1 Biiturus 1:6 - Fulfulde Nigeria

⁶ Ngam non, nanee belɗum ɗuɗɗum, koo nde jooni ɗum waɗoto on nattay torraaji feere‑feere carel seɗɗa

1 Biiturus 1:6 ပူးပေါင်းရင်းမြစ်များ

Yaakubu 1:2

Bandiraaɓe am, to torraaji feere‑feere ngaranii'on, njaɓeeɗi e welwelo,

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Roomanko'en 12:12

Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

Roomanko'en 5:2

Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum.

Maatiyu 5:12

Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Yahaya 16:22

Non ɗum woni to mooɗon. Jooni ɗum carel ngel nanoton nawɗum ɓernde, ammaa mi fuɗɗitay mi yi'a'on, nden on mbelmbeltay. Walaa baawayɗo ittana'on belɗum ɓernde.

Maatiyu 11:28

“Ngaree to am on fuu dondiiɓe doŋle tedduɗe, mi hokkay'on siwtaare.

Roomanko'en 5:11

Ammaa naa' kanjum tan, haa maa en nana belɗum ngam ko Allah waɗi barka Joomiraawo meeɗen Yeesu Almasiihu, ciryootirɗo'en e Allah jooni.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Luka 10:20

Ammaa to' on nanu belɗum ngam ginni e ngaɗa ko mbiiɗon, ammaa nanee belɗum ngam inɗe mooɗon mbindaama e wuro Allah.”

1 Biiturus 4:7

Re'uki koo ɗume ɓadake. Ngam non paamee, curee ko'e mooɗon ngam mbaawon waɗuki do'aare.

Yaakubu 4:9

Ngannee, ngullee, mboyee. Ngaylitee jaleeɗe mooɗon ngarta bojji, nanuki belɗum mooɗon warta ciya nanki belɗum.

2 Korintiyanko'en 4:17

Ngam torraaji ɗi min torretee jooni ɗi seɗɗanaaji ɗi neeɓataa ɗi ngaɗay min keɓa teddungal ngal haa abadaa ɓurngal koo ɗume.

Yaakubu 1:9

Tokkuɗo Yeesu mo walanaa nana belɗum, ngam yeeso Allah o mawɗo.

Filibiyanko'en 3:3

Ngam enen ngoodi naaduki ki goonga, enen mawninooɓe Allah nder Ruuhu maako, mantortooɓe Yeesu Almasiihu. Enen en ngaɗataa ɓerɗe meeɗen dow kuuɗe ɗe ngaɗeten e ɓandu ngam Allah jaɓa'en,

2 Korintiyanko'en 6:10

E ɗum waɗa min nana ciya belɗum ɓernde, ammaa koo ndeye e min mbelmbelta. Min ngalanaa, ammaa min ngartirii ɗuɗɓe riskuɓe. Min koccaama bo koo ko min ngoodi, ammaa e min ngoodi koo ɗume.

1 Tasaloonikanko'en 1:6

On ngartii ekkitotooɓe to amin e to Joomiraawo, ngam on njaɓii Wolde Allah nder welwelo ngo Ruuhu Allah hokkata, koo nde on njarii torra naa' seɗɗa.

Filibiyanko'en 4:4

Koo ndeye nanee belɗum ngam Joomiraawo. E mi fuɗɗita e mi wi'a'on, nanee belɗum!

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

Roomanko'en 9:2

E mi wannii naa' seɗɗa, nden nawɗum ɓernde am walaa re'irde ngam bandiraaɓe am Yahuudanko'en.

Filibiyanko'en 2:26

Ngam o haaɓii o yi'a'on on fuu, o wannii ngam on nanii o yamɗaa.

Luka 2:10

Ammaa malaa'ikaajo on wi'iɓe, “To' on kulu! Mi waddanii'on habaru ɓurɗum welki ngam koo moye.

Luka 1:47

E mi nana belɗum ɗuɗɗum nder ɓernde am ngam Allah, Kisnoowoyam,

Maatiyu 26:37

O hocci Biiturus e ɓiɓɓe Jabadi ɗiɗo. Ɓernde maako boo teddi, o fuɗɗi wannuki naa' seɗɗa.

1 Biiturus 3:17

Ngam ɗum ɓurii neɗɗo yara torra ngam waɗuki fii boɗɗum, to ɗum cuɓol Allah, e dow yara torra ngam waɗuki ko halli.