1 Biiturus 1:8 - Fulfulde Nigeria

⁸ Koo nde on meeɗaayi yiikimo, on ngiɗimo. Koo nde naa' on ngi'amo jooni, on koolakemo, on nana belɗum mawɗum nder ɓerɗe mooɗon ƴaɓɓiiɗum meteeki.

1 Biiturus 1:8 ပူးပေါင်းရင်းမြစ်များ

Yahaya 20:29

Yeesu wi'imo, “A hooliyam ngam a yi'iiyam? Ɓe barkiɗinaaɓe yimɓe ɓe ngi'aayiyam, fuu e non ɓe koolakeyam.”

2 Korintiyanko'en 5:7

E min ngaɗa jonde amin dow hoolaaki Allah, naa' dow ko min ngi'ata e gite.

Roomanko'en 15:13

Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.

Ibraaniyanko'en 11:1

Too, hoolaare woni tabbitinki heɓuki ko ngaɗɗen kammunde heɓuki, kayre tabbitinanta'en fii ɗum en ngi'ataa.

Yahaya 16:22

Non ɗum woni to mooɗon. Jooni ɗum carel ngel nanoton nawɗum ɓernde, ammaa mi fuɗɗitay mi yi'a'on, nden on mbelmbeltay. Walaa baawayɗo ittana'on belɗum ɓernde.

2 Korintiyanko'en 4:18

Ngam non, hakkiilo amin walaa dow ko gite ngi'ata. E min ngaɗa hakkiilo amin dow ko gite mbaawataa yiiki. Ngam ko gite ngi'ata ɗum ƴaɓɓotooɗum, ammaa ko gite mbaawataa yiiki, ɗum tabitayɗum.

1 Biiturus 1:6

Ngam non, nanee belɗum ɗuɗɗum, koo nde jooni ɗum waɗoto on nattay torraaji feere‑feere carel seɗɗa

Ibraaniyanko'en 11:27

Ngam Muusa e hoolii Allah waɗi o ali leydi Masar, o hulaayi monnere laamiiɗo leydi ndin. O wanyi o so''o ngam o yi'ii Allah mo yi'ataake.

1 Biiturus 2:7

Hayre nden ɗon e nde woodi mangu to mooɗon onon kooliiɓe Yeesu. Ammaa to ganyuɓe kooloomo ɓe ngi'ay no, “Hayre nde mahooɓe nganyi, kayre woni hayre ɓurnde koo ndeye darnuki maadi.”

Filibiyanko'en 4:4

Koo ndeye nanee belɗum ngam Joomiraawo. E mi fuɗɗita e mi wi'a'on, nanee belɗum!

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

Aafisanko'en 6:24

Allah barkiɗina koo moye giɗɗo Joomiraawo meeɗen Yeesu Almasiihu yidde nde re'ataa.

Filibiyanko'en 1:25

Mi tabbitinii ɗum non. Ngam maajum e mi andi mi jooɗodoto e yonki taw, mi nyamra yeeso e jooɗodaaki e mooɗon on fuu, ngam nyamron yeeso, nanon belɗum nder hoolaaki Yeesu.

Roomanko'en 14:17

Ngam Laamu Allah naa' ɗum nyaamuki e yarki, ammaa ɗum aadilaaku, e jonde jam, e belɗum ɓernde keɓeteeɗum barka Ruuhu Allah.

Yahaya 14:24

Koo moye mo yiɗaayam boo tokkataa ekkitinol am. Ekkitinol ngol nanɗon, naa' ɗum ngol am, ɗum ngol Nyaako Mo Dow liloyɗoyam.

Yahaya 8:42

Yeesu wi'iɓe, “Daa Allah woni Nyaako mooɗon, daa on ngiɗayyam, ngam daga to maako ƴiwoymi, jooni boo e mi ɗo'o. Mi waraayi ngam hoore am, ammaa kanko liloyiyam.

Filibiyanko'en 3:3

Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

Galaatiyanko'en 5:6

Ngam to en cumpootira e Yeesu Almasiihu, naadeeki e ciya naadeeki fuu walaa ko nafi. Ammaa ko ɓuri woni hoolaaki Almasiihu. Ko hollata en koolimo woni ngiɗen yimɓe e Allah.

2 Korintiyanko'en 12:4

Ton o nani goɗɗe boliiɗe ɗe neɗɗo fotaayi wiiki, sirruuji ɗi neɗɗo haanaa wurtina.

2 Korintiyanko'en 9:15

Yettoore tabbita to Allah ngam caahu ɗum o hokki'en ɗum honduko waawataa wi'a.

2 Korintiyanko'en 1:22

o waɗanii'en alaama maako kolluɗum enen ɗum ɓe maako. O hokkii'en Ruuhu maako nder ɓerɗe meeɗen, ngam ɗum tabbitinana'en ko o hokkata'en yeeso ɗo'o.

Kuuɗe Lilaaɓe 16:34

Nden o yaari Bulus e Siila wuro maako, o hokkiɓe nyamndu. Kanko e wuro maako fuu ɓe nani belɗum ngam ɓe ngartii kooliiɓe Allah.

Yahaya 14:21

“Koo moye jogiiɗo ko mbiimi ɗum waɗa tokkiɗum, kanko woni giɗɗoyam. Fuu giɗɗoyam Nyaako am yiɗaymo, nden min maa mi yiɗaymo mi wanginanaamo hoore am.”

Yahaya 14:15

“To on ngiɗiyam, on ngaɗay ko mbiimi ngaɗon.

Maatiyu 10:37

“Koo moye ɓuri yiɗuki nyaako muuɗum koo maduujo muuɗum dow am, o fotaayi wartuki tokkuɗoyam. Ɗonmaa fuu ɓurɗo yiɗuki ɓiɗɗo muuɗum dow am, o fotaayi wartuki tokkuɗoyam.

1 Korintiyanko'en 16:22

Fuu mo yiɗaa Joomiraawo, Allah laanamo. Yaa Joomiraawo amin, waroy!

Aafisanko'en 3:19

Kadin e mi yiɗi andon yidde Almasiihu nde ɓurii sembe andal, ngam keɓon keewon ngikku Allah.