeesu njooɗoo. To' ɓe ngarta bi'ooɓe haalaaji kalluɗi dow woɓɓe, koo giɗuɓe njaru. Ɓe ngarta ekkitinooɓe ko wooɗi,

1 Korintiyanko'en 14:20

Bandiraaɓe, alee nyumuki bo sukahoy. Ngartee ɓe ngalaa halleende bo ɓikkoy keccoy, ammaa ngartee bo mawɓe nder nyumo mooɗon.

Roomanko'en 1:29

E ɓe keewi koo iri ɗume fii ɗum wooɗaa, e halleende, e yiɗuki ko ɓe njeyaayi, e ngikku kalluɗum, e lawliiru, e ware‑ware, e hawre, e majjinki yimɓe, e ɓerɗe ɓaleeje. E ɓe meta dow woɓɓe,

Luka 6:42

No waɗata mbi'aa bandiraawo maaɗa, ‘Bandiraawo, al mi ittanmaa geenel nder hitere maaɗa,’ nden an e hoore maaɗa a yi'aayi legga wonga nder hitere maaɗa? An munaafukiijo, artu ittuki legga wonga nder hitere maaɗa, nden ngi'aa boɗɗum keɓaa no ittiraa geenel gongel nder hitere bandiraawo maaɗa.

Maatiyu 23:28

Non onon maa mbaaɗon. Yimɓe e ngi'a'on bo on aadili'en, ammaa nder ɓerɗe mooɗon on munaafuki'en on keewii halleende.

Maatiyu 7:5

An munaafukiijo, artu ittuki legga wonga nder hitere maaɗa, nden ngi'aa boɗɗum keɓaa no ittiraa geenel gongel nder hitere bandiraawo maaɗa.

2 Korintiyanko'en 12:20

E mi hula to mi warii to mooɗon, mi tawrataa'on no ngiɗumi, nden onon maa on tawrataayam no ngiɗɗon. E mi hula mi tawra'on hawre, e lawliiru, e mettinki ɓernde, e yidde hoore, e huɗuki, e metuki haalaaji kalluɗi dow woɓɓe, e mawninki hoore, e umminki hakkiilo.

Wahayu Yahaya 14:5

Ɗum meeɗaayi nanki fewre daga konduɗe maɓɓe, ngam ɓe meeɗaayi waɗuki goɗɗum ko wooɗaa.

1 Biiturus 2:16

Naa' on maccuɓe, on rimɗinaaɓe, ammaa to' on ngartir rimɗinki mooɗon warta laawol waɗuki ko halli, ammaa ngaɗee jonde bo maccuɓe Allah.

Yaakubu 4:5

Koo on kammii e meere aayaare wi'i, “Allah e woodi lawliiru dow yonki ki o waɗi nder meeɗen?”

Yaakubu 3:14

Ammaa to on ngoodi lawliiru kallundu e yidde hoore nder ɓerɗe mooɗon, to' on mantito dow maajum koo nganyon goonga.

1 Tasaloonikanko'en 2:3

Carel ngel min torii'on njaɓon Habaru Belɗum, min kuutiraayi fewre, walaa halleende nder ɓerɗe amin, min ƴoyraayi'on.

1 Korintiyanko'en 5:8

Ngam non, en ngaɗu Humto Sakkinki meeɗen naa' e buroodi gooduɗum ƴuufinirɗum kiiɗum ɗum halleende e kuuɗe kalluɗe, sey ni e buroodi ɗum walaa ƴuufinirɗum, waato en ngaɗu jonde lamnde nde goonga.

Yahaya 1:47

Nde Yeesu yi'i Nataaniyal e waroya to muuɗum, sey meti dow maako, wi'i, “Raa Israa'iilankeejo mo goonga mo fewataa.”

Luka 11:44

On mbonii! On nandi e genaale ɗe ngi'ataake, yimɓe e tokka dow maaje andaa.”

Luka 12:1

E carel ngel, yimɓe ɗuɗɓe moɓtii haa ɓe ngaɗi ka yaɓyaɓtirki. Yeesu wi'i tokkuɓemo, “Paamee to' ngarton bo Faarisanko'en ngam ɓe munaafuki'en.

Markus 12:15

Min njoɓa ceede leydi, koo to' min njoɓa?” Ammaa Yeesu e andi e ɓe ngiɗi ƴoyrukimo, sey o wi'iɓe, “Ngam ɗume poondotonyam? Ngaddaneeyam yamnde ajurfaari mi raarande.”

Maatiyu 24:51

o fiyaymo boɗɗum o waɗamo nder munaafuki'en. Ɗon ɗum woyata ɗum nyerƴindira nyiiƴe.

Maatiyu 15:7

Onon munaafuki'en! Icaaya wi'ii goonga nde o waɗi annabaaku dow mooɗon wiiki,